Read መ/ቅዱስ ትግርኛ, Tigrigna Bible, 1997 ትንቢት ሐጌ 2 Bible Online

ትንቢት ሐጌ 2 - መ/ቅዱስ ትግርኛ, Tigrigna Bible, 1997 bible

ትንቢት ሐጌ 2

¹ብሳብዐይቲ ወርሒ፡ ካብታ ወርሒ ኸአ ብመበል ዕስራን ሓደን መዓልቲ፡ ከምዚ ዚብል ቃል እግዚኣብሄር ብኢድ ነብዩ ሃጌ መጸ፡

²እምበኣርስኸ ንዙሩባቤል ወዲ ሰኣልቲኤል፡ ምስለኔ ይሁዳን ንእያሱ ወዲ ይሆጻዳቅ፡ ሊቀ ኻህናትን ነቶም ዝተረፉ ህዝብን ከምዚ ኢልካ ንገሮም፡

³ነዛ ቤት እዚኣ በቲ ቐዳማይ ክብረታ ዝረኣያ ኻባኻትኩም ተሪፉ ዘሎ መን እዩ፡ ሕጂኸ ኸመይ ኮይና ትርእይዋ አሎኹም፡ ኣብ ኣዒንትኹምሲ ኸም ዘየላዶ ኣይኮነትን፡

⁴ሕጂ ኸአ፡ ዎ ዙሩባቤል፡ ጽናዕ ይብል እግዚኣብሄር። ንስኻ እያሱ ወዲ ይሆጻዳቅ፡ ሊቀ ኻህናት ድማ ጽናዕ፡ ኩልኹም ህዝቢ እታ ሃገርውን ጽንዑ፡ ይብል እግዚኣብሄር፡ ኣነ ምሳኻኩም እየ እሞ፡ ዕየዩ፡ ይብል እግዚኣብሄር ጐይታ ሰራዊት።

⁵ከምት ኻብ ግብጺ ኽትወጹ ኸሎኹም ምሳኻትኩም ዝአቶኽዎ ቓል ኪዳነይ፡ መንፈሰይ ኣብ ማእከልኩም ይነብር አሎ፡ ኣይትፍርሁ።

⁶እግዚኣብሄር ጐይታ ሰራዊትሲ ኸምዚ ይብል አሎ፡ ገና ሐደ ጊዜ፡ ብሓጺር ጊዜ ኪኸውን እዩ፡ ኣነ ንሰማይን ምድርን ባሕርን ንቑጽን ከነቓንቕ እየ።

⁷ንኹላቶም ኣህዛብ ከነቓንቖም ኣየ፡ ናይ ኩላኦም ኣህዛብ ክቡር ነገር ኪመጽእ እዩ፡ ኣነውን ነዛ ቤት እዚኣ ብኽብሪ ኽመልኣ እየ፡ ይብል እግዚኣብሄር ጐይታ ሰራዊት።

⁸ካብቲ ቐዳማይሲ ኢ ዳሕራይ ክብሪ እዛ ቤት እዚኣ ኺበልጽ እዩ፡ ይብል እግዚኣብሄር ጐይታ ሰራዊት፡ ኣብዛ ቦታ እዚኣ ሰላም ክህብ እየ፡ ይብል እግዚኣብሄር ጐይታ ሰራዊት።

⁹ካብቲ ቐዳማይሲ ኢ ዳሕራይ ክብሪ እዛ ቤት እዚኣ ኺበልጽ እዩ፡ ይብል እግዚኣብሄር ጐይታ ሰራዊት፡ ኣብዛ ቦታ እዚኣ ሰላም ክህብ እየ፡ ይብል እግዚኣብሄር ጐይታ ሰራዊት።

¹⁰ብኻልአይቲ ዓመት ዳርዮስ፡ ብመበል ዕስራን ኣርባዕተን መዓልቲ ናይታ ታስዐይቲ ወርሒ ብኢድ ነብዩ ሃጌ ኸምዚ ዚብል ቃል እግዚኣብሄር መጸ፡

¹¹እግዚኣብሄር ጐይታ ሰራዊት ከምዚ ይብል አሎ፡ ብዛዕባ ሕጊ ነቶም ካህናት፡ ሓደ ኣብ ዘፈር ክዳኑ እተቐደሰ ስጋ እንተ ቖጸረ፡ በዛ ዘፈሩ ኸአ እንጌራ ወይ ጸብሒ ወይ ወይኒ ወይ ዘይቲ ወይስ ዝኾነ ይኹን ምግቢ እንተ ተንከየስ፡ እዚኤንዶ ይቕደሳ እየን፡ ኢልካ ሕተቶም። እቶም ካህናት ድማ፡ ኣይፋለንን፡ ኢሎም መለሱሉ።

