Read መ/ቅዱስ ትግርኛ, Tigrigna Bible, 1997 ኦሪት ዘዳግም 11 Bible Online

ኦሪት ዘዳግም 11 - መ/ቅዱስ ትግርኛ, Tigrigna Bible, 1997 bible

ኦሪት ዘዳግም 11

¹ደጊም ንእግዚኣብሄር ኣምላኽካ ኣፍቅሮ፡ እቲ ሓልዎ ዝበለካ ሓጋግቱን ፍርድታቱን ትእዛዛቱን ወርትግ ሐሉ።

²ነቶም መግናሕቲ እግዚኣብሄር ኣምላኽኩም ዘይፈለጡን ዘይረአዩን ደቅኹም ኣይኮንኩን ዝዛረብ ዘሎኹ ኣሞ፡ ነቲ ዕቤቱን ሓያል ኢዱን ዝርግሕቲ ቕልጽሙን ሎሚ ፍለጡ።

³እቲ ኣብ ማእከል ግብጺ ኣብ ፈርኦን ንጉስ ግብጽን ኣብ ብዘላ ሃገሩን ዝገብሮ ትእምርትታቱን ግብርታቱን፡

⁴ኣብ ሰራዊት ግግብጽን ኣብ ኣፍራሶምን ሰረገላታቶምን ዝገበሮ ድማ፡ እቲ ኽሰጉኹም ከለው፡ እቲ ማይ ባሕሪ ኤርትራ ናብ ልዕሊኦም ከም ዝደፈኖም፡ ክሳዕ ሎም ድማ ከም ዘጥፍኦም፡

⁵ንኣኻትኩም ከአ ናብዛ ቦታ እዚኣ ኽሳዕ እትበጽሑ፡ እቲ ኣብ በረኻ ዝገበሮ፡

⁶ኣብ ዳታንን ኣቢራምን ደቂ ኤልያብ ወዲ ሮቤል ዝገበሮ ድማ ምስ ድስራ ቤቶምን ድንኳናቶምን ምስ ኩሉ ዚስዕቦም ዝነበረ ህያውን፡ ኣብ ማእከል ኩሉ እስራኣኤል እታ ምድሪ ኣፋ ኸፊታ ኸም ዝወሓጠቶም፡ ሎሚ ፍለጡ።

⁷ከመይሲ እቲ እግዚኣብሄር ዝገበሮ ኹሉ ዓበይቲ ግብርታት በዒንትኹም ርኢኹም።

⁸ስለዚ ምእንቲ ኽትሕይሉን ናብታ ኽትርስትይዋ እትሳገርዋ ዘሎኹም ምድሪ ኽትአትውዋን፡ ኣብታ ጸባን መዓርን እተውሕዝ ምድሪ፡ እታ እግዚኣብሄር ነቦታትኩምን ንዘርኦምን ኪህቦም ዝመሓለሎም ምድሪ መዓልታትኩም ኪነውሕ፡ እዚ ኣነ ሎሚ ዝአዝዘኩም ዘሎኹ ኹሉ ትእዛዝ ሓልው።

⁹ስለዚ ምእንቲ ኽትሕይሉን ናብታ ኽትርስትይዋ እትሳገርዋ ዘሎኹም ምድሪ ኽትአትውዋን፡ ኣብታ ጸባን መዓርን እተውሕዝ ምድሪ፡ እታ እግዚኣብሄር ነቦታትኩምን ንዘርኦምን ኪህቦም ዝመሓለሎም ምድሪ መዓልታትኩም ኪነውሕ፡ እዚ ኣነ ሎሚ ዝአዝዘኩም ዘሎኹ ኹሉ ትእዛዝ ሓልው።

¹⁰እታ ኽትወርሳ እትኣትዋ ምድሪ ኸምታ ኻብኣ ዝወጻእኩምላ ምድሪ ግብጺ ነቲ ኣብኣ ዝዘራእካዮ ኣይኮነትን።

¹¹እታ ኽትወርስዋ እትሳገርዋ ዘሎኹም ምስሪ ኣኽራንን ለሴታትን እያ፡

¹²ንሳስ እግዚኣብሄር ኣምላኽካ ዚከናኸና ሃገር፡ ካብ መጀመርታ ዓመት ክሳዕ መወዳእታ ዓመት ከአ ኣዒንቲ እግዚኣብሄር ኣምላኽካ ወርትግ ኣብአ እየን።

¹³ኪኸውን ድማ እዩ፡ ንእግዚኣብሄር ኣምላኽኹም ከተፍቅርዎ፡ ብኹሉ ልብኹምን ብኹሉ ነፍስኹምን ድማ ከተገልግልዎ፡ ነዚ ኣነ ኦሚ ዝእዝዘኩም ዘሎኹ ትእዛዛት ኣጸቢቕኩም እንተ ትስምዕዎ፡

¹⁴ስርናይካን ወይንኻን ዘይትኻን ምእንቲ ኽትእክብ፡ ዝናም ምድርኹም በብጊዚኡ ዝናም ጽድያን ጽብሓትን ክህበኩም እየ።

¹⁵ኣብ ግራሁኻ ድማ ንማልካ ሳዕሪ ኽህበን እየ፡ ክትበልዕን ክትጸግብን ኢኻ።

¹⁶ሽዑ ልብኹም ከይስሕት፡ ኣግሊስኩም ድማ ንኻልኦት ኣማልኽቲ ኸተምልኹን ከይትሰግዱሎምን፡ ኩራ እግዚኣብሄር ከአ ኣባኻትኩም ድማ ካባታ እግዚኣብሄር ዚህበኩም ጽብቕቲ ምድሪ ቐልጢፍኩም ከይትጠፍኡስ፡ ንርእስኹም ተጠንቀቑ።

