Read መ/ቅዱስ ትግርኛ, Tigrigna Bible, 1997 ኦሪት ዘህልቍ 4 Bible Online

ኦሪት ዘህልቍ 4 - መ/ቅዱስ ትግርኛ, Tigrigna Bible, 1997 bible

ኦሪት ዘህልቍ 4

²ካብ ማእከል ደቂ ሌዊ ንደቂ ቃሃት በብዓሌቶምን በብማይ ቤት ኣቦታቶምን ካብ ወዲ ሰላሳ ዓመት ንላዕሊ ክሳዕ ወዲ ሓምሳ ዓመት ናብ ዕዮ ኺኣትው ዚኽእሉ ኹሎም፡ ኣብ ዕዮ ድንኳን ምርኻብ ኬገልግሉ።

³ካብ ማእከል ደቂ ሌዊ ንደቂ ቃሃት በብዓሌቶምን በብማይ ቤት ኣቦታቶምን ካብ ወዲ ሰላሳ ዓመት ንላዕሊ ክሳዕ ወዲ ሓምሳ ዓመት ናብ ዕዮ ኺኣትው ዚኽእሉ ኹሎም፡ ኣብ ዕዮ ድንኳን ምርኻብ ኬገልግሉ።

⁴ኣገልግሎት ደቂ ቃሃት ኣብ ድንኳን ምርኻብ ብናይ ቅድስተ ቅዱሳን ነገር እዚ እዩ፡

⁵እቲ ሰፈር ምስ ዚነቕል፡ ኣሮንን ደቁን ኣትዮም፡ ነቲ ዚጋርድ መጋረጃ የውርድዎ፡

⁶ኣብ ልዕሊኡ ድማ ቁርበት ታሃስ ይግበረሉ፡ ኩሉንትናኡ ሰማያዊ ዝኾነ ዓለባ ኸኣ ይዘርግሑሉ፡ መሰላታቱውን የእትውሉ።

⁷ኣብ ልዕሊ ሰደቓ እንጌራ ምርኣይ ድማ ሰማያዊ ዓለባ ይዘርግሑሉ፡ ኣብኡ ኸኣ ሒላባትን ጭሔሎታትን ጽውኣትን እቲ ንመስዋእቲ መስተ ዝኸውን ኩስኩስትታትውን ይሰርዑ፡ እቲ ናይ ወርትግ እንጌራ ኸኣ ኣብ ልዕሊኡ ይኹን።

⁸ኣብ ልዕሊ እዚ ድማ ግምጃ ይዘርግሑሉ፡ ንእኡ ኸአ ብቑበርት ታሃስ እተገብረ መኽደኒ ገይሮም ይኸድንዎ፡ እቲ መሰላታቱውን የእትውሉ።

⁹ሰማያዊ ዓለባ ወሲዶም ከኣ፡ ነቲ ቐዋሚ ቐንዴልን ቅልዒ ቐኒዱሉን መሳቕዩኡን መዋህለል ርስሓቱን እቲ ኹሉ ዜገልግልሉ፡ ናይ ዘይቲ ኣቓሑኡ ኸኣ ይኽደኑ።

¹⁰ምስ ኩሉ ኣቓሑኡ ድማ ኣብ ውሽጢ ሓደ መኽደኒ ናይ ታሃስ ቆርበት የንብርዎ፡ ኣብ መሰላ ኸኣ ይግበርዎ።

¹¹ኣብ ልዕሊ እቲ መሰውኢ ወርቂውን ሰማያዊ ዓለባ ይዝርግሑ፡ መኽደኒ ድማ ብቖርበት ታሃስ ይኽደንዎ፡ መሰላታቱ ኸኣ የእትውሉ።

¹²ኣብ ቤተ መቕደስ ዜገልግሉሉ ኹሉ ኣቓሑ ኣገልግሎት ወሲዶም ድማ ኣብ ሰማያዊ ዓለባ ይግበርዎ። መኽደኒ ኸኣ ብቖርበት ታሃስ ይኽደንዎ፡ ኣብ መሰላውን ይጉሓፍዎ፡ ቀይሕ ዓለባ ኸአ ይዘርግሑሉ።

