Read መ/ቅዱስ ትግርኛ, Tigrigna Bible, 1997 ኦሪት ዘህልቍ 32 Bible Online

ኦሪት ዘህልቍ 32 - መ/ቅዱስ ትግርኛ, Tigrigna Bible, 1997 bible

ኦሪት ዘህልቍ 32

¹ደቂ ሮቤልን ንደቂ ጋድን ድማ ኣዝዩን ብዙሓት ማል ነበርኦም። እንሆ ኸአ፡ ምድሪ ያዕዜርን ምድሪ ጊልኣድን ቦታ ማል ከም ዝኾነ ምስ ረአዩ፡

²ደቂ ጋድን ደቂ ሮቤልን መጺኦም፡ ንሙሴን ንኻህን ኣልኣዛርን ንሱማምቲ ኣኼባን፡

³ዓጣሮትን ዲቦንን ያዕዜርን ኒምራህን ሔስቦንን ኤልዓለን ሴባምን ኔቦን ቤዖንን፡

⁴እዛ ኣቭ ቅድሚ ኣኼባ እስራኤል፡ እግዚኣብሄር ዝወቕዓ ምድሪ፡ ምድሪ ማል እያ፡ ገላውኻ ድማ ማል ኣለዋና፡ ኢሎም ተዛረብዎም።

⁵ኣብ ቅድሚ ዓይንኻ ሞጎስ እንተ ደአ ረኺብናስ፡ እዛ ምድሪ እዚኣ ንገላውኻ ርስቲ ትወሀብ፡ ንዮርዳኖስ ኣይተሳግረና፡ ከአ በሉ።

⁶ሙሴ ግና ንደቂ ጋድን ንደቂ ሮቤልን በሎም፡ ኣሕዋትኩም ናብ ውግእ ኪኸዱ ኸለውዶ፡ ኣብዚ ኽትተርፉ ኢኹም።

⁷ስለምንታይ፡ ናብታ እግዚኣብሄር ዝሀቦም ምድሪ ኸይአትው፡ ልቢ ደቂ እስራኤል እተድክሙ፡

⁸ኣቦታትኩም ድማምድሪ ኺርእዩ ኢለ ኻብ ቃዴስ ባርኔዓ ምስ ሰደድክዎም፡ ከምኡ ገበሩ።

⁹ክሳዕ ለሰ ኤሽኮል ደይቦም ነታ ምድሪ ምስ ረአይዋ፡ ናብታ እግዚኣብሄር ዝሀቦም ምድሪ ኻብ ምእንታው ንልቢ ደቂ እስራኤል ኣሸበርዎ።

¹⁰በታ መዓልቲ እቲአ ኸአ ኩራ እግዚኣብሄር ነደደ እሞ ኸምዚ ኢሉ መሓለ፡

¹¹ብጀካ ካሌብን ወዲ የፋኔ ቀኒዛውን እያሱ ወዲ ኔዌን፡ ንእግዚኣብሄር ፈጺሞም ስለ ዝሰዐብዎ፡ እዞም ካብ ግብጺ ዝደየቡ ሰባት ፈጺሞም ስለ ዘይሰዐቡኒ፡ ካብ ወዲ ዕስራ ዓመት ንላዕሊ ዘለው ነታ ንኣብርሃም፡ ንይስሃቅ፡ ንያእቆብ ከአ ዝመሓልኩሎም ምድሪ ኣይርእይዋን እዮም።

¹²ብጀካ ካሌብን ወዲ የፋኔ ቀኒዛውን እያሱ ወዲ ኔዌን፡ ንእግዚኣብሄር ፈጺሞም ስለ ዝሰዐብዎ፡ እዞም ካብ ግብጺ ዝደየቡ ሰባት ፈጺሞም ስለ ዘይሰዐቡኒ፡ ካብ ወዲ ዕስራ ዓመት ንላዕሊ ዘለው ነታ ንኣብርሃም፡ ንይስሃቅ፡ ንያእቆብ ከአ ዝመሓልኩሎም ምድሪ ኣይርእይዋን እዮም።

¹³ኩራ እግዚኣብሄር ከአ ኣብ እስራኤል ነደደ እሞ፡ እቲ ኣብ ቅድሚ እግዚኣብሄር ክፉእ ዝነበረ ወለዶ ኽሳዕ ዝውዳእ ዝገበረ ወለዶ ኽሳዕ ዚውዳእ፡ ኣርብዓ ዓመት ኣብ በረኻ ኾለል ኣበሎም።

