Read መ/ቅዱስ ትግርኛ, Tigrigna Bible, 1997 ትንቢተ ሚልክያ 1 Bible Online

ትንቢተ ሚልክያ 1 - መ/ቅዱስ ትግርኛ, Tigrigna Bible, 1997 bible

ትንቢተ ሚልክያ 1

¹ጾር ቃል እግዚኣብሄር ንእስራኤል ብኢድ ሚልክያስ።

²ኣነ ኣፍቀርኩኹም፡ ይብል እግዚኣብሄር። ንስኻትኩም ግና፡ ብምንታይ ኢኻ ዘፍቀርካና፡ ትብሉ አሎኹም። እግዚኣብሄር ከምዝ ይብል ኤሳውሲ ሓው ያእቆብዶ ኣይክነን፡ ምስናይ እዝውን ንያእቆብ ኣፍቀርክዎ።

³ንኤሳው ግና ጸላእክዎ ነራኑ ኣባደምክዎ፡ ርስቱውን ንወኻሩ ምድረበዳ ህብክዎ።

⁴ኤዶም ድማ፡ ፍረስና፡ ግናአ ነቲ ዝፈረሰ ተመሊስና ኽንሰርሖ ኢና፡ እንተ በለ፡ እግዚኣብህር ጐይታ ሰራዊት ይብል፡ ንሳቶምሲ ኺሰርሑ እዮም፡ ኣነ ግና ከፍርስ እየ። ዶብ ረሲእነትን እግዚኣብሄር ንሓዋሩ እተቖጥዕ ህዝብን፡ ኢሎም ኪሰምይዎም እዮም።

⁵ኣዒንትኹም ድማ ኪርእያ እየን እሞ፡ እግዚኣብሄር ክንየው ዶብ እስራኤል ይዕበ፡ ክትብሉ ኢኹም።

⁶ንስኻትኩም ስመይ እትንዕቁ እሞ፡ ብምንታይ ንስምካ ነዐቕናዮ፡ እትብሉ ኻህናት፡ እግዚኣብሄር ጐይታ ሰራዊት ከምዚ ይብለኩም አሎ፡ ውሉድ ንወላዲኡ፡ ባርያ ኸአ ንጐይታኡ የብር። እምበኣርሲ ኣቦ እንተ ደአ ኾይነ፡ ክብረተይ ኣበይ አሎ፡ ጐይታ እንተ ኾይነስ፡ ምፍርሄይ ኣበይ አሎ፡

⁷ኣብ መሰውእየይ ርኹስ እንጌራ ኣቕርብኩምሲ፡ ብምንታይ ኣርከስናካ፡ ትብሉ። መኣዲ እግዚኣብሄር ሕሱር እዩ ብምባልኩም እዩ።

⁸ንመስዋእቲ ኸአ ዕውር እንተ ኣቕረብኩም፡ ክፉእዶ ኣይኮነን፡ ሓንካስ ወይስ ሕሙም እንተ ኣቕረብኩምሲ ክፉእዶኣ ይኮነን፡ እስኪ እዚ ምስለኒኻ ኣቕርበሉ፡ ይሕጎሰልካዶ እዩ፡ ወይስ ኣብኡዶ ሞጎስ ትረክብ ኢኻ፡ ይብል እግዚኣብሄር ጐይታ ሰራዊት።

⁹እምበኣርሲ ሕጂ ኢድኩም እዩ፡ እሞኸ ገለ ኻባኻትኩምዶ ሞጎስ ክረክ እዩ፡ ይብል እግዚኣብሄር ጐይታ ሰራዊት።

¹⁰ኣብ መሰውእየይ ብኸንቱ ሓዊ ኸይተንድዱስ፡ ደጌታት ዚዐጹ ኾታ ኻባኻትኩም ሓደ እንተ ዝህሉ። ኣነ ኣይሕጎሰልኩምን፡ ካብ ኢድኩምውን ገለ መስዋእቲ ኣይቅበልን እየ፡ ይብል እግዚኣብሄር ጐይታ ሰራዊት።

¹¹ስመይ ኣብ ማእከል ኣህዛብ ዓብይ ስለዝኾነ፡ ስመይ ካብ ምብራቕ ጸሓይ ክሳዕ ምዕራብ ኣብ ኣህዛብ ዓብዩ እዩ እሞ፡ ኣብ ኩሉ ቦታ ንስመይ ዕጣን ይዐጥኑ ንጹህ መስዋእቲ ድማ የቕርቡ፡ ይብል እግዝዚብሄር ግይታ ሰራዊት።

¹²ንስኻትኩም ግና መኣዲ እግዚኣብሄር ረኺሱ፡ ረባኡ እቲ ምግቡ ሕሱር እዩ፡ ብምብላክም ተርክስው አሎኹም።

¹³ንስኻትኩምውን፡ ኣየ ኽንደይ ድኻምን ትብሉ፡ ኡፍ ድማ ትብሉሉ፡ ይብል እግዚኣብሄር ጐይታ ሰራዊት። ተዘምተን ሓንካስን ሕሙምን ተምጽኡ፡ ከምኡ ጌርኩም መስዋእቲ ተቕርቡ። እሞኸ ነዚዶ ኻብ ኢድኩም ክቕበሎ እየ፡ ይብል እግዚኣብሄር።

¹⁴ኣነ ዓብዩ ንጉስ እየ ስመይ ድማ ኣብ ኣህዛብ እተፈርሄ እዩ እሞ፡ እቲ ኣብ መጓሰኡ ተባዕታይ ዘለዎ፡ ተምባጺዑ ኸአ ንእግዚኣብሄር ጎደሎ ዚስውኣሉ ጠባርስ ርጉም ይኹን፡ ይብል እግዚኣብሄር ጐይታ ሰራዊት።