¹³እቲ ዜገልግሉሉ ኹሉ እቓሑኡ ኸኣ፡ ጽንሃታት ሸዃታትን መጽሓርያታትን ጭሔሎታትን፡ ኩሉ ኣቓሑ መሰውኢ ኣብ ልዕሊኡ ይግበርዎ፡ ኣብ ልዕሊኡ ድማ መኽደኒ ቖርበት ታሃስ ይዘርግሑሉ፡ መሰላታቱ ኸኣ ይእትውሉ።

¹⁴እቲ ዜገልግሉሉ ኹሉ እቓሑኡ ኸኣ፡ ጽንሃታት ሸዃታትን መጽሓርያታትን ጭሔሎታትን፡ ኩሉ ኣቓሑ መሰውኢ ኣብ ልዕሊኡ ይግበርዎ፡ ኣብ ልዕሊኡ ድማ መኽደኒ ቖርበት ታሃስ ይዘርግሑሉ፡ መሰላታቱ ኸኣ ይእትውሉ።

¹⁵ኣሮንን ደቁን ምኽዳን መቕደስን ኩሉ ኣቓሑ መቕደስን ምስ ፈጸሙ፡ እቲ ሰፈር ድማ ምስ ዚነቅል፡ ድሕርዚ ደቂ ቃሃት ኪጾሩ ይምጽኡ። ከይሞቱ ግና፡ ነቲ ቅዱስ ነገር ኣይተንክይዎ። ናይ ድንኳን ምርኻብ ጾር ደቂ ቃሃት እዚ እዩ።

¹⁶መዚ ኣልኣዛር፡ ወዲ ኻህን ኣሮን፡ ኣብቲ ንቐዋሚ ቐንዴል ዚኸውን ዘይትን ኣብቲ ምኡዝ ዕጣንን ኣብቲ ናይ ወርትግ መስዋእቲ ብልዕን ዘይቲ እባኣትን፡ ኣብ ብዘሎ ማሕደርን ኣብኡ ዘሎ ኹሉን፡ ኣብ መቕደስን ኣብ ኣቓሑኡን ይኹን።

¹⁷እግዚኣብሄር ድማ ንሙሴን ንኣሮንን ከምዚ ኢሉ ተዛረቦም፡

¹⁸ነገድ ዓሌታት ቃሃታውያን ካብ መንጎ ሌዋውያን ኣይተጥፍእዎም።

¹⁹ናብ ናይ ቅድስተ ቅዱሳን ነገር ምስ ዚቐርቡ ከይሞቱ፡ ብህይወት ደኣ ኺነብሩ፡ እዚ ግበሩሎም፡ ኣሮንን ደቁን ኣትዮም ንነፍሲ ወከፎም ኣገልግሎቱን ጸጸሩን የመልክትዎም።

²⁰ግናኸ ከይሞቱ፡ ነቲ ቅዱስ ነገር፡ ቅጽበት ዓይኒ እኳ እንተ ኾነ፡ ንምርኣዩ ኣይእተው።

²¹እግዚኣብሄር ድማ ንሙሴ ኸምዚ ኢሉ ተዛረቦ፡

²²ደቂ ጌርሾን ከኣ በብማይ ቤት ኣቦታቶምን በብዓሌቶምን ቁጽሮም ውሰድ።

²³ካብ ወዲ ሰላሳ ዓመት ንላዕሊ ኽሳዕ ወዲ ሓምሳ ዓመት፡ ንዕዮ ዚበዑ፡ ኣብ ዕዩ ድንኳን ምርኻብ ኬገልግሉ ዝኽእሉ ኹሎም ቁጸሮም።

