Read መ/ቅዱስ ትግርኛ, Tigrigna Bible, 1997 ትንቢት ዘካርያስ 1 Bible Online

ትንቢት ዘካርያስ 1 - መ/ቅዱስ ትግርኛ, Tigrigna Bible, 1997 bible

ትንቢት ዘካርያስ 1

¹ብኻልአይቲ ዓመት ዳርዮስ፡ በታ ሳምነይቲ ወርሒ ናብ ነብዩ ዘካርያስ ወዲ በረክያ፡ ወዲ ዒዶ፡ ከምዚ ዚብል ቃል እግዚኣብሄር ኣብ ልዕሊ ኣቦታትኩም ኣዝዩ ኾረየ።

²ኣምበኣርሲ ንስኻ፡ እግዚኣብሄር ጐይታ ሰራዊት ከምዚ ይብል አሎ፡ ናባይ ተመለሱ፡ ይብል እግዚኣብሄር ጐይታ ሰራዊት ኣነ ኸአ ናባኻትኩም ክምለስ እየ፡ ይብል እግዚኣብሄር ጐይታ ሰራዊት፡ ኢልካ ንገሮም።

³ኣምበኣርሲ ንስኻ፡ እግዚኣብሄር ጐይታ ሰራዊት ከምዚ ይብል አሎ፡ ናባይ ተመለሱ፡ ይብል እግዚኣብሄር ጐይታ ሰራዊት ኣነ ኸአ ናባኻትኩም ክምለስ እየ፡ ይብል እግዚኣብሄር ጐይታ ሰራዊት፡ ኢልካ ንገሮም።

⁴ከም ኣቦታትኩም ኣይትኹኑ፡ ንኣታቶም እቶም ቀዳሞት ነብያት፡ እግዚኣብሄር ጐይታ ሰራዊት፡ ካብ እኩይ መገድኹምን ካብ እኩይ ግብርኹምን ተመለሱ ይብል አሎ ኢሎም ነገርዎም፡ ንሳቶም ግና ኣይሰምዑን፡ ናባይ ከአ ጽን ኣይበሉን፡ ይብል እግዚኣብሄር።

⁵ኣቦታትኩም ኣበይ አለው፡ ነብያትከ ንዘለአለምዶ ብህይወት ይነብሩ እዮም፡

⁶ግናኸ ንባሮተይ ነብያት ዝአዘዝክዎም ቃላተይን ሕጋጋተይን ነቦታትኩምዶ ኣየርከቦምን እዩ፡ ንሳቶም ከኣ ተመለሱ እሞ፡ እግዚኣብሄር ጐይታ ሰራዊት ከምቲ ብመጠን መገድናን ግብርናን ኪገብረና ኢሉ ዝሐሰቦ፡ ከምኡ ገበርና፡ በሉ።

⁷ብኻልኣይቲ ዓመት ዳርዮስ፡ ብመበል ዕስራን ኣርባዕተን መዓልቲ በታ ሽባጥ እትበሀል መበል ዓሰርተው ሓደ ወርሒ፡ ከምዚ ዚብል ቃል እግዚኣብሄር ናብ ነብዩ ዘካርያስ፡ ወዲ በረክያ ወዲ ዒዶ፡ መጸ፡

⁸ብለይቲ ርኤኹ፡ እንሆ ኸአ፡ ኣብ ሓመር ፈረስ እተወጥሔ ሰብኣይ፡ ንሱ ድማ ኣብቲ ትሕት ዝበለ ቦታ ኣብ ማእከል ኣእዋም ጸጾ ጠጠው በለ፡ ድሕሪኡውን ሓመራትን ጥርኝን ኣምበላያትን ኣፍራስ ነበሩ።

⁹ሽዑ፡ ኣነ ፡ ጐይታየ እዚኣቶምሲ እንታይ እዮም በልኩ። እቲ ምሳይ ዚዛረብ ዝነበረ መልኣኽ ከአ፡ እዚኣቶም እንታይ ከም ዝኾኑ ኸርእየካ እየ በለኒ።

¹⁰እቲ ኣብ ማእከል ኣእዋም ጸጾ ደው ኢሉ ዝነበረ ሰብኣይ ከአ፡ እዚኣቶምሲ እቶም እግዚኣብሄር ንምድሪ ኽዞርዋ ዝሰደዶም እዮም፡ ኢሉ መለሰ።

