Read መ/ቅዱስ ትግርኛ, Tigrigna Bible, 1997 ትንቢት ዘካርያስ 12 Bible Online

ትንቢት ዘካርያስ 12 - መ/ቅዱስ ትግርኛ, Tigrigna Bible, 1997 bible

ትንቢት ዘካርያስ 12

¹ጾር ቃል እግዚኣብሄር ብዛዕባ እስራኤል። እቲ ንሰማያት ዝዝርግሖ፡ ንምድሪ ድማ ዝሰረታ ንመንፈስ ሰብውን ኣብ ውሽጡ ዝደኮኖ እግዚኣብሄር ከምዚ ይብል ኣሎ፡

²እንሆ የሩሳሌም ነቶም ኣብ ዙርያ ዝለው ኹላቶም ህዝብታት ጽዋእ ሰኽራን ክገብራ እየ፡ የሩሳሌም ተኸቢባ ኸለውን ኣብ ይሁዳ ኸምኡ ኪኸውን እዩ።

³በታ መዓልቲ እቲኣ ድማ ክኸውን እዩ፡ የሩሳሌም ንኹላቶም ህዝብታት ከቢድ እምኒ ኽገብራ እየ፡ ዚስክምዋ ዘበሉ ኹላቶም ኣዝዮም ኪቐስሉ እዮም፡ ኩላቶም ኣህዛብ ምድሪውን ንምድሪ ኽእከቡ እዮም።

⁴በታ መዓልቲ እቲኣ ንኹላቶም ኣፍራስ ብስምባድ፡ ንዚውጥሕዎም ከአ ብጽላለ ኽወቕዖም እየ፡ ኣብ ልዕሊ ቤት ይሁዳ ድማ ኣዒንተይ ቋሕ ክብል እየ፡ ንኽላቶም ኣፍራስ ህዝብታት ከአ ብዑረት ክወቕዖም እየ፡ ይብል እግዚኣብሄር።

⁵ሓላቑ ይሁዳ ብልቦም፡ እቶም ኣብ ዮርሳሌም ዚነብሩ ብጐይታ ሰራዊት ኣምላኾም ሐይለይ እዮም ክብሉ እዮም።

⁶በታ መዓልቲ እቲኣ ኣነ ነቶም ሓላቑ ይሁዳ ኸም ርሱን ምድጃ ኣብ ማእከል ዕጨይትን ከም ሃልሃልታ ሓዊ ኣብ ማእጀል እንዳእትን ክገብሮም እየ፡ ነቶም ብየማነ ጸጋም ከቢቦምዎም ዘለው ኹላቶም ህዝብታት ከአ ኪውሕጥዎም እዮም፡ ዮርሳሌም ድማ ኣብ ቦታኣ፡ ኣብ ዮርሳሌም፡ ከም ብሓድሽ ሰፈር ክትከውን እያ።

⁷ክብረት ቤት ዳዊትን ክብረት እቶም ኣብ ዮርሳሌም ዚነብሩን ኣብ ልዕሊ ይሁዳ ኸይዕበ፡ እግዚኣብሄር ቅድም ንድንዃናት ይሁዳ ኼድሕን እዩ።

⁸በታ መዓልቲ እቲኣ እግዚኣብሄር ነቶም ኣብ ዮርሳሌም ዚነብሩ ኺከላኸለሎም እዩ። እቲ ኻብታቶም ድኹም ዝኾነ በታ መዓልቲ እቲኣ ኸም ዳዊት ኪኸውን እዩ።

⁹በታ መዓልቲ እቲኣ ድማ ኪኸውን እዩ፡ ነቶም ኣብ ልዕሊ ዮርሳሌም ዚመጹ ኹሎም ኣህዛብ ንምጥፋኦም ክደሊ እየ።

¹⁰ኣብ ልዕሊ ቤት ዳዊትን ኣብ ልዕሊ እቶም ኣብ ዮርሳሌም ዚነብሩን መንፈስ ጸጋን ምህለላን ክኽዑ እየ። ንሳቶም ከአ ንኣይ፡ ነቲ ዝወግእዎ ኽጥምቱ እዮም፡ ከምቲ ንሓደ ውሉድ ዚበኽየሉ ኽበኽየልሉ፡ ከምቲ ንበኹሩ መሪር ሓዘን ዚሐዝነሉ ኣምሪሮም ኪሐዝኑሉ እዮም።

¹¹በታ መዓልቲ እቲኣ፡ ከምቲ ኣብ ሃዳድሪምን ኣብ ጎልጎል መጊዶን ዝኾነ ብኽያት፡ ኣብ ዮርሳሌም ዓብዩ ብኽያት ኪኸውን እዩ።

¹²እታ ሃገር ከአ ክትበኪ እያ፡ ነፍሲ ወከፍ ዓሌት ነንበይኑ፡ ዓሌት ቤት ዳዊት ንበይኖም፡ ኣንስቶም ድማ ንበይነን፡ ዓሌት ቤት ናታን ንበይኖም፡ ኣንስቶምውን ንበይነን።

¹³ዓሌት ቤት ሌዊ ንበይኖም፡ ኣንስቶም ከአ ንበይነን፡ ዓሌት ሽምዒ ንበይኖም፡ ኣንስቶምውን ንበይነን።

¹⁴ኹሎም እቶም ዝተረፉ ዓሌታት ድማ በብዓሌቶም ነንበይኖም ኣንስቶምውን ንበይነን።

¹⁵ዓሌት ቤት ሌዊ ንበይኖም፡ ኣንስቶምውን ንበይነን።

¹⁶ኩሎም እቶም ዝተረፉ ዓሌታት ድማ በብዓሌቶም ነንበይኖም ኣንስቶምውን ንበይነን።