Read መ/ቅዱስ ትግርኛ, Tigrigna Bible, 1997 ኦሪት ዘህልቍ 35 Bible Online

ኦሪት ዘህልቍ 35 - መ/ቅዱስ ትግርኛ, Tigrigna Bible, 1997 bible

ኦሪት ዘህልቍ 35

¹እግዚኣብሄር ድማ ንሙሴ፡ ኣብ ጎላጉል ሞኣብ ኣብ ዮርዳኖስ መንጽር ያሪኮ፡ ከምዚ ኢሉ ተዛረቦ፡

²ንደቂ እስራኤል፡ ካብቲ ዝወረስዎ ርስቲ ሌዋውያን ዚነብሩለን ከተማታት ኪህብዎም ኣዝዞም። ኣብ ዙርያ እተን ከተማታት ዘሎ ከባቢኤን ከአ ንሌዋውያን ሀብዎም።

³ከተማታት ንመቐመጢ ይኹናኦም፡ እታ ኣብ ከባቢኤን ዘላ ምድሪ ድማ ንማሎምን ንጥሪቶምን ንኹሉ እንስስኦምን ትኹን።

⁴እታ ንሌዋውያን እትህብዎም ኣብ ከከባቢ ኸተምታት ዘላ ምድሪ ድማ፡ ካብ መከባብያ እታ ኸተማ ብዙርያኣ፡ ምግፋሓ ሽሕ መት ትኹን።

⁵ብወጻኢ ኸተማ ብሸነኽ ምብራቕ ከአ ክልተ ኣመት፡ ብሸነኽ ሰሜን ድማ ክልተ ሽሕ እመት ስፈሩ። እታ ኸተማ ኸአ ኣብ ማኣከል ትኹን። እዚ ኸአ ከባቢ እተን ከተማታት ይኹነሎም።

⁶እተም ንሌዋውያን እትህብዎም ከተማታት ድማ፡ ቀታል ነፍሲ ምእንቲ ኺሀድመለይ እትህብዎ ሹዱሽተ ኸተማታት መዕቆቢ ይኹና፡ ኣብ ልዕሊኤን ድማ ኣርብዓን ክልተን ከተማታት ሀብዎም።

⁷እተን ንሌዋውያን እትህብዎም ከተማታት ኩነለን ኣርብዓን ሾሞንተን ከተማታት፡ መምስ ከባቢኤን ይኹና።

⁸ብዛዕባ እተን ካብ ርስቲ ደቂ እስራኤል እትህብዎም ከተማታት ድማ፡ ካብቶም ብዙሕ ዘለዎም ብዙሕ፡ ካብቶም ሒደት ዘለዎም ከአ ሒደት ውሰዱ። ነፍሲ ወከፍ ከም መጠን እታ እተረስተያ ርስቱ ኻብ ከተማታቱ ንሌዋውያን ይሀብ።

⁹እግዚኣብሄር ድማ ንሙሴ ኸምዚ ኢሉ ተዛረቦ፡

¹⁰ንደቂ እስራኤል ተዛረቦም፡ በሎም ከአ፡ ንስኻትኩም ንዮርዳኖስ ናብ ምድሪ ኸንኣን ምስ ተሳገርኩም፡

¹¹ብዘይ ሓሳብ ነፍሲ ዝቐተለ ቐታሊ ዚሀድመለን ከተማታት ፍለዩ።

¹²እቲ ቐታሊ ኣብ ቅድሚ ኣኼባ ንፍሪድ ደው ከየበለ ኸይመውት፡ እዘን ከተማታት እዚኤን ካብቲ ፈዳይ ደም መዕቖቢ ይኹናኹም።

¹³እተን እትህብወን ከተማታት፡ ሹዱሽተ ኸተማ መዕቆቢ ይኹናኩም።

¹⁴ሰለስተ ኸተማ ኣብ ስግር ዮርዳኖስ ሀቡ፡ ሰለስተ ኸተማ ኸአ ኣብ ምድሪ ከነኣን ሀቡ፡ ሰለስተ ኸተማ ኸአ ኣብ ምድሪ ከንኣን ሀቡ፡ ከተማታት መዕቆቡ ይኹና።

¹⁵ንደቂ እስራኤል ኮነ፡ ንጓና ኾነ፡ ምሳታቶም ንዚነብር ስደተኛ ኾነ፡ ንጓና ኾነ፡ ምሳታቶም ንዚነብር ስደተኛ ኾነ፡ ነፍስ ወከፍ ብዘይ ፍልጠት ነፍሲ ዝቐተለ ናባታተን ኪሀድም፡ እዘን ሹዱሽተ ኸተማ እዚኤን መዕቆቢ ይኹና።

¹⁶ብኣቕሓ ሓጺን እንተ ወቕዖ ግና፡ እሞ እንተ ሞተ፡ ንሱ ቐታሊ ነፍሲ እዩ። ቀታል ነፍሲ ኸአ ርግጽ ይሙት።

¹⁷ወይስ ኣብ ኢዱ ብዝሓዞ ኪቐትል ብዚኽእል እምኒ እንተ ወቕዖ፡ እሞ እንተ ሞተ፡ ንሱ ቐታል ነፍሲ እዩ። ቀታል ነፍሲ ድማ ርግጽ ይሙት።