¹¹ንሳቶም ድማ ነቲ ኣብ ማእከል ኣእዋም ጸጸ ደው ዝበለ መልኣኽ እግዚኣብሄር፡ ንሕና ንምድሪ ዞርናያ፡ እንሆ ኸአ ኩላ ምድሪ ስቕ ኢላ ዐሪፋ አላ፡ ኢሎም መለሱ።

¹²ሽዑ እቲ መልኣኽ እግዚኣብሄር፡ ዎ እግዚኣብሄር ጐይታ ሰራዊት፡ ነዘን በተን ሰብዓ ዓመት እተቖጣዕካየን ዮርሳሌምን ከተማታት ይሁዳን ክሳዕ መኣዝ ኢኻ ዘይትምሕረን፡ ኢሉ መለሰ።

¹³እግዚኣብሄር ነቲ ምሳይ ዚዛረብ ዝነበረ መልኣኽ ብጽቡቕ ቃላትን ብዜጸንናዕ ቃላትን መለሰሉ።

¹⁴እቲ ምሳይ ዚዛረብ ዝነበረ መልኣኽ ከአ፡ እግዚኣብሄር ጐይታ ሰራዊትሲ፡ ኣነ ንዮርሳሌምን ብጽዮንን ዓብዩ ቕንኣት ቀኒኤ አሎኹ፡ ቅሩብውን ኮርየ ነበርኩ፡ ንሳቶም ግና ንሕሰም ሐጊዞም እዮም እሞ ነቶም ሀዲኦም ዘለው ኣህዛብ ኣዝየ ኾርየሎም አሎኹ፡ ይብል አሎ፡ ኢልካ ኣውጅ በለኒ።

¹⁵እቲ ምሳይ ዚዛረብ ዝነበረ መልኣኽ ከአ፡ እግዚኣብሄር ጐይታ ሰራዊትሲ፡ ኣነ ንዮርሳሌምን ብጽዮንን ዓብዩ ቕንኣት ቀኒኤ አሎኹ፡ ቅሩብውን ኮርየ ነበርኩ፡ ንሳቶም ግና ንሕሰም ሐጊዞም እዮም እሞ ነቶም ሀዲኦም ዘለው ኣህዛብ ኣዝየ ኾርየሎም አሎኹ፡ ይብል አሎ፡ ኢልካ ኣውጅ በለኒ።

¹⁶ስለዚ ኸአ እግዚኣብሄር፡ ኣነ ብምሕረት ናብ ዮርሳሌም እምለስ አሎኹ ይብል አሎ፡ ቤተይ ኣብኣ ኽትስራሕ እያ፡ ገመድ መለክዒ ኣብ ልዕሊ ዮርሳሌም ኪዝርጋሕ እዩ፡ ይብል እግዚኣብሄር ጐይታ ሰራዊት።

¹⁷እግዚኣብሄር ጐይታ ሰራዊት፡ ከተማታተይ ገና ብሰናይ ኪረውያ እየን፡ እግዚኣብሄር ከኣ ንጽዮን ገና ኼጸናንዓ እዩ፡ ንዮርሳሌም ድማ ገና ኺሐርያ እዩ፡ ይብል አሎ፡ ኢልካውን አውጅ።

¹⁸ዓይነይ ኣልዐልኩ፡ እንሆ ከአ፡ ኣርባዕተ ቐርኒ ርኤኹ።

¹⁹ኣነ ድማ ነቲ ዚዛረበኒ ዝነበረ መልኣኽ፡ እዚኣቶም እንታይ እዮም፡ በልክዎ። ንሱውን እዚኣቶም እቶም ንይሁዳን እስራኤልን ዮርሳሌምን ፋሕ ዘበልዎም ኣቕርንቲ እዮም፡ ኢሉ መለሰለይ።

²⁰እግዚኣብሄር ከአ ኣርባዕተ ሰራሒ ሓጺን ኣርኣየኒ።

²¹ሽዑ ኣነ፡ እዚኣቶም እንታይ ኪገብሩ መጹ፡ በልኩ። ንሱ ኸአ፡ እቲኣቶም፡ ሓደ እኳ ርእሱ ኸየልዕል፡ ንይሁዳ ፋሕ ዘበሉ ኣቕርንቲ እዮም፡ እዚኣቶም ግና ኬፍርህዎም፡ ነቕርንቲ እቶም ንሃገር ይሁዳ ፋሕ ኬብሉ ኢሎም ቀርኖም ዘልዐሉ ኣህዛብ ከአ ኬውድቕ ዝመጹ እዮም፡ ኢሉ በለኒ።