Read መ/ቅዱስ ትግርኛ, Tigrigna Bible, 1997 ትንቢት ዘካርያስ 8 Bible Online

ትንቢት ዘካርያስ 8 - መ/ቅዱስ ትግርኛ, Tigrigna Bible, 1997 bible

ትንቢት ዘካርያስ 8

¹ከምዚ ዚብል ቃል እግዚኣብሄር ጐይታ ሰራዊት ከአ መጸ፡

²ኣነ ብጽዮን ዓብዩ ቕንኢ ቐኒኤ አሎኹ፡ ብዓብዩ ቑጥዓውን ቀኒኤላ አሎኹ፡ ይብል እግዚኣብሄር ጐይታ ሰራዊት።

³ኣነ ናብ ጽዮን ክምለስ፡ ኣብ ማእከል ዮርሳሌም ከአ ክነብር እየ። ዮርሳሌም ድማ ከተማ ሓቂ ኽትስመ፡ እቲ ኸረን እግዚኣብሄር ጐይታ ሰራዊት ከአ ቅዱስ ከረን ኪስመ እዩ፡ ይብል እግዚኣብሄር።

⁴ኣረገውቲ ሰብኡትን ኣረገውቲ ኣንስትን ገና ኣብ ኣደባባያት የሩሳሌም ኪቕመጡ እዮም፡ ዕድሚኦም ስለ ዝነውሔ ኸአ፡ ነፍሲ ወከፎም መምርኩሱ ኣብ ኢዱ ኽሕዝ እዩ። ኣደባባያት እታ ኸተማ ድማ በቶም ኣብተን ኣደባባያት ዚስሐቑ ኣወዳትን ኣዋልድን ኪመልኣ እየን፡ ይብል እግዚኣብሄር ጐይታ ሰራዊት።

⁵ኣረገውቲ ሰብኡትን ኣረገውቲ ኣንስትን ገና ኣብ ኣደባባያት የሩሳሌም ኪቕመጡ እዮም፡ ዕድሚኦም ስለ ዝነውሔ ኸአ፡ ነፍሲ ወከፎም መምርኩሱ ኣብ ኢዱ ኽሕዝ እዩ። ኣደባባያት እታ ኸተማ ድማ በቶም ኣብተን ኣደባባያት ዚስሐቑ ኣወዳትን ኣዋልድን ኪመልኣ እየን፡ ይብል እግዚኣብሄር ጐይታ ሰራዊት።

⁶እግዚኣብሄር ኦይታ ሰራዊት ከምዚ ይብል አሎ፡ በተን መዓልቲት እቲኣተን ነዒንቲ ተረፍ እዚ ህዝቢ እዚ ዜደንቕ እንተ ኾነስ፡ ነዒንተይዶ ዜደንቕ ኪኸውን እዩ፡ ይብል እግዚኣብሄር ጐይታ ሰራዊት።

⁷እንሆ፡ ካብ ሃገር ምብራቕን ካብ ሃገር ምዕራብን ንህዝበይ ከድሕኖም እየ። ከምጽኦም ኣየ እሞ፡ ኣብ ማእከል ዮርሳሌም ኪነብሩ እዮም፡ ንሳቶም ህዝበይ ኪኾኑ እዮም ኣነ ኸአ ብሓቅን ብጽድቅን ኣምላኾም ክኸውን እየ፡ ይብል እግዚኣብሄር ጐይታ ሰራዊት።

⁸እንሆ፡ ካብ ሃገር ምብራቕን ካብ ሃገር ምዕራብን ንህዝበይ ከድሕኖም እየ። ከምጽኦም ኣየ እሞ፡ ኣብ ማእከል ዮርሳሌም ኪነብሩ እዮም፡ ንሳቶም ህዝበይ ኪኾኑ እዮም ኣነ ኸአ ብሓቅን ብጽድቅን ኣምላኾም ክኸውን እየ፡ ይብል እግዚኣብሄር ጐይታ ሰራዊት።

⁹ኣቱም በዘን መዓልትታት እዚአተን እቶም ቤተ መቕደስ ምእንቲ ኽትህነችሲ መሰረት ቤት እግዚኣብሄር ጐይታ ሰራዊት እተሰረተትላ መዓልቲ ኣብኣ ዝነበሩ ነብያት እተዛረብዎ፡ ካብ ኣፎም እዘን ቃላት እዚኤን እተሰምዑ ዘሎኹም፡ ኣእዳውኩም ኣጽንዑ፡ ይብል እግዚኣብሄር ሰራዊት።

¹⁰ቅድሚ እዘን መዓልታት እዚኣተን ውዕለት ሰብን ውዕለት እንስሳን ኣይነበረን። ንኹሉ ሰብ ኣብ ንሓድሕዱ ፈንየዮ እየ እሞ፡ ብሰሪ ጸላኢ ነቲ ዝወጽእን ዚአቱን ሰላም ኣይነበረን።

¹¹ዘርኢ ሰላም ኪኸውን እዩ፡ ወይኒ ፍሬኣ ኽትህብ እያ፡ ምድሪ ኸአ ብቑላ ኽትህብ፡ ሰማያት ድማ ጠሎም ኪህቡ ነቶም ተረፍ እዚ ህዝቢውን እዚ ኹሉ ኸረስትዮም እየ እምበር፡ ሕጂስ ነቶም ተረፍ እዚ ህዝቢዚ ኸምቲ በተን ቀዳሞት መዓልትታት ዝነብርክዎ ኣይክኾኖምን እየ፡ ይብል እግዚኣብሄር ጐይታ ሰራዊት።

