Read መ/ቅዱስ ትግርኛ, Tigrigna Bible, 1997 ኦሪት ዘዳግም 12 Bible Online

ኦሪት ዘዳግም 12 - መ/ቅዱስ ትግርኛ, Tigrigna Bible, 1997 bible

ኦሪት ዘዳግም 12

¹ኣብታ እግዚኣብሄር ኣምላኽ ኣቦታትካ ኽትወርሳ ዚህበካ ምድሪ ኣብ ልዕሊ ምድሪ ብህይወት እትነብሩለን ኩለን መዓልትታት ክትገብርዎ እትሕልውዎ ትእዛዛትን ፍርድታትን እዚ እዩ።

²እቶም እትወርስዎም ህዝብታት፡ ኣብ ነዋሕቲ ኣኽራንን ኣብ ኩርባታትን ኣብ ትሕቲ ኹሉ ልምሉም ኦምን ንኣማክቶምን ዜገልግሉለን ዝነበሩ ቦታታት ፈጺምኩም ኣጥፍእወን።

³መሰውኢታቶም ኣፍርሱ፡ ሐወልትታቶም ድማ ሰባብሩ፡ ጣኦታቶም ከአ ብሓዊ ኣንድዱ፡ እተወቕረ ምስሊ ኣማልኽቶምውን ኣውድቑ፡ ስሞም ድማ ካብቲ ቦታ እቲ ኣጥፍኡ።

⁴ንእግዚኣብሄር ኣምላኽኩም ከምኡ ኣይትግበሩ።

⁵ግናኸ ነታ እግዚኣብሄር ኣምላኽኩም ካብ ኩሎም ነገዳትኩም ስሙ ኼብረላ ዝሐረያ ቦታ፡ ነዛ ምሃደሩ ድለዩ፡ ናብኣውን ምጻእ።

⁶ዚሐርር መስዋእትኹምን መስዋእቲ ሕሩድኩምን ዕሽርኩምን ዚለዐል መስዋእትታት ኣእዳውኩምን ናይ መብጽዓኹምን መስዋእቲ ሕሩድኩምን ዕሽርኩምን ዚለዐል መስዋእትታት ኣእዳውኩምን ናይ መብጽዓኹምን ናይ ፍቓድ መባእኩምን በኹሪ ኣሓኹምን ኣባጊዕኩምን ናብኣ ኣምጽኡ።

⁷ኣብኣ ድማ ኣብ ቅድሚ እግዚኣብሄር ኣምላኽኩም ብልዑ፡ በቲ ኣእዳውኩም ዝዝርጋሕኩምሉ ዘበለ እግዚኣብሄር ኣምላኽኩም ዝባረኸልኩም ንስኻትኩምን ቤተ ሰብኩምን ተሓጎሱ።

⁸ክሳዕ ሕጂ ናብ ዕረፍትን ናብቲ እግዚኣብሄር ኣምላኽኩም ዚህበኩም ርስትን ኣይአቶኹምን እሞ፡ ከምዚ ሎሚ ኣብዚ እንገብሮ ዘሎና፡ ነፍሲ ወከፍ ከምቲ ቕኑዕ መሲሉ እተራእዩ፡ ኣይትግበሩ።

⁹ክሳዕ ሕጂ ናብ ዕረፍትን ናብቲ እግዚኣብሄር ኣምላኽኩም ዚህበኩም ርስትን ኣይአቶኹምን እሞ፡ ከምዚ ሎሚ ኣብዚ እንገብሮ ዘሎና፡ ነፍሲ ወከፍ ከምቲ ቕኑዕ መሲሉ እተራእዩ፡ ኣይትግበሩ።

¹⁰ዮርዳኖስ ተሳጊርኩም ኣብታ እግዚኣብሄር ኣምላኽኩም ንርስቲ ዚህበኩም ምድሪ ምስ ተቐመጥኩም ግና ምእንቲ ብህድአት ክትነብሩ፡ ካብቶም ኣብ ዙርያኹም ዘለው ጸላእትኹም ምስ ኣዕረፈኩም፡

¹¹ሽዑ ድማ ኪኸውን እዩ፡ ናብታ እግዚኣብሄር ኣምላኽኩም ንማሕደር ስሙ ዝሐረያ ቦታ፡ እዚ ኹሉ ኣነ ዝእዝዘኩም ዘሎኹ ናብኣ ኣምጽኡ፡ ዚሐርር መስዋእትኹምን መስዋእቲ ሕሩድኩምን ዕሽርኩምን ዚለዐል መስዋእትታት እዳውኩምን፡ እቲ ንእግዚኣብሄር እተማባጻዕኩምዎ ሕሩይ መብጽዓኹምውን።

¹²ንስኻትኩምን ኣወዳትኩምን ኣዋልድኩምን፡ ተባዕትዮ ግዙኣትኩምን ኣንስትዮ ግዙኣትኩምን ኣብ ውሽጢ ደጌታትኩም ዘሎ ሌዋዊ ኸአ፡ ንሱ ምሳኻትኩም ክፍልን ርስትን የብሉን እሞ፡ ኣብ ቅድሚ እግዚኣብሄር ኣምላኽኩም ተሐጎሱ።

