Read መ/ቅዱስ ትግርኛ, Tigrigna Bible, 1997 ኦሪት ዘህልቍ 31 Bible Online

ኦሪት ዘህልቍ 31 - መ/ቅዱስ ትግርኛ, Tigrigna Bible, 1997 bible

ኦሪት ዘህልቍ 31

¹እግዚኣብሄር ድማ ንሙሴ፡ ንደቂ እስራኤል ንሚድያናውያንን ሕጊ ፍደየሎም፡ ድሕሪኡ ናብ ህዝብኻ ኽትእከብ ኢኻ፡ ኢሉ ተዛረቦ።

²እግዚኣብሄር ድማ ንሙሴ፡ ንደቂ እስራኤል ንሚድያናውያንን ሕጊ ፍደየሎም፡ ድሕሪኡ ናብ ህዝብኻ ኽትእከብ ኢኻ፡ ኢሉ ተዛረቦ።

³ሙሴ ኸአ ነቲ ህዝቢ ኸምዚ ኢሉ ተዛረቦ፡ ካባኻትኩም ሰባት ንውግእ ይዳለው፡ ኣብ ሚድያን ሕጊ እግዚኣብሄር ዝፈድዩ ኸአ ንሚድያን ይኺዱ።

⁴ካብ ኩሎም ነገዳት እስራኤል፡ ከካብ ነገድ ሽሕ ሰብ ንውግእ ሰደዱ።

⁵ካብ ኣሽሓት እስራኤል፡ ከካብ ነገድ ሽሕ ዝወጹ፡ ንኣታቶምን ነቲ ምስ ኣቕሑ መቕደስን መለኸት መመልከትን ኣብ ኢዱ ዝነበሮ ፊንሃስ ወዲ ኻህን ኣልኣዛርን ናብ ውግእ ሰደዶም።

⁶ካብ ኣሽሓት እስራኤል፡ ከካብ ነገድ ሽሕ ዝወጹ፡ ንኣታቶምን ነቲ ምስ ኣቕሑ መቕደስን መለኸት መመልከትን ኣብ ኢዱ ዝነበሮ ፊንሃስ ወዲ ኻህን ኣልኣዛርን ናብ ውግእ ሰደዶም።

⁷ከምቲ እግዚኣብሄር ንሙሴ ዝአዘዞ ኸአ፡ ምስ ሚድያን ተዋግኡ፡ ንኹሉ ተባዕታይ ድማ ቐለሉ።

⁸ንነገስታት ሚድያን ድማ፡ ንኤዊን ሬቀምን ጹርን ሑርን ሬባዕን፡ ነቶም ሓሙሽተ ነገስታት ሚድያን ምስቶም ቅቱላቶም ቀተልዎም። ንበላዓም ወዲ ቤዖር ድማ ብሴፍ ቀተልዎ።

⁹ደቂ እስራኤል ከአ ነንስቲ ሚድያንን ንቖልዑኤንን ማረኹ። ኩሉ ማሎምን ኩሉ ጥሪቶምን ኩሉ ገንዘቦምን ዘመቱ።

¹⁰ንኹለን ዚነብሩለን ከተማታቶምን ኩሉ ሰፈሮምን ከአ ብሓዊ ኣነደዱ።

¹¹ኩሉ ሰለባን ኩሉ ምርኮን፡ ሰብ ኮነ ማል ኮነ ወሰዱ።

¹²ነቶም ምሩኻትን ነቲ እተዘምተን ነቲ ሰለባን ድማ ናብ ሙሴን ናብ ካህን ኣልኣዛርን ናብ ኣኼባ ደቂ እስራኤልን፡ ናብቲ ሰፈር ኣብ ፎላፉል ሞኣብ ናይ ዮርዳኖስ፡ ኣብ መንጽር ያሪኮ ኣምጽእዎ።

¹³ሙሴን ካህን ኣልኣዛርን ኩሎም ሹማምቲ እቲ ኣኼባን ድማ ናብ ወጻኢ ሰፈር ኪቕበልዎም ወጹ።

¹⁴ሙሴ ኸአ በቶም ካብ ውግእ እተመልሱ ሓላቑ ሰራዊት፡ በቶም ሓላቑ ሽሕን ሓላቑ ሚእትን፡ ተናደደ።

¹⁵ሙሴ ድማ በሎም፡ ንኹለን ኣንስቲዶ ብህይወት ሓዲግኩምወን፡

¹⁶እንሆ በቲ ናይ ጴዖር ነገር፡ ብምኽሪ በላዓም፡ ንደቂ እስራኤል ንእግዚኣብሄር ዘጥለማኦም ንሳተን እየን፡ ስለዚ ኸአ ኣብቲ ኣኼባ እግዚኣብሄር መዓት ኮነ።