¹²ዘርኢ ሰላም ኪኸውን እዩ፡ ወይኒ ፍሬኣ ኽትህብ እያ፡ ምድሪ ኸአ ብቑላ ኽትህብ፡ ሰማያት ድማ ጠሎም ኪህቡ ነቶም ተረፍ እዚ ህዝቢውን እዚ ኹሉ ኸረስትዮም እየ እምበር፡ ሕጂስ ነቶም ተረፍ እዚ ህዝቢዚ ኸምቲ በተን ቀዳሞት መዓልትታት ዝነብርክዎ ኣይክኾኖምን እየ፡ ይብል እግዚኣብሄር ጐይታ ሰራዊት።

¹³ኪኸውን ድማ እዩ፡ ኣቱም ቤት ይሁዳን ቤት እስራኤል፡ ከምቲ ኣብ ማእከል ኣህዛብ መርገም ዝኾንኩም፡ ከምኡ ኸድሕነኩም እየ፡ በረኸትውን ክትኮኑ ኢኹም፡ ኣይትፍርሁ ኣእዳውኩም ኣጽንዑ።

¹⁴እግዚኣሄር ጐይታ ሰራዊት ከምዚ ይብል አሎ፡ ከምቲ ኣቦታትኩም ምስ ኣቐምጥዑኒ ኽፉእ ክገብሩኩም ዝሐሰብክዎ እሞ ዘይተጠዓስኩሉ፡ ከምኡውን በዘን መዓልትታት እዚኣተን ንዮርሳሌምን ንቤት ይሁዳን ሰናይ ክገብረለን ከም ብሓድሽ ሐሲበ አሎኹ፡ ኣይትፍርሁ፡ ይብል እግዚኣብሄር ጐይታ ሰራዊት።

¹⁵እግዚኣሄር ጐይታ ሰራዊት ከምዚ ይብል አሎ፡ ከምቲ ኣቦታትኩም ምስ ኣቐምጥዑኒ ኽፉእ ክገብሩኩም ዝሐሰብክዎ እሞ ዘይተጠዓስኩሉ፡ ከምኡውን በዘን መዓልትታት እዚኣተን ንዮርሳሌምን ንቤት ይሁዳን ሰናይ ክገብረለን ከም ብሓድሽ ሐሲበ አሎኹ፡ ኣይትፍርሁ፡ ይብል እግዚኣብሄር ጐይታ ሰራዊት።

¹⁶እቲ ኽትገብርዎ ዚግብኣኩም ነገርሲ እዚ እዩ፡ ነፍሲ ወከፍኩም ነንብጻይኩም ሓቂ ተዛረቡ፡ ኣብ ደጌታትኩም ፍርዲ ሓቅን ሰላምን ፍረዱ።

¹⁷ካባኻትኩምውን ሓደ እኳ ብልቡ ንሓው እኩይ ኣይሕሰበሉ፡ ማሕላ ሓሶት ኣይትፍተው፡ ነዚ ኹሉ እጸልኦ እየ፡ ይብል እግዚኣብሄር።

¹⁸ከምዚ ዚብል ቃል እግዚኣብሄር ጐይታ ሰራዊት ከአ መጸኒ፡

¹⁹እቲ ጾም ናይ ራብዓይ ወርሕን እቲ ጾም ናይ ዓስራይ ወርሕንሲ ንቤት ይሁዳ ሓጎስን ደስታን ባህ ዜብል በዓላት ዓመትን ኪኾነሎም እዩ፡ እምበኣርሲ ሓቅን ሰላምን ኣፍቅሩ፡ ይብል እግዚኣብሄር ጐይታ ሰራዊት።

²⁰እግዚኣብሄር ጐይታ ሰራዊት ከምዚ ይብል አሎ፡ ህዝብታትን ኣብ ብዙሕ ከተማታት ዚነብሩን ገና ኺመጹ እዮም።

²¹ኣብታ ሓንቲ ዚነብሩ ናብታ ኻልእ ኪኸዱ እዮም እሞ፡ ኣብ ቅድሚ እግዚኣብሄር ክንምህለል፡ ንእግዚኣብሄር ጐይታ ሰራዊት ከአ ክንደሊ ንኺድ፡ ኣነውን ክኸይድ እየ፡ ኪብሉ እዮም።

²²ብዙሓት ህዝብታትን ሓያላት ኣህዛብን ንእግዚኣብሄር ጐይታ ሰራዊት ኣብ ዮርሳሌም ኪደልይዎ፡ ኣብ ቅድሚ እግዚኣብሄር ከአ ኪምህለሉስ ኪመጹ እዮም።

²³በተን መዓልትታት እቲኣተን ካብ ኩሉ ቓንቛታት ኣህዛብ ዝኾኑ ዓሰርተ ሰብ ንሓደ ኣይሁዳዊ ዘፈር ክዳኑ ሒዞም፡ እግዚኣብሄር ምሳኻትኩም ከም ዝኾነ ሰሚዕና ኢና እሞ፡ ምሳኻትኩም ክንከይድ ኢና፡ ኪብሉ እዮም፡ ይብል እግዚኣብሄር ጐይታ ሰራዊት።