Read መ/ቅዱስ ትግርኛ, Tigrigna Bible, 1997 ትንቢት ዘካርያስ 11 Bible Online

ትንቢት ዘካርያስ 11 - መ/ቅዱስ ትግርኛ, Tigrigna Bible, 1997 bible

ትንቢት ዘካርያስ 11

¹ኣታ ሊባኖስ ደጌታትካ፡ ፈት፡ ነእዋምካ ኸአ ሓዊ ይብልዓዮ።

²ኣታ ጽሕዲ፡ ኦም ሊባኖስ ወዲቑ፡ እቶም ክቡራት በሪሶም እዮም እሞ፡ ዋይዋይ በል። ኣቱም ኣውሒ ባሳን እቲ ብርቱዕ ዱር ተቖሪጹ እዩ እሞ፡ ዋይዋይ በሉ።

³ክብረቶም በሪሱ እዩ እሞ፡ ድምጺ ዋይዋይታ ጓሶት ይስማዕ፡ ትዕቢት ዮርዳኖስ በሪሱ እዩ እሞ፡ ድምጺ ምጉዛም ሽደናት ኣናብስ ይስማዕ።

⁴እግዚኣብሄር ኣምላኸይ ከምዚ ይብል አሎ፡ ነተን ኣባጊዕ ማሕረዲ ጓሰየን።

⁵እቶም ሸየጥተን ድማ ኣነስ ሃብቲመ እግዚኣብሄር ይመስገን ይብሉ፡ ጓሶተንውን ከቶ ኣይንሕፍወንን።

⁶እምበኣርሲ ነቶም ኣብታ ሃገር ዚነብሩ ድሕርዚ ኣይክንሕፎምን እየ፡ ኤረ ኣነስ እንሆ፡ ንነፍሲ ወከፍ ሰብ ኣብ ኢድ ብጻዩን ኣብ ኢድ ንጉስንይን ክውፍዮ እየ፡ ንሳቶም ከአ ነታ ሃገር ኪሰባብርዋ እዮም፡ ኣነውን ካብ ኢዶም ኣይከናግፎምን እየ፡ ይብል እግዚኣብሄር።

⁷ሽዑ ነተን ኣባጊዕ ማሕረዲ፡ እወ፡ ነተን መሳኺን እታ መጓሰ ኣባጊዕ፡ ጓሴኸወን። ክልተ በትሪ ድማ ወሰድኩ፡ ነታ ሓንቲ ጸጋ፡ ነታ ሓንቲ ኸአ ስምረት ኢለ ሰሜኽወን፡ ነትን መጓሰ ኣባጊዕውን ጓሴኽወን።

⁸ነቶም ሰለስተ ጓሶት ብሓንቲ ወርሒ ኣጥፋእክዎም፡ ነፍሰይ ብኣታቶም ጸበባ፡ ነፍሶምውን ጸልኣትኒ።

⁹ኣነ ኸአ ኣይክጓስዮምን እየ፡ እታ እትመውት ትሙት፡ እታ እትጠፍእ ትጥፋእ፡ እተን ዝተረፋ ድማ ስጋ ሓድሕሰን ይበላልዓ፡ በልኩ።

¹⁰ነቲ ምስ ኩሎም ህዝብታት ዝአቶኽዎ ቓል ኪደነይ ከፍርስሲ። ነታ ጸጋ ዝስማ በትረይ ወዲሰ ሰበርክዋ።

¹¹በታ መዓልቲ እቲኣ ፈረሰ፡ በዚውን እተን ናባይ ዜስተብህላ ዝነበራ ድኻትታ እታ መጓሰ ቓል እግዚኣብሄር ምዃኑ ፈለጣ።

¹²ኣነ ድማ፡ ነዒንትኹም ባህ እንተ አበለኩምሲ፡ ዋጋይ ሀቡኒ፡ እንተ ዘይኮነስ ሕደግዎ፡ በልክዎም። ንሳቶም ንዋጋይ ሰላሳ ብሩር መዘኑ።

¹³እግዚኣብሄር ከአ፡ ነቲ ዘምገሙለይ ክቡር ገምጋም ናብ ሰራሕ መሬት ደርበዮ፡ በለኒ። ኣነ ድማ ነቲ ሰላሳ ብሩር ወሲደ ኣብ ቤት እግዚኣብሄር ናብቲ ሰራሕ መሬት ደርቤኽዎ።

¹⁴ሽዑ ነቲ ኣብ መንጎ ይሁዳን እስራኤልን ዘሎ ሕውነት ከፍርስ፡ ነታ ስምረት ዝበልክዋ ኻልኣይቲ በትረይ ሰበርክዋ።

¹⁵እግዚኣብሄር ከኣ፡ ነቲ ኣቓሓ ዓሻ ጓሳውን ንኣኻ ውሰዶ፡ በለኒ።

¹⁶ስለዚ እንሆ ስጋ ስቡሓት ዚበልዕ፡ ሸኾናኤን ከአ ዝምንጭት እምበር፡ ነተን ዝጠፍኣ ግዲ ዘይገብረለ፡ ፋሕ ንዝበላ ድማ ዘይደልየን፡ ንተሰብራ ኸአ ዘይፍውስ፡ ንጥዑያትን ዘይቕልብ ጓሳ ኣብታ ሃገር ከተንስእ እየ።

¹⁷እቲ ኣባጊዒ ዚፍኑ ዘይጠቅም ጓሳ ወይሉኡ። ሰይፊ ኣብ ልዕሊ ቕልጽሙን ኣብ ልዕሊ የማነይቲ ዓይኑን ይኹን፡ ቅልጽሙ ብጥራስ ኪነቅጽ፡ የማነይቲ ዓይኑ ኸአ ብዘላ ኽትጽልምይ እያ።