Read መ/ቅዱስ ትግርኛ, Tigrigna Bible, 1997 ትንቢተ ሚልክያ 3 Bible Online

ትንቢተ ሚልክያ 3 - መ/ቅዱስ ትግርኛ, Tigrigna Bible, 1997 bible

ትንቢተ ሚልክያ 3

¹እንሆ፡ ኣነ ልኡኽ እልእኽ ኣሎኹ፡ ንሱ ቐቅድመይ መገዲ ኽጸርግ እዩ። ብኡብኡ ኸአ እቲ እትደልይዎ ጐይታ ናብ መቕደሱ ኺመጽእ እዩ፡ እቲ እትናፍቕዎ መልኣኽ ቓል ኪዳን እንሆ፡ ይመጽእ አሎ፡ ይብል እግዚብሄር ጐይታ ሰራዊት።

²ግናኸ ንሱ ኸም ናይ ኮላዒ ሓውን ከም ናይ ሓጻቢ ሳሙናን እዩ እሞ፡ ነታ መዓልቲ ምምጻኡ መን ይጽመማ፡ ንሱ ኸአ ነቲ ብሩር ኪኾልዕን ኬጽርን ኪቕመጥ እዩ። ንደቂ ሌዊ ኼጽርዮም፡ ከም ወርቅን ብሩርን ከአ ኪኹልዖም እዩ፡ ንሳቶምውን ንእግዚኣብሄር መስዋእቲ ብጽድቂ ኺስውኡሉ እዮም።

³ሽዑ መስዋእቲ ይሁዳን ዮርሳሌምን፡ ከምቲ በተን መዓልትታት ጥንትን፡ ከምቲ በተን ናይ ቀደም ዓመታትን ዝኾነ፡ ንእግዚኣብሄር ባህ ኬብሎ እዩ።

⁴ሽዑ መስዋእቲ ይሁዳን ዮርሳሌምን፡ ከምቲ በተን መዓልትታት ጥንትን፡ ከምቲ በተን ናይ ቀደም ዓመታትን ዝኾነ፡ ንእግዚኣብሄር ባህ ኬብሎ እዩ።

⁵ኣነ ንፍርዲ ክቕርበኩም እየ፡ ኣነ ኣንጻር ኣስማተኛትን ዘመውትን ኣንጻር እቶም ብሓሶት ዚምሕሉን ነቲ ብዓል ዓስቢ ዓስቡ ዚዕምጽዎን ንመበለትን ዘኽታምን ዚገፍዕዎም ንስደተኛ መሰሉ ዚጠውዩሉን ንኣይ ከአ ዘይፈርሁን ቅልጡፍ ምስክር ክኾኖም እየ፡ ይብል እግዚኣብሄር ኣይልወጥን እየ እሞ፡ ኣቱም ደቂ ያእቆብ፡ ስለዚ ኣይጠፋእኩምን።

⁶ካብ ዘመን ኣቦታትኩም ጀሚርኩም ካብ ስርዓተይ ኣግለስኩም ኣይሐሎኹምዎን ከአ። ናባይ ተመለሱ፡ ኣነውን ናባኻትኩም ክምለስ እየ፡ ይብል እግዚኣብሄር ጐይታ ሰራዊት። ንስኻትኩም ግና፡ ብምንታይ እሞ ኢና ንምለስ፡ በልኩም።

⁷ካብ ዘመን ኣቦታትኩም ጀሚርኩም ካብ ስርዓተይ ኣግለስኩም ኣይሐሎኹምዎን ከአ። ናባይ ተመለሱ፡ ኣነውን ናባኻትኩም ክምለስ እየ፡ ይብል እግዚኣብሄር ጐይታ ሰራዊት። ንስኻትኩም ግና፡ ብምንታይ እሞ ኢና ንምለስ፡ በልኩም።

⁸ሰብዶ ንኣምላኽ ኪሰርቆ ይኹነሉ እዩ፡ ንስኻትኩም ግና ሰረቕኩምኒ። ብምንታይ እሞ ኢና ዝሰረቕናካ፡ ከአ ትብሉ። ብዕሽርን ብመባእን ኢኹም።

⁹ንስኻትኩም፡ ህዝቢ ብምሉኣትኩም ሰሪቕኩምኒ ኢኹም እሞ፡ ብመርገም ተረገምኩም።

¹⁰ኣብ ቤተይ ምግቢ ኪኸውንሲ፡ ዕሽር ዘበለ ኹሉ ናብ ቤት መዝገብ ኣምጽእዎ፡ ሽዑ መሳኹቲ ሰማይ እንተ ዘይከፊተልኩም፡ በረኸት ድማ ብዘይ ልክዕ እንተ ዘየፍሲሰልኩም፡ በዚ ተዐዘቡኒ፡ ይብል እግዚኣብሄር ጐይታ ሰራዊት።

¹¹ስሌኹም ኢለ ነቲ ወሓጢ ኽገንሖ እየ፡ ንሱ ኸአ ንፍረ ምድርኹም ኣይኬጥፍኦን እዩ፡ እቲ ተኽሊ ወይንኹም ኣብ ግራት ኣይኬቐልዕን ኣዩ፡ ይብል እግዚኣብሄር ጐይታ ሰራኢውት።

¹²ምስሪ ሓጎስ ክትኮኑ ኢኹም እሞ፡ ኩሎም ኣህዛብ ብጹኣን ኪብሉኹም እቶም፡ ይብል እግዚኣብሄር ጐይታ ሰራዊት።

¹³ቃላትኩም በርትዓኒ፡ ይብል እግዚኣብሄር። ንስኻትኩም ግና፡ ኣንጻርካ እሞ እንታይ ተዛሪብና፡ ትብሉ አሎኹም።

¹⁴ንስኻትኩምውን፡ ንኣምላኽ ምግልጋል ከንቱ እዩ፡ ስርዓትቱ ዝሐሎና ኣብ ቅድሚ እግዚኣብሄር ጐይታ ሰራዊት ድማ ክሊ ተኸዲንና እተመላለስናስ እንታይ ረባሕና በልኩም።

¹⁵እምበኣርሲ ነቶም ዕቡያት ብጹኣን እዮም ንብሎም አሎና፡ እወ፡ እቶም ገበርቲ ረሲእነት ይህነጹ፡ እወ፡ ንኣምላኽ ፈተንዎ ኣምለጡ ኸአ።

¹⁶ሽዑ እቶም ንእግዚኣብሄር ዚፈርሁ ንሓድሕዶም ተዛራረቡ፡ እግዚኣብሄር ከአ ጽን በለ ሰምዔውን። ነቶም ንእግዚኣብሄር ዚፈርሁን ንስሙ ኸአ ዚሐስቡን ዚኸውን መጽሓፍ መዘከርታ ኣብ ቅድሚኡ ተጻሕፈ።

¹⁷በታ ኣነ ዝገብረላ መዓልቲ ንሳቶም ገንዘበይ ኪኾኑኒ እዮም። ኣነ ኸአ፡ ከምቲ ወላዲ ነቲ ዜገልግሎ ውሉዱ ዚንሕፎ፡ ክንሕፎም እየ።

¹⁸ንስኻትኩም ድማ ከም ብሕድሽ ነቲ ኣብ መንጎ ጻድቕን ረሲእን፡ ኣብ መንጎ እቲ ንኣምላኽ ዚግዝኦን ዘይግዝኦን ዘሎ ምፍልላይ ክትርእዩ ኢኹም።