Read መ/ቅዱስ ትግርኛ, Tigrigna Bible, 1997 ትንቢት ዘካርያስ 9 Bible Online

ትንቢት ዘካርያስ 9 - መ/ቅዱስ ትግርኛ, Tigrigna Bible, 1997 bible

ትንቢት ዘካርያስ 9

¹ዓይኒ እግዚኣብሄር ናብ ኩሎም ሰብን ናብ ኩሎም ነገድ እስራኤልን ኣቢሉ እዩ እሞ፡ ጾር ቃል እግዚኣብሄር ኣብ ልዕሊ ሃገር ሓድራክን ኣብ ልዕሊ ደማስቆን ኣብ ልዕሊ እታ ኣብ ወሰና ዘላ ሃማትን ይዐርፍ፡ ኣዝየን ጥበበኛታት እየን እሞ፡ ኣብ ልዕሊ ጢሮስን ሲዶናን ከአ ይዐርፍ።

²ዓይኒ እግዚኣብሄር ናብ ኩሎም ሰብን ናብ ኩሎም ነገድ እስራኤልን ኣቢሉ እዩ እሞ፡ ጾር ቃል እግዚኣብሄር ኣብ ልዕሊ ሃገር ሓድራክን ኣብ ልዕሊ ደማስቆን ኣብ ልዕሊ እታ ኣብ ወሰና ዘላ ሃማትን ይዐርፍ፡ ኣዝየን ጥበበኛታት እየን እሞ፡ ኣብ ልዕሊ ጢሮስን ሲዶናን ከአ ይዐርፍ።

³ጢሮስ ዕርዳ ዐረደት፡ ብሩር ከም ሓመድ፡ ወርቂ ድማ ከም ጸብሪ መገዲ ደለበት።

⁴እንሆ፡ እግዚኣብሄር፡ ኪሕዛ ንስልጣና ኸአ ናብ ባሕሪ ኺድርብዮ እዩ፡ ብሓዊ ድማ ሞኽ ክትብል እያ።

⁵ኣስቃሎን ክትርእዮ እያ እሞ ክትፈርህ እያ፡ ጋዛውን ክትስቀ እያ፡ ዔቅሮን ድማ ተስፋኣ ተቖሪጹ እዩ እሞ፡ ከምኣ። ንጉስ ካብ ጋዛ ኺጠፍእ እዩ፡ ኣስቃሎን ክትርእዮ እያ እሞ ክትፈርህ እያ፡ ጋዛውን ክትስቀ እያ፡ ዔቅሮን ድማ ተስፋኣ ተቖሪጹ እዩ እሞ፡ ከምኣ። ንጉስ ካብ ጋዛ ኺጠፍእ እዩ፡ ኣስቃሎን ከአ ዚነብራ ኽትስእን እያ።

⁶ኣነ ኣሽዶድ ድቓላ ኺነብር እዩ፡ ኣነ ድማ ንትዕቢት ፍልስጥኤማውያን ከጥፍኦ እየ።

⁷ደሙ ኸኣአ ካብ ኣፉ፡ ጽያፉ ድማ ካብ መንጎ ኣስናኑ ኸውጽአሉ እየ፡ ንሱውን ንኣምላኽና ተርፍ ኪኽዕኖ፡ ኣብ ይሁዳ ኸአ ከም ሓለቓ ኪኸውን እዩ፡ ዔቅሮን ድማ ከም ይቡሳዊ።

⁸ካብ ሰራዊት፡ ካብቲ ዚኸይድን ዚመጽእን፡ ክከላኸለላስ፡ ኣብ ዙርያ ቤተይ ከሰፍር እየ፡ ሕጂ በዒንተይ ርእየያ እየ እሞ፡ ድሕርዚ ጨቃኒ ከቶ ኣይኪሐልፎምን እዩ።

⁹ኣቲ ጓል ጽዮን፡ ኣዚኺ ተሓጎሲ፡ ኣቲ ጓል ዮርሳሌም፡ እልል በሊ። እንሆ ንጉስኪ ንሱ፡ ጻድቕ መድሓንን ትሑትን እዩ፡ ኣብ ኣድጊ ኣብ ጻዕብ ኣድጊ ተወጢሑ ናባኺ ይመጽእ አሎ።

¹⁰ኣነ ኸአ ሰረገላ ኻብ ኤፍሬም፡ ፈረስ ድማ ካብ ዮርሳሌም ከጥፍእ እየ፡ ቀስቲ ውግእ ኪጠፍእ እዩ። ንሱ ነህዛብ ሰላም ኪነግሮም እዩ። ግዝኣቱ ኻብ ባሕሪ ኽሳዕ ባሕሪ፡ ካብቲ ርባ ኸአ ክሳዕ ወሰን ምድሪ ኪኸውን እዩ።

¹¹ንኣኺ ድማ ብሳላ ደም ኪዳንኪ ነቶም እሱራትኪ ኻብቲ ማይ ዜብሉ ጉድጓድ ከውጽኦም እየ።

¹²ኣቱም ብተስፋ እተአሰርኩም፡ ናብቲ ዕርዲ ተመለሱ፡ ኣነ ኦጽፊ ገይረ ኸም ዝመልሰልኪ፡ ሎሚውን እነግረኪ አሎኹ።

¹³ንርእሰይ ኢለ ንዩዳ ኸም ቐስቲ ገተርክዎ፡ ብኤፍሬም ድማ መላእክዎ። ኣቲ ጽዮን፡ ንደቅኺ፡ ኣብ ልዕሊ ደቅኺ፡ ዎ ዮናኒ፡ ከተንስኦም፡ ንኣኺ ድማ ከም ሰይፊ ጀግና ኽገብረኪ እየ።

¹⁴እግዚኣብሄር ኣብ ልዕሊኦም ኪርኤ እዩ፡ ፍላጻኡ ኸአ ከም በርቂ ኺወጽእ እዩ፡ እግዚኣብሄር ኣምላኽውን መለኸት ኪነፍሕ፡ ብህቦብላ ንፋስ ደቡብ ድማ ኪኸይድ እዩ።

¹⁵እግዚኣብሄር ጐይታ ሰራዊት ኬዕቆቦም እዩ፡ ንሳቶም ድማ ኪውሕጡ፡ እምኒ ወንጭፍ ከአ ኪረግጹ እዮም፡ ኪሰትዩ፡ ብወይኒ ኸም ዝሰኽሩ ጫውጫው ኪብሉ፡ ከም ዋንጫ፡ ከም ኩርናዕ መሰውኢ ኺመልኡ እዮም።

¹⁶ከምቲ ኣብ ምድሩ ዜንጸባርቕ ኣእማን ኣኽሊል እዮም እሞ፡ በታ መዓልቲ እቲኣ እግዚኣብሄር ኣምላኾም ንህዝቡ ኸም መጓሰ ኼድሕኖም እዩ።

¹⁷ሰናይ ኸንደይ ዓብዩ፡ ጽባቐኡስ ክንደይ ዓብዩ እዩ። እኽሊ ነጉባዝ ኮልዒ ወይኒ ኸአ ነዋልድ ኬዕብዮም እዩ።