¹⁷ሕጂ ድማ ካብ ቆልዑ ተባዕታይ ዘበለ ቕተሉ፡ ምስ ተባዕታይ ብምድቃስ ሰብኣይ ዝፈለጣ ኹለን ኣንስቲ ኸአ ቅተልወን።

¹⁸ንስኻትኩም ከአ ክሳዕ ሾብዓተ መዓልቲ ኣብ ወጻኢ ሰፈር ስፈሩ፡ ሰብ ዝቐተለ ዘበለን እተቐትለ ዝተንከየ ዘበለን ከአ፡ ንስኻትኩምን ምሩኻትኩምን፡ ብሳልሰይቲ መዓልትን ብሳብዐይቲ መዓልትን ርእስኹም ኣንጽሁ።

¹⁹ንስኻትኩም ከአ ክሳዕ ሾብዓተ መዓልቲ ኣብ ወጻኢ ሰፈር ስፈሩ፡ ሰብ ዝቐተለ ዘበለን እተቐትለ ዝተንከየ ዘበለን ከአ፡ ንስኻትኩምን ምሩኻትኩምን፡ ብሳልሰይቲ መዓልትን ብሳብዐይቲ መዓልትን ርእስኹም ኣንጽሁ።

²⁰ኩሉ ኽዳውንትን ኩሉ ኣቕሓ ቖርበትን ካብ ጸጉሪ ጤል እተገብረ ኹሉን ኩሉ ኣቕሓ ዕጨይትን ኣንጽህዎ።

²¹ካህን ኣልኣዛር ድማ ነቶም ኣብ ውግእ ከይዶም ዝነበሩ ተዋጋእቲ ሰባት በሎም፡ እግዚኣብሄር ንሙሴ ዝአዘዞ ትእዛዝ ሕጊ እዚ እዩ፡

²²ወርቅን ብሩርን፡ ኣስራዚ፡ ሓጺን ቁርቁሮን ዓረርን፡

²³ሓዊ ዚኽእል ኩሉ ነገር ብሓዊ ኣሕልፍዎ፡ ይነጽህ ድማ፡ በቲ ዜንጽህ ማይ ከአ ይንጻህ። ሓዊ ንዘይኽእል ኩሉ ድማ ብማይ ኣሕልፍዎ።

²⁴ኣብታ ሳብዐይቲ መዓልቲ ኸአ ክዳውንትኹም ሕጸቡ፡ ትነጽሁ ኸአ። ድሕርቲ ናብ ሰፈር ትአትው።

²⁵እግዚኣብሄር ድማ ንሙሴ ኸምዚ ኢሉ ተዛረቦ፡

²⁶ንስኻን ካህን ኣልኣዛርን ሓላቑ ማይ ቤት ኣቦታት ኣኼባን ዃንኩም ነቲ ምርኮ ሰቡን ማሉን፡ ቁጽርዎ።

²⁷እቲ ምርኮ ነቶም ኣብ ውግእ ዝኸዱ ተዋጋእትን ንብዘሎ እቲ ኣኼባን ፍርቂ ፍርቂ ጌርኩም ምቐልዎም።

²⁸ካብቶም ናብ ውግእ ከይዶም ዝነበሩ ሰብ ውግእ፡ ካብ ሰብን ካብ ኣሓን ካብ ኣእዱግን ካብ ኣባጊዕን ከካብ ሓሙሽተ ሚእቲ ሓንቲ ነፍሲ እግዚኣብሄር ግብሪ ኣልዕል።

²⁹ካብቲ ፍሮምን ውሰዱ እሞ፡ ንእግዚኣብሄር ዚውዝውዝ መስዋእቲ ኪኸውን፡ ንኻህን ኣልኣዛር ሀቦ።

³⁰ካብ ፍርቂ ናይ ደቂ እስራኤል ከአ፡ ካብ ሰብ፡ ካብ ኣሓ፡ ካብ ኣእጉድን ካብ ኣባጊዕን፡ ካብ ኩለን ከብቲ ከካብ ሓምሳ ሓደ ውሰድ፡ ነቶም ሓለዋ ማሕደር እግዚኣብሄር ዚሕልው ሌዋውያን ሀቦም።

³¹ሙሴን ካህን ኣልኣዛርን ድማ ከምቲ እግዚኣብሄር ንሙሴ ዝአዘዞ ገበሩ።

³²እቲ እተዘምተ፡ ካብቲ እቶም ሰብ ውግእ ዝዘመትዎ ዝተረፈ ዝማት ሹዱሽተ ሚእትን ሰብዓን ሓሙሽተን ሽሕ በጊዕ፡

³³ሰብዓን ክልተን ሽሕ ላም፡

³⁴ስሳን ሓደን ሽሕ ኣድጊ፡

³⁵ኩልኹለን ሰላሳን ክልተን ሽሕ ሰብ ከአ ምስ ተባዕታይ ምድቃስ ዘይፈለጣ ነፍሳት ኣዋልድ።

³⁶እቲ ፍርቂ፡ ግደ እቶም ናብ ውግእ ከይዶም ዝነበሩ፡ ቁጽሪ እተን ኣባጊዕ ሰለስተ ሚእትን ሰላሳን ሾብዓተን ሽሕ ሓሙሽተ ሚእትን ኮነ።