¹⁴ኣቱም ትውልዲ ሓጥኣን ሰባት፡ ነቲ ነዳዲ ኹራ እግዚኣብሄር ኣብ ልዕሊ እስራኤል ከተበርትዑ፡ እንሆ ክንዲ ኣቦታትኩም ተንሳእኩም።

¹⁵ካብ ምስዓቡ እንተ ተመለስኩም፡ ንሱ ኸአ መሊሱ ንእስራኤል ኣብ በረኻ ይሓድጎም እሞ፡ ነዚ ህዝቢ እዚ ኹሉ ተጥፍእዎ ኣሎኹም።

¹⁶ንሳቶም ከአ ናብኡ ቐሪቦም በሉ፡ ኣብዚ ንማልና ደቤታት፡ ንቖልዑና ድማ ከተማታት ክንሰርሕ፡

¹⁷ንሕና ግና፡ ናብታ ቦታኦም ክሳዕ እንእትዎም፡ ቀቅድሚ ደቂ እስራኤል ክንከይድ ተዳሊና ኣጽዋር ሒዝና ኣሎና። ደቅና ኸአ ብዛዕባ እቶም ኣብታ ሃገር ዚነብሩ፡ ኣብ ጽንዓት ከተማታት ይቀመጡ።

¹⁸ደቂ እስራኤል ነፍሲ ወከፍ ረርስቱ ኽሳዕ ዚረክብ፡ ናብ ኣባይትና ኣይንምለስን።

¹⁹ርስትናስ ኣብ ክነጀው ዮርዳኖስ ብሸነኽ ምብራቕ በጺሑና እዩ እሞ፡ ኣብ ስግር ዮርዳኖስ ኣብ ንየው ምሳታትቶም ርስቲ ኣይንወርስን።

²⁰ሙሴ ድማ በሎም፡ እዚ ነገርዚ እንተጌርኩም፡ ኣብ ቅድሚ እግዚኣብሄር ከአ ንውግእ ኣጽዋር እንተ ሒዝኩም፡

²¹ንጸላእቱ ድማ ካብ ቅድሚኡ ኽሳዕ ዚሰጎም፡ እታ ሃገርውን ኣብ ቅድሚ እግዚኣብሄር ክሳዕ እትግዛእ፡ ኩሎም ሰልፈኛታትኩም ኣብ ቅድሚ እግዚኣብሄር ዮርዳኖስ እንተ ተሳጊሮምሲ፡ ድሕርቲ ትምለሱ፡ ኣብ እግዚኣብሄርን ኣብ እስራኣኤልን ከአ በይ በደል ትኾኑ፡ እዛ ሃገር እዚኣ ድማ ኣብ ቅድሚ እግዚኣብሄር ርስትኹም ክትከውን እያ።

²²ንጸላእቱ ድማ ካብ ቅድሚኡ ኽሳዕ ዚሰጎም፡ እታ ሃገርውን ኣብ ቅድሚ እግዚኣብሄር ክሳዕ እትግዛእ፡ ኩሎም ሰልፈኛታትኩም ኣብ ቅድሚ እግዚኣብሄር ዮርዳኖስ እንተ ተሳጊሮምሲ፡ ድሕርቲ ትምለሱ፡ ኣብ እግዚኣብሄርን ኣብ እስራኣኤልን ከአ በይ በደል ትኾኑ፡ እዛ ሃገር እዚኣ ድማ ኣብ ቅድሚ እግዚኣብሄር ርስትኹም ክትከውን እያ።