¹⁸ወይ ኣብ ኢዱ ብዝሓዞ ኣቕሓ ዕጨይቲ ኪቕትል ብዚኽእል እንተ ወቕዖ፡ እሞ እንተ ሞተ፡ ንሱ ቐታል ነፍሲ እዩ። ቀታል ነፍሲ ኸእር ርግጽ ይሙት።

¹⁹እቲ ፋዳይ ደም ነታ ቐታሊ ይቕተሎ። ምስ ዚረኽቦ ባዕሉ ይቕተሎ።

²⁰ብጽልኢ እንተ ደፍኦ ኸአ፡ ወይ ተጸናትዩ ገለ እንተ ደርበየሉ፡ እሞ እንተ ሞተ፡

²¹ወይ ጽልኢ እንተ ደፍኦ ኸአ፡ ወይ ተጸናትዩ ገለ እንተ ደርበየሉ፡ እሞ እንተ ሞተ፡ እቲ ዝወቕዖ ቐታል ነፍሲ እዩ እሞ፡ ርግጽ ይሙት። እቲ ፈዳይ ደም ነቲ ቐታሊ ምስ ዚረኽቦ ይቕተሎ።

²²ብጽልኢ ዘይኮነ ብድንገት እንተ ደፍኦ ግና፡ ንሱ ጸላኢኡ እንተ ዘይነበረ፡ ወይ ከአ ንኽፉኡ እንተ ዘይደለየ፡ ወይ ከይተጸናተወ ገለ ነገር እንተ ደርበየሉ፡ ወይ ከይረአዩ ኪቐትል ብዚኽእል እምኒ እንተ ደርበየሉ፡ እሞ እንተ ሞተ፡

²³ብጽልኢ ዘይኮነ ብድንገት እንተ ደፍኦ ግና፡ ንሱ ጸላኢኡ እንተ ዘይነበረ፡ ወይ ከአ ንኽፉኡ እንተ ዘይደለየ፡ ወይ ከይተጸናተወ ገለ ነገር እንተ ደርበየሉ፡ ወይ ከይረአዩ ኪቐትል ብዚኽእል እምኒ እንተ ደርበየሉ፡ እሞ እንተ ሞተ፡

²⁴ሽዑ እቲ ኣኼባ ኣብ መንጎ እቲ ወቓዕን ኣብ መንጎ እቲ ፈዳይ ደምን በዚ ሕጊ እዚ ይፍረድ፡

²⁵እቲ ኣኼባ ኸአ ነቲ ቐታሊ ኻብ ኢድ እቲ ፈዳይ ደም የድሕኖ፡ እቲ ኣኼባ ድማ ናብታ ሀዲሙላ ዝነበረ ኸተማ መዕቆቢቱ ይምለሶ። እቲ ብቕዱስ ኣብዚ እተቐብኤ ሊቀ ኻህናት ክሳዕ ዚመውት ኣብኣ ይጽናሕ።

²⁶እቲ ቐታሊ ኻብ ዶብ እታ ዝሀደመላ ኸተማ መዕቖቢቱ እንተ ወጸ ግና፡

²⁷እቲ ፈዳይ ደም ከአ ኣብ ወጻኢ ዶብ እታ ኸተማ መዕቆቢቱ እንተ ረኸቦ፡ እቲ ፈዳይ ደም ድማ ነቲ ቐታሊ እንተ ቐተሎ፡ ዕዳ ደም የብሉን።

²⁸እቲ ቐታሊ ኽሳዕ ሞት እቲ ሊቀ ኻህናት ኣብታ ኸተማ መዕቆቢቱ ኽጸንሕ ይግብኦ ነይሩ እዩ እሞ፡ ድሕሪ ሞት ኣቲ ሊቀ ኻህናት ግና ናብታ ምድሪ ርስቱ ይመለስ።

²⁹እዚ ኣብ ኩሉ እትነብርዎ ንውሉድ ወለዶኹም ሕጊ ፍርሲ ይኹነልኩም።

³⁰ነፍሲ ዝቐተለ ዘበለ እቲ ብኣፍ ምስክር ይቀተል፡ ምስክር ሓደ ግና ንሞት ነፍሲ ምስክር ኣይኹን።

³¹ካብቲ ሞት ዝግብኦ ቐታሊ ጋር ነፍሲ ኣይትቀበሉ፡ ርግጽ ሞት ደአ ይሙት።

³²ስለ እቲ ናብ ከተማ መዕቖቢቱ ዝሀደመ ሊቀ ኻህናት ከሞተ ምእንቲ ናብ ዓዱ ኽምለስ ኢልኩም ጋር ኣይትቀበሉ።

³³ደም ንሱ ነታ ሃገር የርክሳ እዩ እሞ፡ ነታ ዘሎኽምዋ ሃገር ኣይተርክስዋ። እታ ሃገር ድማ ብዛዕባ እቲ እተኻዕዋ ደም ብጀካ ደም እቲ ደም ዝኸዐወ ኣይትዕረቕን ኣያ።

³⁴ኣነ እግዚኣብሀር ኣብ ማእከል ደቂ እስራኤል እሐድር እየ እሞ፡ ነታ ኣነ ኣብ ማእከላ ዝሓድራ፡ ንስኻትኩም ድማ እትነብርዋ ሃገር ኣይተርክስዋ።