Read መ/ቅዱስ ትግርኛ, Tigrigna Bible, 1997 ትንቢት ሚክያስ 1 Bible Online

ትንቢት ሚክያስ 1 - መ/ቅዱስ ትግርኛ, Tigrigna Bible, 1997 bible

ትንቢት ሚክያስ 1

¹እቲ ብዘመን ዮታምን ኣሃዝን ህዝቅያስን ነገስታት ይሁዳ፡ ብዛዕባ ሰማርያን ዮርሳሌምን ሚክያስ ሞረሽታይ ዝረአዮ ናብኡ ኸአ ዝመጾ ቓል እግዚኣብሄር እዚ እዩ።

²ኣቱም ህዝብታት ኩላትኩም፡ ስምዑ፡ ኣቲ ድሪ ምስ ምልኣትኪ፡ ጽን በሊ። እግዚኣብሄር ኣምላኽሲ ኣንጻርኩም ይምስክር እወ፡ እግዚኣብሄር ካብ ቅዱስ መቕደሱ።

³እንሆ እግዚኣብሄር ካብ ስፍራኡ ይወጽእ፡ ይወርድ፡ ኣብ በረኸት ምድሪ ድማ ይረግጽ እዩ እሞ፡

⁴ከም ስምዒ ኣብ ቅድሚ ሓዊ፡ ከምቲ ኣብ ጎቦ ዚውሕዝ ማያት ኣኽራን ብትሕቲቁ ይመኩ፡ ስንጭሮታት ከአ ይጭደዱ።

⁵እዚ ኹሉ ብሰሪ በደል ያእቆብን ብሰሪ ሓጢኣት ቤት እስራኤልን እዩ። በደል ያእቆብ እንታይ እዩ፡ ሰማርያዶ ኣይኮነትን፡ በረኽቲ ቦታ ይሁዳ እንታይ እዩ፡ ዮርሳሌምዶ ኣይኮነትን።

⁶ስለዚ ንሰማርያ ኸም ኩምራ እምኒ መሮርን ከም ቦታ ኣታኽልቲ ወይንን ክገብራ እየ። ነእማና ናብ ስንጭሮ ኽንከራርዎ፡ ንመሰረታ ኸአ ክቐልዖ እየ።

⁷እቲ ቕሩጽ ምስልታት ኹሉ ኺሰባብር፡ እቲ ዋጋ ምንዝርናኣ ኹሉ ብሓዊ ኺሐርር እዩ። ብዋጋ ምንዝርና ኣኪባትም፡ መሊሶም ድማ ዋጋ ምንዝርና ኪኾና እዮም እሞ፡ ኣነ ንኹላቶም ጣኦታት ኸባድሞም እየ።

⁸ቁስላ ዘይሐዊ እዩ፡ ክሳዕ ይሁዳ መጺኡ፡ ክሳዕ ኣብ ደገ ህዝበይ፡ ክሳዕ ዮርሳሌም በጺሑ እዩ እሞ፡ ስለዚ እበክን ዋይዋይ እብልን፡ ተቐንጢጠን ጥራየይ ኮይነን እኸይድ፡ ከም ወኻርያ እበኪ፡ ከም ሰገን ከአ ደሀይ ሓዘን ኤድሂ አሎኹ።

⁹ቁስላ ዘይሐዊ እዩ፡ ክሳዕ ይሁዳ መጺኡ፡ ክሳዕ ኣብ ደገ ህዝበይ፡ ክሳዕ ዮርሳሌም በጺሑ እዩ እሞ፡ ስለዚ እበክን ዋይዋይ እብልን፡ ተቐንጢጠን ጥራየይ ኮይነን እኸይድ፡ ከም ወኻርያ እበኪ፡ ከም ሰገን ከአ ደሀይ ሓዘን ኤድሂ አሎኹ።