²³ከምኡ እንተ ዘይገበርኩም ግና፡ እንሆ ኣብ እግዚኣብሄር ሓጢኣት ገበርኩም፡ ሓጢኣትኩም ከም ዚረኸብኩም ድማ ፍለጡ።

²⁴ንደቅኹም ከተማታት፡ ነባጊዕኩም ከአ ደምቤታት ስርሑ፡ እቲ ኻብ ኣፍኩም ዝወጸ ድማ ግበርዎ።

²⁵ደቂ ጋድን ደቂ ሮቤልን ንሙሴ፡ ገላውኻ ኸምቲ ጐይታይ ዝአዘዞ ኺገብሩ እዮም።

²⁶ቆልዑናን ኣንስትናን መጓሰ ኣባጊዕናን ኩሉ ማልናን ኣብኡ ኣብ ከተማታት ጊልኣግ ይኹኑ።

²⁷ገላውኻ ግና ኩላቶም ንውግእ ኣጽዋአ ዝሐዙ፡ ከምቲ ጐይታይ ዝበሎ፡ ኣብ ቅድሚ እግዚኣብሄር ኪዋግኡ ይሳገሩ፡ ኢሎም ተዛረብዎ።

²⁸ሙሴ ድማ ንኻህን ኣልኣዛርን ንእያሱ ወዲ ነዌን፡ ንሓላቑ ማይ ቤት ኣቦታት ነገዳት ደቂ እስራኤልን ብዛዕባኦም ኣዘዘ።

²⁹ሙሴ ኸአ ደቂ ጋድን ደቂ ሮቤልን ንውግእ ኣጽዋር ዝሓዙ ኹሎም ኣብ ቅድሚ እግዚኣብሄር ኪዋግኡ፡ ምሳኻትኩም ዮርዳኖስ እንተ ተሳገሩ፡ እታ ሃገር ድማ ኣብ ቅድሜኹም እንተ ተገዝኤት፡ ሽዑ ምድሪ ጊልኣድ ርስቲ ሀብዎም።

³⁰ኣጽዋር ሒዞም ምሳኻትኩም እንተ ዘይተሳገሩ፡ በሎም።

³¹ደቂ ጋድን ደቂ ሮቤልን ድማ፡ ከምቲ እግዚኣብሄር ንገላውኻ ዝበሎም፡ ከምኡ ንገብር።

³²ንሕና ኣጽዋር ሒዝና ኣብ ቅድሚ እግዚኣብሄር ንምድሪ ኸንኣን ንሳገር፡ እቲ እንርስተዮ ርስቲ ኸአ ኣብዚ ኣብ ክነጀው ዮርዳኖስ ይኹነልና፡ ኢሎም መለሱ።

³³ሙሴ ኸአ ንኣታቶም ንደቂ ጋድን ንደቂ ሮቤልን ንፈረቓ ነገድ ምናሴ ወዲ ዮሴፍን፡ መንግስቲ ሲሆን ንጉስ ኣሞራውያን፡ መንግስቲ ዖግ ንጉስ ባሳን፡ እታ ሃገር፡ ከተማታት ምስ ከባቢኤን፡ ናይታ ኣብ ዙርያ ዘላ ሃገር ከተማታት ድማ ሀቦም።

³⁴ደቂ ጋድ ድማ፡ ዲቦንን ዓጣሮትን ዓሮዔርን፡

³⁵ዓጥሮትሾፋንን ያዕዜርን ዮግብሃን፡

³⁶ቤትኒምራን ቤትሃራንን፡ እተዐርዳ ኸተማታት፡ ደምቤታት ኣባጊዕ ከአ ሰርሑ።

³⁷ደቂ ሮቤል ድማ ሔስቦንን ኤልዓለን ቂርያታዩምን፡

³⁸ኔቦን በዓልሜዖንን ሰርሑ፡ ስመን ከአ ተለወጠ፡ ሲብማውን ሰርሑ። ነተን ዝሰርሕወን ከተማታት ከአ ካልእ ስም ኣውጽኡለን።

³⁹ደቂ ማኪር ወዲ ማናሴ ድማ ናብ ጊልኣድ ከይዶም ሐዝዋ፡ ነቶም ኣብኣ ዝነብሩ ኣሞራውያን ከአ ሰጎጉዎም።

⁴⁰ሙሴ ድማ ንማኪር ወዲ ምናሴ ጊልኣድ ሀቦ፡ ኣብኣ ኸአ ተቐመጠ።

⁴¹ያኢር ወዲ ምናሴ ድማ ከይዱ ዓድታቶም ሐዘ፡ ዓድታት ያኢር ኢሉ ኸአ ሰመየን።

⁴²ኖባ ድማ ከይዱ ንቔናትን ኣቑሻታን ሓዛ፡ ብስሙ ኸአ ኖባ ኣውጽኣላ።