¹⁷ሽዑ ልብኹም ከይስሕት፡ ኣግሊስኩም ድማ ንኻልኦት ኣማልኽቲ ኸተምልኹን ከይትሰግዱሎምን፡ ኩራ እግዚኣብሄር ከአ ኣባኻትኩም ድማ ካባታ እግዚኣብሄር ዚህበኩም ጽብቕቲ ምድሪ ቐልጢፍኩም ከይትጠፍኡስ፡ ንርእስኹም ተጠንቀቑ።

¹⁸እምበአር ነዚ ቓላተይ እዚ ኣብ ልብኹምን ኣብ ነፍስኹምን ኣንብርዎ፡ ንምልክት ከአ ኣብ ኣእዳውኩም እሰርዎ፡ ኣብ መንጎ ኣዒንትኹም ድማ ክታብ ይኹን።

¹⁹ኣብ ቤትካ ኾፍ ምስ በልካን ኣብ መገሲ ኽትከይድ ከሎኻን ኣብ በጥ ምባልካን፡ ኣብ ምትንሳእካን ብእኡ እናተዛረብኩም፡ ንደቅኹም ምሀርዎም።

²⁰ኣብ ልዳት ቤትካን ኣብ ማዕጾኻን ከአ ጽሐፎ።

²¹እዚ ድማ ኣብታ እግዚኣብሄር ነቦታትኩም ኪህቦም ዝመሓለሎም ምድሪ መዓልትታትኩምን መዓልቲኣት ደቅኹምን ከም መዓልትታት ሰማይ ኣብ ልዕሊ ምድሪ ምእንቲ ኽበዝሓ እዩ።

²²እዚ ኣነ ዝእዝዘኩም ዘሎኹ ኹሉ ትእዛዛት ኽትገብርዎ፡ ንእግዚኣብሄር ኣምላኽኩም ከአ ከተፍቅሩ፡ ብኹለን መገድታቱ ኽትከዱን ናብኡ ኸኣአ ክትለግቡን፡ ተጠንቂቕኩም እንተ ሓሎኽምዎ፡

²³ሽዑ ኣግዚኣብሄር ነዞም ህዝብታት እዚኣቶም ኩሎም ካብ ቅድሜኹሞ ኪሰጎም እዩ፡ ንስኻትኩምውና ካባኻትኩም ንዚዐብዩን ንዚሕይሉን ህዝብታት ክትወርሱ ኢኹም።

²⁴እግርኹም ዝረገጻ ዝበለት ቦታ ናትኩም ክትከውን እያ፡ ዶብኩም ካብ በረኻ ኽሳዕ ሊባኖስ ካብቲ ርባ፡ ርባ ኤፍራጥስ፡ ክሳዕ ባሕሪ ምዕራብ ኪኸውን እዩ።

²⁵ከምቲ እግዚኣብሄር ኣምላኽኩም ዝበለኩም፡ ናብ እትኸድዋ ዘበለት ምድሪ ፍርሃትኩምን ስምባድኩምን ኪሰድድ እዩ እሞ፡ ሓደ ሰብ እኳ ኣብ ቅድሜኹም ደው ዚብል የልቦን።

²⁶እንሆ፡ ሎሚ ምርቓን መርገምን ኣብ ቅድሜኹም ኤንብር ኣሎኹ፡

²⁷እቲ ምርቓ እዚ ኣነ ሎሚ ዝእዝዘኩም ዘሎኹ ትእዛዛት እግዚኣብሄር ኣምላኽኩም እንተ ሰማዕኩም እዩ።

²⁸እቲ መርገም ድማ፡ ትእዛዛት እግዚኣብሄር ኣምላኽኩም እንተ ዘይሰማዕኩም፡ ካብዛ ኣነ ሎሚ ዝእዝዘኩም ዘሎኹ መገዲ እንተ ዘበልኩም፡ ደድሕሪ ዘይትፈልዎም ካልኦት ኣማልኽቲ ኸአ እንተ ሰዐብኩም እዩ።

²⁹ኪኸውን ድማ እዩ፡ እግዚኣብሄር ኣምላኽካ ናብታ ኽትወርሳ እትኸዳ ዘሎኻ ምድሪ ምስ ኣእተወካ፡ ነቲ ምርቓ ኣብ ከረን ጌሪዚም፡ ነቲ መርገም ከአ ኣብ ከረን ዔባል ዃንካ ንገር።

³⁰ንሱ ኣብ ስግር ዮርዳኖስ ብኽንየው እታ ብምዕራብ ጸሐይ ዘላ መገዲ፡ ኣብ ምድሪ እቶም ኣብ መንጽር ጊልጋል ዘሎ ጎልጎል፡ ኣብ ጥቓ ድዋታት ሞሬ ዚነብሩ ከነኣናውያንዶ ኣይኮነን፡

³¹ነታ እግዚኣብሄር ኣምላኽኩም ዚህበኩም ምድሪ ኽትወርሱ፡ ዮርዳኖስ ሰጊርኩም ክትአትውዋ ኢኹም እሞ፡ ክትወርስዋ ክትነብርዋን ኢኹም።

³²እዚ ኣነ ሎሚ ኣብ ቅድሜኹም ዘንብሮ ዘሎኹ ኹሉ ሕጋጋትን ፍርድታትን ክትገብርዎ ሓልው።