Read መ/ቅዱስ ትግርኛ, Tigrigna Bible, 1997 ትንቢተ ሚልክያ 2 Bible Online

ትንቢተ ሚልክያ 2 - መ/ቅዱስ ትግርኛ, Tigrigna Bible, 1997 bible

ትንቢተ ሚልክያ 2

¹ኣቱም ካህናት፡ ሕጂውን እዛ ትእዛዝ እዚኣ ንኣኻትኩም እያ።

²ምስማዕ እንተ ኣቤኹም፡ ብልብኹም ንስምይ ከተኽብሩ እንተ ዘይደሌኹም፡ መርገም ክሰደልኩም፡ ንበረኸትኩምውን ክረግሞ እየ። ብልብኹም ኣይደሌኹምን ኢኹም እሞ፡ ኤረ ድሮ እኳ ረጊመዮም፡ ይብል እግዚኣብሄር ጐይታ ሰራዊት።

³እንሆ ንዘርእኹም ክገንሖ እየ፡ ኣብ ገጽኩም ዒባ ነቲ ዒባ በዓላትኩም ክብትነልኩም እየ፡ ምስኡውን ኬውጽኡኹም እዮም።

⁴ቃል ኪዳነይ ምስ ሌዊ ኪኸውንሲ፡ እዚ ትእዛዝ እዚ ኣነ ኸም ዝሰደድኩልኩም ክትፈልጡ ኢኹም፡ ይብል እግዚኣብሄር ጐይታ ሰራዊት።

⁵ቃል ኪዳነይ ምስኡ ህይወትን ሰላምን ነበረ፡ እዚ ኽፈርህ ኢለ ሀብክዎ ንሱ ኸአ ፈርሃኒ፡ ኣብ ቅድሚ ስመይ ውን ኣንቀጥቀጠ።

⁶ንሱ ልኡኽ እግዚኣብሄር ጐይታ ሰራዊት ስለ ዝኾነ፡ ከናፍር ካህን ፍልጠት ይሕልው፡ ንሕጊ ድማ ካብ ኣፉ ይደልዮ እዮም እሞ፡ ሕጊ ሓቂ ኣብ ኣፉ ነበረ፡ ኣብ ከናፍሩ ኸአ በደል ኣይተረኽበን፡ ንሱ ድማ ብሰላምን ቅንዕናን ምሳይ ተመላለሰ ንብዙሓትውን ካብ ኣበሳ መለሰ።

⁷ንሱ ልኡኽ እግዚኣብሄር ጐይታ ሰራዊት ስለ ዝኾነ፡ ከናፍር ካህን ፍልጠት ይሕልው፡ ንሕጊ ድማ ካብ ኣፉ ይደልዮ እዮም እሞ፡ ሕጊ ሓቂ ኣብ ኣፉ ነበረ፡ ኣብ ከናፍሩ ኸአ በደል ኣይተረኽበን፡ ንሱ ድማ ብሰላምን ቅንዕናን ምሳይ ተመላለሰ ንብዙሓትውን ካብ ኣበሳ መለሰ።

⁸ንስኻትኩም ግና ካብ መገዲ ኣግለስኩም፡ ንብዙሓት ብሕጊ ኣዐንቀፍኩም፡ ነቲ ቓል ኪዳን ሌዊ ኣፍረስኩም፡ ይብል እግዚኣብሄር ጐይታ ሰራዊት።

⁹ስለዚ ኣነውን ከምቲ ንስኻትኩም መገደይ ዘይሐሎኹም፡ ብሕጊ ኸአ ገጽ ሰብ ዘድሎኹም፡ ኣብ ቅድሚ ኹሉ ህዝቢ ንዑቓት ሕሱራትን ገብርኩኹም።

¹⁰ንኹላትናዶ ሓደ ኣቦ ኣይኮነን ዘሎና፡ ሓደ ኣምላኽዶ ኣይኮነን ዝፈጠረና። ስለምንታይ ደአ ኪዳን ኣቦታትና እናርከስና ንሓድሕድና ንጣላለም፡

¹¹ይሁዳ ነቲ ዘፍቀሮ ናይ እግዚኣብሄር ቅዱስ ነገር ኣርኪስዎ፡ ጓል ጓና ኣምላኽ ከአ ተመርዕዩ እዩ እሞ፡ ይሁዳ ጠለመ፡ ኣብ እስራኤል ኣብ ዮርሳሌምን ድማ ጽያፍ ተገብረ።

¹²እግዚኣብሄር ነቲ ኸምዚ ዚገብር ሰብ፡ ነቲ ዚነቅሕን ምላሽ ዚህብን፡ ነቲ ንእግዚኣብሄር ጐይታ ሰራዊት መስዋእቲ ዜቕርብን ካብ ድንኳናት ያእቆብ ኬጥፍኦም እዩ።

¹³ካልእ ድማ እዚ ገበርኩም፡ ንመሰውኢ እግዚኣብሄር ብንብዓትን ብብኽያትን ብዋይዋይታን ከደንክምዎ እሞ፡ ደጊም ንሱ ነቲ መስዋእቲ ኣይጥምቆን፡ ካብ ኢድኩምውን ባህ ኢልዎ ኣይቅበሎን።

¹⁴ስለምንታይ እዩ፡ ከኣ ትብሉ ኣሎኹም። እግዚኣብሄር ኣብ መንጎኻን ኣብ መንጎ እታ ብጸይትኻን ብዓልቲ ቓል ኪድናካን ክነሳ ዝጠለምካያ ሰበይቲ ንእስነትካን ምስክር ስለ ዝኾነ እዩ።

¹⁵ሓደዶ ኣይኮነን ነዚ ዝገበረ፡ ንሱውን ዕዙዝ መንፈስ ነበሮ። እቲ ሓድሽ ስለምንታይ እዩ ነዚ ዝገበሮ፡ ዘርኢ ኣምላኽ ስለ ዝደለየ እዩ። እምበኣርሲ መንፈስኩም ሐልው፡ ነታ ሰበይቲ ንእስነቱ ኸአ ሓደ እኳ ኣይጥለም።

¹⁶ምፍታሕን ንኽዳኑ ብዓመጽ ዚኸድኖን እጸልእ አሎኹ፡ ይብል እግዚኣብሄር ኣምላኽ እስራኤል። ስለዚ ኸይትጠልሙ መንፈስኩም ሐልው፡ ይብል እግዚኣብሄር ጐይታ ሰራዊት።

¹⁷ንእግዚኣብሄር ብቓላትኩም ኣድክምኩምዎ። ብምንታይ እሞ ኢና ዘድከምናዮ፡ ድማ ትብሉ። ንስኻትኩም፡ ክፉእ ዚገብር ዘበለ ኣብ ቅድሚ ዓይኒ እግዚኣብሄር ሰናይ እዩ፡ ንሱ ብእኦም ባህ ይብሎ፡ ወይስ ኣምላኽ ፍርዲ ኣበይ አሎ፡ ብምባልኩም እዩ።