Read መ/ቅዱስ ትግርኛ, Tigrigna Bible, 1997 ትንቢት ናሆም 2 Bible Online

ትንቢት ናሆም 2 - መ/ቅዱስ ትግርኛ, Tigrigna Bible, 1997 bible

ትንቢት ናሆም 2

¹ዘረፍቲ ስለ ዝዘረፍዎምን፡ ንሓረግ ወይኖም ስለ ዘብረስዎን፡ እግዚኣብሄር፡ ከምቲ ኽብረት እስራኤል፡ ንኽብረት ያእቆብ ኪመልሶ እዩ፡ እሞ፡ እቲ መብረሲ ይድይበካ አሎ፡ ነቲ ዕርዲ ሐልዎ፡ ነቲ መገዲ ኣማዕድዎ፡ ሕቆኻ ኣደልድሎ፡ ሓይልኻ ኣዚኻ ኣበርትዓዮ።

²ዘረፍቲ ስለ ዝዘረፍዎምን፡ ንሓረግ ወይኖም ስለ ዘብረስዎን፡ እግዚኣብሄር፡ ከምቲ ኽብረት እስራኤል፡ ንኽብረት ያእቆብ ኪመልሶ እዩ፡ እሞ፡ እቲ መብረሲ ይድይበካ አሎ፡ ነቲ ዕርዲ ሐልዎ፡ ነቲ መገዲ ኣማዕድዎ፡ ሕቆኻ ኣደልድሎ፡ ሓይልኻ ኣዚኻ ኣበርትዓዮ።

³እቲ ዋልታ ሓያላቱ ቖሔ፡ እቶም ተዋጋእቲ ሰብ ቀይሕ ተኸድኑ፡ በታ መዓልቲ ምድላው ሰረገላታቱ ኸም ሃልሃልታ ሓዊ እየን፡ እቲ ዛብያታት ይንብጥበጥ።

⁴እተን ሰረገላታት ኣብ መገዲ ብናህሪ ይኸዳ፡ ኣብ ኣደባባያት ይጋጨዋ፡ ትራኢተን ከም ሃልሃልታ እዩ፡ ከም መባርቕ ድማ ይጎያ።

⁵ንኸበርቴታቱ ይዝክር፡ ኪኸዱ ኸለው ይዕንቀፉ፡ ናብ መካበብያኣ ኣቢሎም ይቕልጥፉ፡ መጸግዒ ድማ ተዳለወ።

⁶ደጊታት ወሓይዝ ይኽፈት፡ እቲ ኣዳራሽ ከአ ይመክኽ።

⁷ክውን እዩ፡ ጥራይ ኮይና ተማረኸት፡ ኣግራዳ ድማ ኣፍልበን እናወቕዓ ብደሃይ ርግቢ ዋይዋይ ይብላ አለዋ።

⁸ነነዌ ኻብ ጥንቲ ጀሚራ ኸም ማይ ዝመልኤ ሓጽቢ ነበረት፡ ግናኸ ሀደሙ። ደው በሉ፡ ደው በሉ፡ በልዎም፡ ግልብጥ ዝበለ ግና የልቦን።

⁹እቲ መዝገብ ድልቢ፡ ኣብ በብዓይነቱ ዘሎ ኽቡር ኣቓሑ፡ ታእላው የብሉን እሞ፡ ብሩር ዝመቱ፡ ወርቂ ዝመቱ።

¹⁰ባዶን ጥራያን ኮነት ባደመት፡ ልቢ መኸኸ ኣብራኽ ከአ ራዕራዕ በለ፡ ኩሉ ሕቖ ሐመመ፡ ገጽ ኩሎምውን ጸለመ።

¹¹እቲ ሽደናት ዚበልዑሉ፡ ኣንበሳን ዋዕሮን ኮራኩር ኣንበሳን ድማ መፍርሂ ዜብሎም ኮይኖም ዚዛወሩሉ ቦታ ኣናብስ ኣበይ አሎ፡

¹²ኣነበሳ ንኹራኹራ ዚኣኽሎም ዘረፈ፡ ንዋዕሮታቱ ኸአ ሐነቐለን፡ ብዓትታቱ ብግዳዩ፡ ጎድጉዱ ኸአ ብዝዘረፎ መልአ።

¹³እግዚኣብሄር ጐይታ ሰራዊት፡ እኔኹ ኣብ ልዕሌኺ እየ፡ ንዓረብያታታ ኣንዲደ ኽትክኾ እየ። ነቶም ኩረኩር ኣናብስኪ ሰይፊ ኺውሕጦም እዩ፡ ንዝዘመትክዮ ኻብ ምድሪ ኸጥፍኦ እየ፡ ድሕርዚ ድምጺ ልኡኻትኪ ኣይሰማዕን እዩ፡ ይብል አሎ።