Read መ/ቅዱስ ትግርኛ, Tigrigna Bible, 1997 ትንቢት ዘካርያስ 2 Bible Online

ትንቢት ዘካርያስ 2 - መ/ቅዱስ ትግርኛ, Tigrigna Bible, 1997 bible

ትንቢት ዘካርያስ 2

¹ኣዒንተይ ኣልዐልኩ፡ እንሆ ኸአ፡ ኣብ ኢዱ ገመድ መለክዒ ዝነበሮ ሰብኣይ ርኤኹ።

²ኣነ ኸአ፡ ናበይ ኢኻ እይኸይድ ዘሎኻ፡ በልኩ። ንሱውን፡ ንዮርሳሌም ምግፍሓን ምንውሓን ክንደይ ከም ዝኾነ ኽርእስ፡ ክልክዓ እየ በለኒ።

³እንሆ ኸአ፡ እቲ ዚዛረበኒ ዝነበረ መልኣኽ ወጸ፡ ካልእ መልኣኽ ድማ ኪጓነፎ ወጸ።

⁴ንሱ ኸአ፡ ጎየ፡ ነዚ ጎበዝ እዚ፡ ዮርሳሌም፡ ሰብን እንስሳን ኣብ ማእከላ ስለ ዝበዝሑ፡ ከም ብዘይ መካበብያ ዘላ ኸተማ ኽትነብር እያ፡ እግዚኣብሄርውን፡ ኣነ ኣብ ዙርያኣ መካበብያ ዘላ ኸተማ ኽትነብር እያ፡ እግዚኣብሄርውን ፡ ኣነ ኣብ ዙርያኣ መካበብያ ሓዊ ክኾነላ፡ ኣብ ማእከላውን ንኽብሪ ክኸውን እየ፡ ይብል አሎ ኢልካ ንገሮ በሎ።

⁵ንሱ ኸአ፡ ጎየ፡ ነዚ ጎበዝ እዚ፡ ዮርሳሌም፡ ሰብን እንስሳን ኣብ ማእከላ ስለ ዝበዝሑ፡ ከም ብዘይ መካበብያ ዘላ ኸተማ ኽትነብር እያ፡ እግዚኣብሄርውን፡ ኣነ ኣብ ዙርያኣ መካበብያ ዘላ ኸተማ ኽትነብር እያ፡ እግዚኣብሄርውን ፡ ኣነ ኣብ ዙርያኣ መካበብያ ሓዊ ክኾነላ፡ ኣብ ማእከላውን ንኽብሪ ክኸውን እየ፡ ይብል አሎ ኢልካ ንገሮ በሎ።

⁶እግዚኣብሄር፡ ኣነ ኸምቶም ኣርባዕተ ንፋሳት ሰማይ በቲነኩም እየ፡ ይብል አሎ እሞ፡ ተንስኡ፡ ተንስኡ፡ ካብ ሃገር ሰሜን ህደሙ፡ ይብል እግዚኣብሄር።

⁷ኣቲ ምስ ጓል ባቢሎን ኣትነብሪ ጽዮን፡ ኣምልጢ።

⁸እግዚኣብሄር ጐይታ ሰራዊት ከምዚ ይብል አሎ፡ እቲ ንኣኻትኩም ዚትንክስ፡ መርዓት ዓይኑ እዩ ዚትንኪ እሞ፡ ስለ ኽብሩ ናብቶም ዝዝመቱኹም ኣህዛብ ለአኸኒ።

⁹እንሆ፡ ኣነ ኢደይ ከልዕለሎም እየ፡ ንሳቶም ከአ ነቶም ግዙኣቶም ዝነበሩ ዘመተ ኪኾንዎም እዮም፡ ንስኻትኩምውን እግዚኣብሄር ጐይታ ሰራዊት ከም ዝለአኸኒ ኽትፈልጡ ኢኹም።

¹⁰ኣቲ ጓል ጸዮን፡ እንሆ፡ እመጽእ አሎኹ፡ ኣብ ማእክልኪ ኸአ ክነብር እየ እሞ፡ እልል በሊ ተሐጎሲውን፡ ይብል እግዚኣብሄር።

¹¹በታ መዓልቲ እቲኣ ብዙሓትህዝብታት ናብ እግዚኣብሄር ኪሐብሩ፡ ህዝበይ ከአ ኪኾኑ እዮም። ኣነ ድማ ኣብ ማእከልኪ ኽነብር እየ፡ ንስኺወን እግዚኣብሄር ጐይታ ሰራዊት ናባኺ ኸም ዝላኣኸኒ ኽትፈልጢ ኢኺ።

¹²እግዚኣብሄር ኣብታ ቅድስቲ ሃገር ንይሁዳ ኸም ግዲኡ ኺርስትያ፡ ንዮርሳሌም ከአ ገና ኺሐርያ እዩ።

¹³እግዚኣብሄር ካብቲ ቅዱስ ማሕደሩ ተንሲኡ እዩ እሞ፡ ስጋ ዝለበሰ ኹሉ ኣብ ቅድሚኡ ስቕ ይበል።