Read መ/ቅዱስ ትግርኛ, Tigrigna Bible, 1997 ኦሪት ዘህልቍ 24 Bible Online

ኦሪት ዘህልቍ 24 - መ/ቅዱስ ትግርኛ, Tigrigna Bible, 1997 bible

ኦሪት ዘህልቍ 24

¹በላዓም ድማ ንእስራኤል ኪምርቖ፡ ኣብ ቅድሚ እግዚኣብሄር ጽቡቕ ከም ዝኾነ ምስ ረአየ፡ ገጹ ንበረኻ ኣቢሉ መለሰ እምበር፡ ከምተን ቀዳሞት ግዝያት ብኣስማት ኪቃበበል ኣይከደን።

²በላዓም ከአ ዓይኑ ኣልዐለ ንእስራኤል ድማ በብነገዶም ሰፊሮም ረአዮም፡ መንፈስ ኣምላኽ ድማ ናብ ልዕሊኡ መጸ።

³ምስላኡ ኣልዒሉ ኸአ በለ፡ በላዓም ወዲ ቤዖር፡ ከምዚ ይብል፡ እቲ ኽፉት ኣዒንቲ ዘለዎ ሰብኣይ ድማ ከምዚ ይብል፡

⁴እቲ ቓል ኣምላኽ ዚሰምዕ፡ ናይቲ ኹሉ ዝኽእል ራእይ ዚርኢ፡ እቲ ዚወድቕ፡ ኣዒንቱ ኸአ ዚኸፈተሉ፡ ከምዚ ይብል፡

⁵ኣታ ያእቆብ፡ ድንኳናትካ፡ ኣታ እስራኤል ድማ፡ ማሕደርካ ኽንደይ ይጽብቕ።

⁶ከም ለሴታት፡ ኣብ ገምገም ርባ ኸም ዘሎ ኣታኽልቲ፡ እግዚኣብሄር ከም ዝተኸሎ ዕሬታት፡ ኣብ ወሰን ማይ ከም ዝለኦ ጽሕድታት ይዝርግሑ።

⁷ካብ ዕትሮኡ ማይ ይጅርበብ፡ ዘርኡ ድማ ኣብ ብዙሕ ማያት ይኸውን፡፡ ንጉሱ ኻብ ኣጋግ ክብ ይብል፡ መንግስቱ ኸአ ክትልዐል እያ።

⁸ኣምላኽ ካብ ግብጺ ኣውጽኦ፡ ሓይሊ ኸም ናይ ርኤም ዝበለ ኣለዎ፡ ነቶም ዝጻረርዎ ህዝብታት ኪበልዖም እዩ፡ ኣዕጽምቶም ከአ ኪሰባብር እዩ፡ ብመንትጉውን ኪውግኦም እዩ።

⁹ንሱ ኸም ኣንበሳ በጥ ኢሉ፡ ከም ዋዕሮ ድማ ደቂሱ ኣሎ፡ መን የተንስኦ፡ ዚምርቐካ ምሩቕ ዚረግመካ ኸአ ርጉም ይኹን።

¹⁰ሽዑ ኹራ ባላቅ ኣብ በዓላም ነደደ፡ ኣእዳው ድማ ኣጣቕዔ፡ ባላቅ ከአ ንበላዓም፡ ኣነ ንጸላእተይ ክትረግሞም ጸዋዕኩኻ፡ እንሆ ኸአ፡ ሕጂ ስለስተ ሳዕ ኣጸቢቕካ መረቕካዮም።

¹¹ሕጂ ድማ ናብ ቦታኻ ህደም። ኣነ ኣዝየ ከኽብረካ ኢለ ነይረ፡ እግዚኣብሄር ግና እንሆ፡ ከይትኸብር ከልኣካ በሎ።

¹²በላዓም ከአ ንባላቅ በሎ፡ ነቶም ናባይ ዝሰደድካዮም ልኡኻትካ፡ ባላቅ ቤቱ ብሩርን ወርቅን መሊኡ እንተ ዚህበኒ እኳ፡ ቃል እግዚኣብሄር ኣፍሪሰ፡ ጽቡቕ ኮነ ወይስ ክፉእ፡ ከም ልበይ ክገብር ኣይክእልን፡ እግዚኣብሄር ዚብለኒ ንሱ እየ ዝዛረብ፡ ኢለዶ ኣይተዛረብክዎምን፡

