Read መ/ቅዱስ ትግርኛ, Tigrigna Bible, 1997 ትንቢት ሚክያስ 7 Bible Online

ትንቢት ሚክያስ 7 - መ/ቅዱስ ትግርኛ, Tigrigna Bible, 1997 bible

ትንቢት ሚክያስ 7

¹ኣነ ኸምቲ ፍረ ቐውዒ ተቐንጠበን ከምቲ ድሕሪ ምብታኽ ወይኒ ቐሪም ምስ ተቐረመን፡ ዚብላዕ ዘለላ ዜብለይ ኮይነ እየ እሞ፡ ወይለይ፡ እታ ነፍሰይ እተተምነየታ በኹሪ ጠፍኤ፡ ኣብ ማእከል ሰብ ድማ ቅኑዕ የልቦን። ኹላቶም ብደም የድብዩ፡ ነፍሲ ወከፍ ንሓው ብመርበብ ይሀድኖ።

²ተጠንቂቖም ኪገብርዎስ ኣእዳዎም ንኽፉእ ድልዋት እየን። መስፍን፡ ሀቡኒ ይብሉ ፈራዲ ኸአ ብረብሓ ይፈርድ፡ ዓብዩውን ሀርፉን ነፍሱ ይዛረብ፡ በዚ ድማ ክፍኣት ይጎንጉኑ፡

³ተጠንቂቖም ኪገብርዎስ ኣእዳዎም ንኽፉእ ድልዋት እየን። መስፍን፡ ሀቡኒ ይብሉ ፈራዲ ኸአ ብረብሓ ይፈርድ፡ ዓብዩውን ሀርፉን ነፍሱ ይዛረብ፡ በዚ ድማ ክፍኣት ይጎንጉኑ፡

⁴እቲ ኻባታቶም ዝሔሸ ኸም ተኾርባ እዩ፡ እታ ዝቐንዔ ኸአ ኻብ ሓጹር እሾኹ ይገድድ፡ እታ መዓልቲ ሐለስትኻ እታ መዓትካ መጸት ሕጂ ኺሽበሩ እዮም።

⁵ወዲ ነቦኡ ይንዕቕ፡ ጓል ኣብ ልዒ ኣዲኣ፡ መርዓት ከአ ኣብ ልዕሊ ሓማታ ይለዐላ፡ ንሰብ ጸላእቱ ቤተ ሰቡ ኾይኖም እዮም እሞ፡ ንብጻይ ኣይትእመንዎ፡ ብፈታዊ ድማ ኣይትተአመኑ፡ ኣብ ቅድሚ እታ ኣብ ሕቑፍኻ እትዐርፍውን ደገ ኣፍካ ሐሉ።

⁶ወዲ ነቦኡ ይንዕቕ፡ ጓል ኣብ ልዒ ኣዲኣ፡ መርዓት ከአ ኣብ ልዕሊ ሓማታ ይለዐላ፡ ንሰብ ጸላእቱ ቤተ ሰቡ ኾይኖም እዮም እሞ፡ ንብጻይ ኣይትእመንዎ፡ ብፈታዊ ድማ ኣይትተአመኑ፡ ኣብ ቅድሚ እታ ኣብ ሕቑፍኻ እትዐርፍውን ደገ ኣፍካ ሐሉ።

⁷ኣነ ግና ናብ እግዚኣብሄር እጥምት፡ ንኣምላኽ ምድሓነይ ድማ ተስፋይ እገብር አሎኹ፡ ኣምላኸይውን ኪሰምዓኒ እዩ።

⁸ኣቲ ጸላኢተይ እንተ ወደቕኩ ኽትንስእ እየ፡ ኣብ ጸልማት እንተ ተቐመጥኩውን፡ እግዚኣብሄር ብርሃነይ እዩ እሞ፡ ብኣይ ኣይትተሐጎሲ።

⁹እግዚኣብሄር፡ በዲለዮ እየ እሞ፡ ንሱ ነገረይ ክሳዕ ዚሕዘለይ ፍትሒውን ክሳዕ ዜውጽአለይ፡ ንቑጥዓኡ ኽጽመሞ እየ። ናብ ብርሃን ኬውጽኣኒ እዪ፡ ጽድቁውን ክርኢ እየ።

¹⁰ሽዑ እታ፡ ኣበይ አሎ እግዚኣብሄር ኣምላኽካ ዝበለትኒ ጸላኢተይ ክትርእዩን ሓፍረት ክትክደንን እያ፡ ኣዒንተይ ክርእያኣ እየን፡ ሕጂ ኸም ጭቃ መገዲ ኽትርገጽ እያ።

¹¹እታ መካባብያኺ እትስርሓላ መዓልቲ ኽትመጽእ እያ፡ በታ መዓልቲ እቲኣ እቲ ዶብ ኪርሕቕ እዩ።

¹²በታ መዓልቲ እቲኣ ኻብ ኣሶርን ካብ ከተማታት ግብጽን ካብ ግብጺ ድማ ክሳዕ እቲ ርባ፡ ካብ ባሕሪ ኽሳዕ ባሕሪ፡ ካብ ከረንውን ክሳዕ ከረን ናባኺ ኺመጹ እዮም።

¹³እታ ሀገር ግና ብምኽንያት እቶም ኣብኣ ዚነብሩን ብሰሪ ፍረ ግብሮምን ክትባድም እያ።

¹⁴ህዝብኻ፡ ነታ ኣብ ዱር፡ ኣብ ማእከል ቀርሜሎስ ንበይና እትነብር ዘላ መጓሰ ርስትኻ ብበትርኻ ጓሲ። ከምቲ ናይ ቀደም ዘመን ኣብ ባሳንን ኣብ ጊልዓድን ጓስዮ።

¹⁵ከምቲ በተን ካብ ሃገር ግብጺ ዝወጻእካለን መዓልትታት፡ ተኣምራት ክርእዮም እየ።

¹⁶ኣህዛብ ኪርእዩ፡ ብሓይሎም ዘበለ ኹሉውን ኪሐርኩ እዮም፡ ኢዶም ኣብ ኣፎም ኬንብሩ፡ ኣእዛኖም ኪጸሙ። ኢዶም ኣብ ኣፎም ኬንብሩ፡ ኣእዛኖም ኪጸሙ እዮም።

¹⁷ከም ተመን ሓመድ ኪልሕሱ፡ ከምለመምታ ምድሪ እናንቀጥቀጡ ኻብ ቤቶም ኪወጹ ራዕራዕ እነበሉ ናብ እግዚኣብሄር ኣምላኽና ኺመጹ፡ ንኣኻውን ኪፈርሁ እዮም።

¹⁸ከማኻ ዝበለ ኣምላኽ፡ ኣበሳ ዚሐድግ፡ ነቲ በደል ካብቶም ተረፍ ርስቱ ዚሕልፍ መን እዩ፡ ምሕረት እዩ ዚፈቱ እሞ፡ ኩራኡ ንዘለአለም ኣይዐቁርን።

¹⁹መሊሱ ይርሕርሓልና፡ ንኣበሳና ኣብ ትሕቲ እግሩ ይረግጾ። ንኹሉ ሓጢኣቶም ናብ መዓሙቑ ባሕሪ ትድርበዩ።

²⁰ነቲ ኻብ ዘመን ጥንቲ ጀሚርካ ነቦታትና ዝመሐልካሎም፡ ሓቂ ንያእቆብ፡ ምሕረት ከአ ንኣብርሃም ክትገብረሎም ኢኻ።