Read መ/ቅዱስ ትግርኛ, Tigrigna Bible, 1997 ኦሪት ዘህልቍ 28 Bible Online

ኦሪት ዘህልቍ 28 - መ/ቅዱስ ትግርኛ, Tigrigna Bible, 1997 bible

ኦሪት ዘህልቍ 28

¹እግዚኣብሄር ድማ ንሙሴ ኸምዚ ኢሉ ተዛረቦ።

²ንደቂ እስራኣኤል፡ መስዋእተይ እቲ ብልዔይ፡ ነቲ ጥዑም ጨና ዚኾነኒ ናይ ሓዊ መስዋእተይ፡ በቲ ምዱብ ጊዚኡ ከተቕርቡለይ ሓልው ኢልካ ኣዝዞም፡

³በሎም ድማ እቲ ንእግዚኣብሄር እተቕርብዎ መስዋእቲ ሓዊ እዚ እዩ፡ ነቲ ናይ ወርትግ ዚሓርር መስዋእቲ ነንመዓልቲ ጎደሎ ዜብሎም ክልተ ገንሸል ዓመት ንሓደ ገንሸል ብጊሓት ሰውኣዮ።

⁴ንመስዋእቲ ብልዒ ኸአ ብርብዒ ሂን ጉዱእ ዘይቲ እተቖምጥዔ ዓስራይ ኣፍ ኤፋ ድኹም ሓርጭ።

⁵ንመስዋእቲ ብልዒ ኸአ ብርብዒ ሂን ጉዱእ ዘይቲ እተቖምጥዔ ዓስራይ ኣፍ ኤፋ ድኹም ሓርጭ።

⁶እዚ እቲ ኣብ ከረን ሲና እተቐረበ ናይ ወርትግ ዚሓርር መስዋእቲ፡ ንእግዚኣብሄር ንእግዚኣብሄር ንጥዑም ጨና መስዋእቲ ሓዊ እዩ።

⁷ንመስዋኣቲ መስተ ኸአ ምስቲ ሓደ ገንሸል ርብዒ ሂን ይኹን። ኣቲ መስዋእቲ መስተ ኻብ ብርቱዕ መስተ ንእግዚኣብሄር ኣብ ቅዱስ ቦታ ይኹዖ።

⁸ነቲ ኻልኣይ ገንሸል ምሸት ሰውኣዮ። ከምቲ ናይ ብጊሓት ምስ መስዋኣቲ ብልዕን ምስ መስዋእቲ መስተን ጊርካ ንእግዚኣብሄር ንጥዑም ጨና ንመስዋእቲ ሓዊ ሰውኣዮ።

⁹ብመዓልቲ ሰነብት ድማ ክልተ ገንሸል ዓመት ጎደሎ ዜብሎም፡ ንመስዋእቲ ብልዒ ኸአ ኽልተ ዓስራይ ኣፍ ኤፋ፡ ብዘይቲ እተቖምጥዔ ድኹም ሓርጭ፡ ምስኡ ኸአ ናይ መስተ መስዋእቱ።

¹⁰እዚ በጀካ እቲ ናይ ወርትግ ዚሐርር መስዋእትን ናይ መስተ መስዋእቱን ናይ ሰንበት ሰንበት ዚሓርር መስዋእቲ እዩ።

¹¹ኣብ መጀምርታ ኣዋርሕኩም ድማ ክልተ ዝራብዕ፡ ሓደ ድዑል፡ ሾብዓተ ገንሸል ዓመት ጎደሎ ዜብሎም፡ ንእግዚኣብሄር ዚሐርር መስዋእቲ ከተቕርቡ ኢኹም።

¹²መስዋእቲ ብልዒ ድማ ነንሓደ ዝራብዕ ስለስተ ዓስራይ ኣፍ ኤፋ፡ ብዘይቲ እተቖምጥዔ ድኹም ሓርጭ ነቲ ድዑል መስዋእቲ ብልዒ ኸአ ክልተ ዓስራይ ኣፍ፡ ብዘይቲ እተቖምጥዔ ድኹም ሓርጭ።

¹³ነንሓደ ገንሸል መስዋእቲ ብልዒ ድማ ሓደ ዓስራይ ኣፍ ብዘይቲ እተቖምጥዔ ድኹም ሓርጭ፡ ንጥዑም ጨና ዚሓርር መስዋእቲ ሓዊ ንእግዚኣብሄር።

¹⁴ናይ መስተ መስዋእቶም ድማ ንዝራብዕ ፈረቓ ሂን ወይኒ፡ ንድዑል ከአ ሳልሳይ ኣፍ ሂን፡ ንገንሸል ከአ ርብዒ ሂን። እዚ ኣብ ናይ ዓመት ኣዋርሕ። በብወርሒ ዚሓርር መሰዋእቲ እዩ።