²⁴እቲ ኣገልግሎት ዓሌታት ጌርሶናውያን ንምግልጋልን ንምጽዋርን እዚ እዩ፡

²⁵እቲ ዓለባታት ማሕደርን ድንኳን ምርኻብን መኽደኒኡን ኣቲ ኣብ ልዕሊኡ ዚድረብ ቆርበት ታሃስን፡ እቲ መጋረጃ ኣፍ ድንኳን ምርኻብን፡

²⁶እቲ መጋረጃታት ኣጸድን መጋረጃ ኣፍ ደገ እቲ ኣብ ዙርያ ማሕደርን መሰውእን ዘሎ ኣጸድን ኣግማዱን ኩሉ ኣቓሑ ኣገልግሎቶምን ይጹሩ፡ ናይቲ ብኣታቶም ዚግበር ኩሉ ብእኡ የገልግሉ።

²⁷ናይ ደቂ ጌርሶውያን ኩሉ ጾርን ኩሉ ዕዮኦምን ንኹሉ ኣገልግሎቶም ከምቲ ትእዛዝ ኣሮንን ደቁን ይኹን። ብጸሮም ዘበለ ኹሉ ኺሓልዩ ኣመዝዝዎም።

²⁸ኣገልግሎት ዓሌታት ደቂ ጌርሾናውያን ኣብ ድንኳን ምርኻብ እዚ እዩ፡ እቲ ሓለዋኦም ድማ ኣብ ትሕቲ ኢድ ኢታማር ወዲ ኻህን ኣሮን ይኹን።

²⁹ንደቂ መራሪ ኸኣ በብዓሌቶም በብማይ ቤት ኣቦታቶም ቁጽሮም።

³⁰ካብ ወዲ ሰላሳ ዓመት ንላዕሊ ኽሳዕ ወዲ ሓምሳ ዓመት ዘለው ኣብ ዕዮ ድንኳን ምርኻብ ኬገልግሉ ንዚኣትው ኹሎም ቁጽሮም።

³¹ሓለዋ ጾሮም ብኹሉ ኣገልግሎቶም ኣብ ድንኳን ምርኻብ እዚ እዩ፡ ኣልዋሕ ማሕደርን ጋድማቱን ኣዕኑዱን ኣእጋሩን፡

³²ኣዕኑድ እቲ ብዙርያ ዘሎ ኣጸድን ኣእጋሩን ሸኻውልቱን ኣግማዱን ምስ ኩሉ ኣቓሑኡን ምስቲ ዘዐየሉ ዘበለ ኹሉን፡ እቲ ዚሕልውዎን ዚጾርዎን ኣቓሑ በብስሙ ቖጸርዎ።

³³እቲ ኣገልግሎት ዓሌታት ደቂ መራሪ እዚ እዩ። ኩሉ ኣገልግሎቶም ኣብ ድንኳን ምርኻብ ኣብ ትሕቲ ኢድ ኢታማር ወዲ ኻህን ኣሮን ይኹን።

³⁴ሙሴን ኣሮንንን እቶም ሹማምቲ እቲ ኣኼባን ድማ ንደቂ ቃሃታውያን በብዓሌቶምን በብማይ ቤት ኣቦታቶምን፡ ካብ ወዲ ሰላሳ ዓመት ንላዕሊ ኽሳዕ ወዲ ሓምሳ ዓመት ንዘለው፡ ኣብ ዕዮ ድንኳን ምርኻብ ኬገልግሉ ንዚኣትው ኹሎም ቆጸርዎም።

³⁵ሙሴን ኣሮንንን እቶም ሹማምቲ እቲ ኣኼባን ድማ ንደቂ ቃሃታውያን በብዓሌቶምን በብማይ ቤት ኣቦታቶምን፡ ካብ ወዲ ሰላሳ ዓመት ንላዕሊ ኽሳዕ ወዲ ሓምሳ ዓመት ንዘለው፡ ኣብ ዕዮ ድንኳን ምርኻብ ኬገልግሉ ንዚኣትው ኹሎም ቆጸርዎም።