¹²እግዚኣብሄር ጐይታ ሰራዊት ከምዚ ይብል አሎ፡ ብዛዕባ ሕጊ ነቶም ካህናት፡ ሓደ ኣብ ዘፈር ክዳኑ እተቐደሰ ስጋ እንተ ቖጸረ፡ በዛ ዘፈሩ ኸአ እንጌራ ወይ ጸብሒ ወይ ወይኒ ወይ ዘይቲ ወይስ ዝኾነ ይኹን ምግቢ እንተ ተንከየስ፡ እዚኤንዶ ይቕደሳ እየን፡ ኢልካ ሕተቶም። እቶም ካህናት ድማ፡ ኣይፋለንን፡ ኢሎም መለሱሉ።

¹³ሽዑ ሃጌ፡ ብሬሳ ዝረኸሰ ሰብ ካብዚአተን ገለ እንተ ተንከየስ፡ ትረክስዶ እያ፡ በሎም። እቶም ካህናት ከአ፡ እወ ትረክስ እያ፡ ኢሎም መለሱሉ።

¹⁴ሃጌ ኸአ ከምዚ ኢሉ መለሰ፡ እዚ ዓሌት እዚ ኸምኡ እዩ፡ ኣብ ቅድመይ እዚ ህዝቢ እዚ ኸምኡ እዩ፡ ይብል እግዚኣብሄር፡ ኩሉ ዕዮ ኣእዳዎም ከምኡ እዩ፡ እቲ ኣብኡ ዜቕርቡለይ ድማ ርኹስ እዩ።

¹⁵ሕጂ ኸአ ኣብ መቕደስ እግዚኣብሄር እምኒ ኣብ ልዕሊ እምኒ ኸይተነብረ ኾታ ኻብዛ መዓልቲ እዚኣ ኽሳዕ ቀደም ዝኾነ ሕሰቡ።

¹⁶ብኹሉ እቲ ዘመን እቲ ናብ ዕስራ መስፈር ዘለዎ ምህርቲ እንተ መጸ፡ ዓሰርተ ጥራይ ኮነ፡ ሓምሳ መስፈር ኪቕድሕ፡ ናብ መጽመቑ እንተ መጸ፡ ዕስራ ጥራይ ኮነ።

¹⁷ንኹሉ ዕዮ ኣእዳውኩም ብሃጉን ብዋግን ብበረድን ወቓዕክዎ፡ ንስኻትኩም ግና ናባይ ኣይተመለስኩምን፡ ይብል እግዚኣብሄር።

¹⁸ሕሰቡ ኾታ፡ ካብ እዛ መዓልቲ እዚኣ ኻዕ ቀደም ዝኾነ፡ ካብታ መበል ዕስራን ኣርባዕተን መዓልቲ ናይታ ታስዐይቲ ወርሒ፡ ካብታ መቕደስ እግዚኣብሄር እተሰረተትላ መዓልቲ፡ ሕሰቡ።

¹⁹እኽልስ ገናዶ ኣብ ቆፎ አሎ እዩ፡ ተኽሊ ወይንን ኦም በለስን ሮማንን ኣውልዕን ክሳዕ ሎሚ ኣይፈረየን። ካብዛ መዓልቲ እዚኣ ጀሚረ ኽባርኽ እየ።

²⁰ብመበል ዕስራን ኣርባዕተን መዓልቲ እታ ወርሒ ኸምዚ ዚብል ቃል እግዚኣብሄር ካልኣይ ሳዕ ናብ ሃጌ መጸ፡

²¹ንዙሩባቤል ምስለኔ ይሁዳ፡ ኣነ ሰማይን ምድርን ከነቓንቕ እየ፡ ዝፋን መንግስትታት ክገላብጥ፡ ሓይሊ መንግስታት ኣህዛብ ከጥፍእ፡ ሰረገላታትን ኣብኤን ዜቕመጡን ከገላብጥ እየ፡ ኣፍራስን ዚውጥሕዎምን ከአ ነፍሲ ወከፎም ብሰይፊ ሓው ኺወድቕ እዩ ኢልካ ንገሮ።

²²ንዙሩባቤል ምስለኔ ይሁዳ፡ ኣነ ሰማይን ምድርን ከነቓንቕ እየ፡ ዝፋን መንግስትታት ክገላብጥ፡ ሓይሊ መንግስታት ኣህዛብ ከጥፍእ፡ ሰረገላታትን ኣብኤን ዜቕመጡን ከገላብጥ እየ፡ ኣፍራስን ዚውጥሕዎምን ከአ ነፍሲ ወከፎም ብሰይፊ ሓው ኺወድቕ እዩ ኢልካ ንገሮ።

²³በታ መዓልቲ እቲኣ፡ ይብል እግዚኣብሄር ጐይታ ሰራዊት፡ ዎ፡ ዙሩባቤል ወዲ ሰኣልቲኤል፡ ባርያይ፡ ኣነ ኽወስደካ እየ፡ ይብል እግዚኣብሄር፡ ኣነ ሐርየካ እየ እሞ፡ ከም ቀለቤት ማሕተም ክገብረካ እየ፡ ይብል እግዚኣብሄር ጐይታ ሰራዊት።