Read መ/ቅዱስ ትግርኛ, Tigrigna Bible, 1997 ትንቢት ሚክያስ 3 Bible Online

ትንቢት ሚክያስ 3 - መ/ቅዱስ ትግርኛ, Tigrigna Bible, 1997 bible

ትንቢት ሚክያስ 3

¹ኣነ በልኩ፡ ኣቱም ኣሕሉቕ ያቕቆብን መሳፍንቲ ቤት እስራኤልን፡ ስምዑ ኾታ፡ ፍርድ ምፍላጥሲ ኣባኻትኩምዶ ኣይኮነን፡

²ሰናይ እትጸልኡ፡ እከይ ከአ እትፈትው፡ ቁርበቶም እትቐልጥዎም፡ ስጋኦም ካብ ኣዕጽምቶም፡ ዓጻጽምቶም እትሰብሩ፡ ከምቲ ኣብ ቁራዕ፡ ናብ ድስቲ ዜቱ ስጋ እትቑራርጽዎ ኢኹም።

³ሽዑ ናብ እግዚኣብሄር ኬእውዩ እዮም፡ ንሱ ግና ኣይኪመልሰሎምን። በቲ ጊዜ እቲ፡ ከምቲ ዝገበርዎ ኽፉእ ግብሮም፡ ገጹ ኻብኦም ኪሐብእ እዩ።

⁴ሽዑ ናብ እግዚኣብሄር ኬእውዩ እዮም፡ ንሱ ግና ኣይኪመልሰሎምን። በቲ ጊዜ እቲ፡ ከምቲ ዝገበርዎ ኽፉእ ግብሮም፡ ገጹ ኻብኦም ኪሐብእ እዩ።

⁵እግዚኣብሄር ብዛዕባ እቶም ንህዝበይ ዚስሕቱስ በስናኖም ዚነኽሱ፡ ሰላም ዝእውጁ፡ ነቲ ናብ ኣፎም ገለ ዘይህቦም ድማ ውግእ ዜዳልውሉ ነብያት ከምዚ ይብል አሎ።

⁶ስለዚ ኣብ ክንዲ ራእይስ ለይቲ፡ ኣብ ክንዲ ጥንቋላ ኸኣ ጸልማት ኪኾነኩም እዩ። ጸሓይ ኣብ ልዕሊ ነብያት ትዐርብ፡ መዓልቲ ድማ ትጽምልቶም።

⁷እቶም ራእይ ዚርእዩ ኽንውሩ፡ እቶኦም ጠንቆልቲ ኸአ ኪሐንኩ እዮም፡ ካብ ኣምላኽ ምላሽ የልቦን እሞ፡ ኩላቶም ጭሕሞም ኪኸድኑ እዮም።

⁸ኣነ ግና ንያእቆብ በደሉ፡ ንእስራኤል ከአ ሐጢአቱ ኽነግሮስ፡ በመንፈስ እግዚኣብሄር ሓይልን ፍርድን ትብዓትን መሊኤ አለኹ።

⁹ኣቱም ፍርዲ እትፍንፍኑ፡ ቅኑዕ ዘበለ እትጠውዩ፡ ንጽዮን ብደም ንዮርሳሌም ከአ ብኣበሳ እትሀንጹ ኣሕሉቕ ቤት ያእቆብን መሳፍንቲ ቤት እስራኤልን፡ እዚ ኾታ ስምዑ፡

¹⁰ኣቱም ፍርዲ እትፍንፍኑ፡ ቅኑዕ ዘበለ እትጠውዩ፡ ንጽዮን ብደም ንዮርሳሌም ከአ ብኣበሳ እትሀንጹ ኣሕሉቕ ቤት ያእቆብን መሳፍንቲ ቤት እስራኤልን፡ እዚ ኾታ ስምዑ፡

¹¹ሓላቑኣ ብመማለጃ ይፈርዱ፡ ካህናታ ብዋጋ ይምህሩ፡ ነብያታ ብገንዘብ ይንበዩ፡ ምስናይ እዚ ኸአ፡ እግዚኣብሄርዶ ኣብ ማእከልና ኣይኮነን፡ መዓት ኣይወርደናን እዩ፡ ኢሎም ኣብ እግዚኣብሄር ይጽግዑ።

¹²ስለዚ ብሰርኹም ጽዮን ከም ግራት ክትሕረስ፡ ዮርሳሌም ከአ ኩምራ ኣእማን ክትከውን፡ ደብሪ እታ ቤትውን ኩርባ ዱር ኪኸውን እዩ።