¹⁵ንመስዋእቲ ሓጢኣት ድማ ሓደ ድቤላ ንእግዚኣብሄር የቕርብ። እዚ ኣብ ልዕሊ እቲ ናይ ወርትግ ዚሐርር መስዋእትን ናይ መስተ መስዋእቱን ይሰዋእ።

¹⁶በታ ቐዳመይቲ ወርሒ፡ ካብታ ወርሒ ኣብ መበል ዓሰርተው ኣርባዕተ መዓልቲ ኸአ ፋሲጋ እግዚኣብሄር እዩ።

¹⁷ኣብታ ወርሒ እቲኣ ኣብ መበል ዓሰርተው ሓሙሽተ መዓልቲ ድማ በዓል እዩ። ሾብዓተ መዓልቲ ቅጫ ይበላዕ።

¹⁸በታ ቐዳመይቲ መዓልቲ ቅዱስ ኣኼባ ይኹነልኩም። ገለ ዕዮ ኣገልግሎት ኣይትዕየዩ።

¹⁹ግናኸ መስዋእቲ ሓዊ፡ ዚሐርር መስዋእቲ ንእግዚኣብሄር ክልተ ዝራዕ፡ ሓደ ድዑል፡ ሾብዓተ ገንሸል ዓመት ኣቕርቡ፡ ጎደሎ ዜብሎም ይኹነልኩም።

²⁰ናይ ብልዒ መስዋእቶም ከአ ብዘይቲ እተቖምጥዔ ድኹም ሓርጭ፡ ንዝራብዕ ሰለስተ ዓስራይ ኣፍ ሰውኡ፡

²¹ነቶም ሾብዓተ ገንሸል ነንሓደ ገንሸል ዓስራይ ኣፍ ሰውእ።

²²ንምዕራቕኩም ድማ ሓደ ድቤላ ንመስዋእቲ ሓጢኣት።

²³ብጀካ እቲ ናይ ብጊሓት ዚሐርር መስዋእቲ፡ ኣቲ ናይ ወርትግ ዚሐርር መስዋእቲ፡ እዚ ሰውኡ።

²⁴ኣብ ጸጽባሕ ሾብዓተ መዓልቲ ኸምኡ ግበሩ፡ ብልዒ መስዋእቲ ሓዊ ንእግዚኣብሄር ንጥዑም ጨና እዩ። እዚ ምስቲ ናይ ወርትግ ዚሐርር መስዋእትን ናይ መስተ መስዋእቱን ይሰዋእ።

²⁵በታ ሳብዐይቲ መዓልቲ ኸአ ቅዱስ ኣኼባ ይኹነልኩም፡ ገለ ዕዮ ኣገልግሎት ኣይትዕየዩ።

²⁶በታ ቐዳመይቲ ፍሬኹም ንእግዚኣብሄር ሓድሽ መስዋእቲ ብልዒ እተቕርቡላ መዓልቲ፡ በቲ ናይ ሰሙን በዓላትኩም፡ ቅዱስ ኣኼባ ይኹነልኩም፡ ገለ ዕዮ ኣገልግሎት ኣይትዕየዩ።

²⁷ግናኸ ዚሐርር መስዋእቲ ንእግዚኣብሄር ንጥዑም ጨና ኽልተ ዝራብዕ ሓደ ድዑል፡ ሾብዓተ ገንሸል ዓመት ኣቕርቡ።

²⁸ናይ ብልዒ መስዋእቶም ድማ ብዘይቲ እተቖምጥዔ ድኹም ሓርጭ፡ ነንዝራብዕ ሰለስተ ዓስራይ ኣፍ፡ ነቲ ድዑል ከአ ክልተ ዓስራይ ኣፍ፡

²⁹ነቶም ሾብዓተ ገንሸል ከአ ነንሓደ ገንሸል ዓስራይ ኣፍ፡

³⁰ብጀካ እቲ ናይ ወርትግ ዚሐርር መስዋእቲ ምስ ናይ ብልዒ መስዋእቱን ምስ ናይ መስተ መስዋእቶምን እዚ ሰውኡ። ጎደሎ ዜብሎም ከአ ይኹነልኩም።

³¹ብጀካ እቲ ናይ ወርትግ ዚሐርር መስዋእቲ ምስ ናይ ብልዒ መስዋእቱን ምስ ናይ መስተ መስዋእቶምን እዚ ሰውኡ። ጎደሎ ዜብሎም ከአ ይኹነልኩም።