¹³በላዓም ከአ ንባላቅ በሎ፡ ነቶም ናባይ ዝሰደድካዮም ልኡኻትካ፡ ባላቅ ቤቱ ብሩርን ወርቅን መሊኡ እንተ ዚህበኒ እኳ፡ ቃል እግዚኣብሄር ኣፍሪሰ፡ ጽቡቕ ኮነ ወይስ ክፉእ፡ ከም ልበይ ክገብር ኣይክእልን፡ እግዚኣብሄር ዚብለኒ ንሱ እየ ዝዛረብ፡ ኢለዶ ኣይተዛረብክዎምን፡

¹⁴ሕጂ ኸአ እንሆ፡ ናብ ህዝበይ እኸይድ ኣሎኹ። ንዓ እዚ ህዝቢ እዚ ዳሕሮት መዓልታት ንህዝብኻ ዚገብሮ ኺነግረካ።

¹⁵ምስላኡ ኣልዒሉ ድማ በለ፡ በላዓም ወዲ ቤዖር ከምዚ ይብል፡ እቲ ኽፉት ኣዒንት ዘለዎ ሰብኣይ ከምዚ ይብል፡

¹⁶እቲ ቓል ኣምላኽ ዚስምዕ፡ ፍልጠት እቲ ልዑል ድማ ዚፈልጥ፡ ናይቲ ኹሉ ዚኽእል ራእይ ዚርኢ፡ እቲ ዝወድቕ ኣዒንቱ ኸአ ዚኸፈታሉ፡ ከምዚ ይብል፡

¹⁷እርእዮ ኣሎኹ ሕጂ ደአ ኣይኮነን፡ እጥምቶ ኣለኹ፡ ግናኸ ቀረባ ኣይኮነን፡ ካብ ያእቆብ ኮኾብ ይወጽእ፡ ካብ እስራኤል ከአ በትሪ መንግስቲ ትትንስእ፡ ንሳ ንመሳፍንቲ ሞኣብ ትወቕዖም፡ ንኹሎም ደቂ መዕገርገርቲ ትጭፍልቖም።

¹⁸ኣኤዶም ርስቲ ኪኸውን እዩ፡ ስዒር ናይ ጸላእቱ ድማ ርስቲ ኪኸውን እያ፡ እስራኤል ከአ ሓይሊ ኺገብር እየ።

¹⁹ካብ ያእቆብ ገዛኢ ኺወጽእ እዩ፡ ነቲ ትርፊ ኸአ ኻብታ ኸተማ ኺውድኦ ኢዩ።

²⁰ንኣማሊቕ ርእዩ ድማ ምስላኡ ኣልዒሉ በለ፡ ኣማሊቕ ካብ ህዝብታት ቀዳማይ ኢዩ፡ ቤትካ ኸአ ኣብ ከውሒ ተነቢሩ ኣሎ።

²¹እዚ ኽነሱ፡ ኣሶር ክሳዕ ዚማርኸካ፡ ቃይን ኪዖኑ እዩ።

²²እዚ ኽነሱ፡ ኣሶር ክሳዕ ዚማርኸካ፡ ቃይን ኪዖኑ እዩ።

²³ምስላኡ ኣልዒሉ ድማ በለ ወይለይ፡ እግዚኣብሄር ነዚ ምስ ዚገብርሲ፡ መን ኮን ብህይወት ይንበር፡

²⁴ካብ ወሰን ኪቲም መራኽብ ኪመጻ እየን፡ ንሳተን ንኣሶር ኬጨንቓ፡ ንዔብርውን ኪጨንቓ እየን። ንሱ ኸአ ኪጠፍእ እዩ።

²⁵በላዓም ድማ ተንሲኡ ኸደ፡ ናብ ቦትኡ ኸአ ተመልሰ። ባላቅውን መገዱ ኸደ።