³⁶እቶም ካባታቶም በብዓሌቶም እተቖጽሩ ኽልተ ሽሕን ሾብዓተ ሚእትን ሓምሳን ኮኑ።

³⁷እቶም ካብ ዓሌታት ቃሃታውያን እተቖጽሩ ኣብ ድንኳን ምርኻብ ዜገልገሉ ኹሎም፡ ሙሴን ኣሮንን ብትእዛዝ እግዚኣብሄር ብኢድ ሙሴ ዝቖጸርዎም እዚኣቶም እዮም።

³⁸እቶም ካብ ደቂ ጌርሾን በብዓሌቶምን በብማይ ቤት ኣቦታቶምን እተቖጽሩ ድማ፡

³⁹ካብ ወዲ ሰላሳ ዓመት ንላዕሊ ኽሳዕ ወዲ ሓምሳ ዓመት ዘለው፡ ኣብ ዕዮ ድንኳን ምርኻብ ኬገልግሉ ዚኣትው ኹሎም፡

⁴⁰እቶም በብዒሌቶምን በብማይ ቤት ኣቦታቶምን ካባታቶም እተቖጽሩ፡ ክልተ ሽሕን ሹዱሽተ ሚእትን ሰላሳን ኮኑ።

⁴¹እቶም ካብ ዓሌታት ደቂ ጌርሶን እተቖጽሩ ኣብ ድንኳን ምርኻብ ዜገልግሉሽ ኹሎም ሙሴን ኣሮንን ብትእዛዝ እግዚኣብሄር ዝቆጸርዎ እዚኣቶም እዮም።

⁴²እቶም ካብ ዓሌታት ደቂ ብመራሪ በብዓሌቶምን በብማይ ቤት ኣቦታቶምን እተቖጽሩ ድማ፡

⁴³ካብ ወዲ ሰላሳ ዓመት ንላዕሊ ኽሳዕ ወዲ ሓምሳ ዓመት ዘለው፡ ኣብ ዕዮ ድንኳን ምርኻብ ኬገልግሉ ዚኣትው ኹሎም፡

⁴⁴እቶም በብዓሌቶም ካባታቶም እተቖጽሩ ሰለስተ ሽሕን ክልተ ሚእትን ኮኑ።

⁴⁵እቶም ካብ ዓሌታት ደቂ መራሪ እተቖጽሩ፡ ከምቲ እግዚኣብሄር ብኢድ ሙሴ ዝኣዘዞ፡ ሙሴን ኣሮንን ዝቖጸርዎም፡ እዚኣቶም እዮም።

⁴⁶እቶም እተቖጽሩ ኹሎም ሌዋውያን፡ ሙሴን ኣሮንን እቶም ሹማምቲ እስራኤልን በብዓሌቶምን በብማይ ቤት ኣቦታቶምን ዝቖጸርዎም፡

⁴⁷ካብ ወዲ ሰላሳ ዓመት ንላዕሊ ኽሳዕ ወዲ ሓምሳ ዓመት ዘለው፡ ኣብቲ ዚዕየ ዕዮ ኼገልግሉ ድማ ኣብ ድንኳን ምርኻብ ብምጽዋር ኬገልግሉ፡ ድማ ኣብ ድንኳን ምርኻብ ብምጽዋር ኬገልግሉ ዚኣትው ኹሎም፡

⁴⁸እቶም ካባታቶም እተቖጸሩ ሾሞንተ ሽሕን ሓሙሽተ ሚእትን ሰማንያን ኮኑ።

⁴⁹ከም ትእዛዝ እግዚኣብሄር ብኢድ ሙሴ ነፍስ ወከፍ ነናኣገልግሎቱን ነንጾሩን፡ ከምቲ እግዚኣብሄር ንሙሴ ዝኣዘዞ ተቖጸሩ።