Read መ/ቅዱስ ትግርኛ, Tigrigna Bible, 1997 ትንቢት ሐጌ 1 Bible Online

ትንቢት ሐጌ 1 - መ/ቅዱስ ትግርኛ, Tigrigna Bible, 1997 bible

ትንቢት ሐጌ 1

¹ብኻልኣይቲ ዓመት ንጉስ ዳርዮስ፡ ብሳድሰይቲ ወርሒ፡ ካብታ ወርሒ ኸኣአ ብቐዳመይቲ መዓልቲ፡ ብኢድ ነብህዩ ሃጌ ኸምዚ ዝብል ቃል እግዚኣብሄር ናብ ዙሩባቤል ወዲ ሰኣልቲኤል፡ ምስለኔ ይሁዳን ናብ እያሱ ወዲ ይሆጻዳቅ ሊቀ ኻህናትን መጸ።

²እግዚኣብሄር ጐይታ ሰራዊት ከምዚ ይብል አሎ፡ እዚ ህዝቢ እዚ፡ እቲ ጊዜ፡ ቤት እግዚኣብሄር እትስርሓሉ ጊዜ፡ ኣይበጽሔን፡ ይብል አሎ።

³ግናኸ፡ እዛ ቤት እዚኣ ዖንያ ኸላስ፡ ንስኻትኩም ኣብ ስሉም ኣባይትኹም ክትነብሩዶ ጊዜኹም እዩ፡ ይብል ቃል እግዚኣብሄር ብኢድ ነብዩ ሃጌ መጸ።

⁴ግናኸ፡ እዛ ቤት እዚኣ ዖንያ ኸላስ፡ ንስኻትኩም ኣብ ስሉም ኣባይትኹም ክትነብሩዶ ጊዜኹም እዩ፡ ይብል ቃል እግዚኣብሄር ብኢድ ነብዩ ሃጌ መጸ።

⁵እምበኣርሲ እግዚኣብሄር ጐይታ ሰራዊት ከምዚ ይብል አሎ፡ እስከ ብልብኹም መገድኹም ሕሰቡ።

⁶ንስኻትኩም ብዙሕ ዘራእኩም፡ ሒደት ኣእቶኹም። በላዕኩም ኣይጸገብኩምን፡ ሰቴኹም ኣይረዌኹምን፡ ተኸደንኩም ኣይሞቑኩምን፡ እቲ ውዕለቱ ዜእቱ ነቲ ዝወዐሎ ኣብ ነዃል ማሕፉዳ የንብሮ አሎ።

⁷እግዚኣብሄር ጐይታ ሰራዊት፡ ብልብኹም መገድኹም ሕሰቡ፡ ይብል አሎ።

⁸ናብ ኣኽራን ደይቡ፡ ዕጨይቲ ኣምጽኡ፡ ነታ ቤት ከአ ስርሕዋ። ኣነ ድማ ብእኣ ኽሕጎስን ክኸብርን እየ፡ ይብል እግዚኣብሄር።

⁹ንስኻትኩም ብዙሕ ተጸቤኹም፡ እንሆ ኸአ፡ ሒደት እዩ፡ ናብ ቤት ምስ ኣእቶኹምምዎ ኸአ፡ ኣነ ኡፍ በልኩሉ። ስለምንታይ፡ ይብል እግዚኣብሄር ጐይታ ሰራዊት፡ ነፍሲ ወከፍኩም ናብ በቤትኩም እናጎየኹምሲ፡ ቤተይ ስለ ዝዐነወት እዩ።

¹⁰ስለዚ ሰማያት ብሰርኹም ኣውሊ ኸልከለ፡ ምድሪ ኸአ ፍሬኣ ኸልኤት።

¹¹ኣነውን ኣብ ልዕሊ ምስርን ኣብ ልዕሊ ኣኽራንን ኣብ ልዕሊ እኽልን ኣብ ልዕሊ ወይንን ኣብ ልዕሊ ዘይትን ኣብ ልዕሊ እቲ ምድሪ እተብቁሎን ኣብ ልዕሊ ሰብን ኣብ ልዕሊ እንስሳን ኣብ ልዕሊ ኹሉ ዕዮ ኣእዳውን ደርቂ ጸዋዕኩ።

¹²ሽዑ ዙሩባቤል ወዲ ሰኣልቲኤልን እያሱ ወዲ ይሆጻዳቅ፡ ሊቀ ኻህናትን እቶም ካብቲ ህዝቢ ዝተረፉ ኹላቶምን ንደሃይ እግዚኣብሄር ኣምላኾንምን ንቓል ነብዩ ሃጌን፡ ከምቲ እግዚኣብሄር ኣምላኾም ዝለኣኾ፡ ሰምዕዎ። እቶም ህዝቢ ኸአ ኣብ ቅድሚ እግዚኣብሄር ፈርሁ።

¹³ሃጌ ልኡኽ እግዚኣብሄር በታ መልእኽቲ እጋብሄር ንህዝቢ፡ ኣነ ምሳኻትኩም እየ፡ ይብል እግዚኣብሄር ኢሉ ተዛረቦም።

¹⁴እግዚኣብሄር ከአ ንመንፈስ ዘሩባቤል ወዲ ሰኣልቲኤል፡ ምስለኔ ይሁዳን ንመንፈስ እያሱ ወዲ ይሆጻዳቅ፡ ሊቀ ኻህናትናን ንመንፈስ ኩሎም እቶም ዝተረፉ ህዝብን ኣንቅሖ። ንሳቶም ከኣ በታ ኻልኣይቲ ዓመት ንጉስ ዳርዮስ፡ ብሳድሰይቲ ወርሒ፡ ካብታ ወርሒ ድማ ብመበል ዕስራን ኣርባዕተን መዓልቲ መጹ፡ ኣብታ ቤት እግዚኣብሄር ጐይታ ሰራዊት ኣምላኾም ከአ ይሰርሑ ነበሩ።

¹⁵እግዚኣብሄር ከአ ንመንፈስ ዘሩባቤል ወዲ ሰኣልቲኤል፡ ምስለኔ ይሁዳን ንመንፈስ እያሱ ወዲ ይሆጻዳቅ፡ ሊቀ ኻህናትናን ንመንፈስ ኩሎም እቶም ዝተረፉ ህዝብን ኣንቅሖ። ንሳቶም ከኣ በታ ኻልኣይቲ ዓመት ንጉስ ዳርዮስ፡ ብሳድሰይቲ ወርሒ፡ ካብታ ወርሒ ድማ ብመበል ዕስራን ኣርባዕተን መዓልቲ መጹ፡ ኣብታ ቤት እግዚኣብሄር ጐይታ ሰራዊት ኣምላኾም ከአ ይሰርሑ ነበሩ።