³⁷ካብ ኣባጊዕ ግብሪ ንእግዚኣብሄር ሹዱሽተ ሚእትን ሰብዓን ሓሙሽተን ኮነ።

³⁸ኣሓ ድማ ሰላሳን ሹዱሽተን ሽሕ፡ ካብኡ ግብሪ ንእግዚኣብሄር ሰብዓን ክልተን፡

³⁹ኣእዱግ ከአ ሰላሳ ሽሕን ሓሙሽተ ሚእትን፡ ካብኡ ግብሪ እግዚኣብሄር ሰላሳን ክልተን ነፍሲ።

⁴⁰ኣእዱግ ከአ ሰላሳ ሽሕን ሓሙሽተ ሚእትን፡ ካብኡ ግብሪ እግዚኣብሄር ሰላሳን ክልተን ነፍሲ።

⁴¹ሙሴ ድማ እቲ ግብሪ እቲ ናይ እግዚኣብሄር ዚልዓል መስዋእቲ፡ ከምቲ እግዚኣብሄር ንሙሴ ዝአዘዞ፡ ንኻህን ኣልኣዛር በሆ።

⁴²እቲ ኻብቶም ኣብ ውግእ ዝነበሩ ሙሴ ዝመቐሎ፡ ፈረቓ እቲ ግደ ደቂ እስራኤል ከአ፡

⁴³እቲ ናይቲ ኣኼባ ፍርቂ፡ ካብ ኣባጊዕ ሰለስተ ሚእትን ሰላሳን ሾብዓተን ሽሕን ሓሙሽተ ሚእትን፡

⁴⁴ኣሓ ሰላሳን ሹዱሽተን ሽሕ፡

⁴⁵ኣእዱግ ሰላሳ ሽሕን ሓሙሽተ ሚእትን፡

⁴⁶ነፍሲ ሰብ ድማ ዓሰርተው ሹዱሽተ ሽሕ ኮነ።

⁴⁷ከምቲ እግዚኣብሄር ንሙሴ ዝአዘዞ ድማ፡ ሙሴ ኻብዚ ናይ ደቂ እስራኤል ፍርቂ፡ ካብ ሰብን ካብ እንስሳን ከካብ ሓምሳ ሓደ ወሲዱ፡ ነቶም ሓለዋ ማሕደር እግዚኣብሄር ዚሕልው ዝነበሩ ሌዋውያን ሀቦም።

⁴⁸እቶም ኣብ ልዕሊ ኣሽሓት ሰራዊት እተሾሙ ሓላቑ ኣሽሓትን ሓላቑ ሚእትታትን ድማ ናብ ሙሴ ቐረቡ፡

⁴⁹ንሙሴ ኸአ፡ ገላውኻ ቁጽሪ እቶም ኣብ ትሕቴና ዘለው ዓቀይቲ ቖጽርና፡ ሓደ ሰብ እኳ ኣይጎደለን።

⁵⁰ነፍሲ ወከፍ ካባና ድማ ኣቕሓ ወርቂ ዝረኸበ፡ ኣልቦ፡ ኣምባር፡ ቀለቤት፡ ኩትሻ፡ ድሪ፡ ኣብ ቅድሚ እግዚኣብሄር ምእንቲ ኼተዐርቐና፡ ንእግዚኣብሄር መስዋእቲ ኣቕረብና፡ በልዎ።

⁵¹ሙሴን ካህን ኣልኣዛርን ከኣ ነቲ በብዓይነቱ እተሰርሔ ኣቓሑ ወርቂ ኻባታቶም ወሰድዎ።

⁵²እቲ ኻብ ሓላቑ ኣሽሓትን ካብ ሓላቑ ሚእትትታን ንእግዚኣብሄር ዚልዓል መስዋእቲ ዘቕረብዎ ኹሉ ወርቂ ዓሰርተው ሹዱሽተ ሽሕን ሚእትን ሓምሳን ሲቃል ኮነ።

⁵³እቶም ሰብ ውግእ፡ ነፍሲ ወከፍ ነንርእሱ፡ ዚኾኖ ማሪኹ ነበረ።

⁵⁴ሙሴን ካህን ኣልኣዛርን ነቲ ወርቂ ኻብ ሓላቑ ኣሽሓትን ሚእትታትን ወሲዶም፡ ኣብ ቅድሚ እግዚኣብሄር ንመዘከርታ ደቂ እስራኣኤል ኪኸውን፡ ናብ ድንኳን ምርኻብ ኣእተውዎ።