¹³ዚሐርር መስዋእትኻ ኣብ ኩሉ ዝርኤኻዮ ቦታ ኸይተዕርግ፡ ንርእስኻ ተጠንቀቕ።

¹⁴ኣብቲ እግዚኣብሄር ኣብ ሓደ ኻብ ነገዳትካ ዝሐረያ ቦታ ደአ፡ ኣብኣ ዚሐርር መስዋእትኻ ኣዕርግ፡ እዚ ኣነ ዝእዝዘካ ዘሎኹ ኹሉ ኸኣ ኣብኣ ግበሮ።

¹⁵ከምቲ እግዚኣብሄር ኣምላኽካ ዝህበካ በረኸት ከም ድሌት ነፍስኻ ኣብ ኩለን ደጌታትካ ሐሪድካ፡ ስጋ ብላዕ፡ ከም ሰስሓን ከም እራብን፡ ዘይንጹህን ንጹህን ይብልዓዮ።

¹⁶ደም ግና ኸም ማይ ናብ ምድሪ ኣፍስሶ እምበር፡ ኣይትብልዑ።

¹⁷ዕሽር ስርናይካን ወይንኻን ዘይትኻን በኹሪ ኣሓኻን ኣባጊዕካን እተማባጻዕካዮ መብጽዓኻን ናይ ፍቓድ ህያብካን ዚለዐል መስዋእቲ ኢድካን ኣብ ውሽጢ ደጌታትካ ኸይትበልዖ ተጠንቀቕ።

¹⁸ንስኻ ወድኻን ጓልካን ግዙእካን ግዝእትኻን ኣብ ውሽጢ ደጊታትካ ዚነብር ሌዋውን ኣብታ እግዚኣብሄር ኣምላኽካ ዝሐረያ ቦታ፡ ኣብ ቅድሚ እግዚኣብሄር ኣምላኽካ ደአ ብልዓዮ። በቲ ኢድካ ዝዝርጋሕካሉ ዘበለ፡ ኣብ ቅድሚ እግዚኣብሄር ኣምላኽካ ተሐጎስ።

¹⁹ኣብ ልዕሊ ምድሪ እትነብረሉ ኹሉ ዘበንካ ንሌዋዊ ኸይትሓድጎ ንርእስኻ ተጠንቀቕ።

²⁰እግዚኣብሄር ኣምላኽካ፡ ከምቲ ዝበለካ፡ ዶባትካ ምስ ኣግፍሔ፡ ነፍስኻውን ስጋ ኽትበልዕ ስለ ዝበሀገት፡ ስጋ ደአ ኽበልዕ፡ እንተ በልካ፡ ከም ኩሉ ባህጊ ነፍስኻ ጌርካ ስጋ ብላዕ።

²¹እታ እግዚኣብሄር ኣምላኽካ ስሙ ኼንብረላ ዝሐረያ ቦታ እንተ ረሓቐትካ፡ ካብቲ እግዚኣብሄር ዚህበካ፡ ካብ ኣሓኻን ካብ ኣባጊዕካን ሐሪድካ፡ ከምቲ ዝአዘዘኩኻ ኣብ ውሽጢ ደጌታትካ ኸም ኩሉ ባህጊ ነፍስኻ ብላዕ።

²²ሰስሓን እራብን ከም ዚብልዓ ብልዓዮ፡ ርኹስን ንጹህን ከም ሓደ ይብልዕዎ።

²³ደም ከይትበልዕ ጥራይ ጽናዕ፡ እቲ ደም ነፍሲ እዩ እሞ፡ ነፍሲ ምስ ስጋ ኣይትብላዕ።

²⁴ከም ማይ ደአ ናብ ምድሪ ኣፍስሶ እምበር፡ ኣይትብልዓዮ።

²⁵ኣብ ዓይኒ እግዚኣብሄር ቅኑዕ ምስ ገበርካ፡ ንኣኻ ብድሕሬኻ ኸአ ንደቅኻ፡ ምእንቲ ኺጽብቐልካ፡ ኣይትብልዓዮ።

²⁶ሓንትስ እቲ ዘሎካ ቅዱስ ነገርን መብጽዓኻን ሒዝካ ነቲ ዚሐርር መስዋእትኻ፡ ስጋኡን ደሙን፡ ኣብ መሰውኢ እግዚኣብሄር ኣምላኽካ ሰውኣዮ፡ እቲ ደም መስዋእቲ ሕሩድካ ድማ ኣብ መሰውኢ እግዚኣብሄር ኣምላኽካ ይፍሰስ፡ ነቲ ስጋ ኸአ ብልዓዮ።

²⁷ኣብ ዓይኒ እግዚኣብሄር ኣምላኽካ ጽቡቕን ቅኑዕን ምስ ገበርካ፡ ንኣኻ ብድሕሬኻ ድማ ንደቅኻ፡ ንዘለኣለም ምእንቲ ኼጽብቐልካ፡ እዚ ኣነ ዝእዝዘካ ዘሎኹ ኹሉ ነገር ሓልዎን ስምዓዮን።

²⁸ኣብ ዓይኒ እግዚኣብሄር ኣምላኽካ ጽቡቕን ቅኑዕን ምስ ገበርካ፡ ንኣኻ ብድሕሬኻ ድማ ንደቅኻ፡ ንዘለኣለም ምእንቲ ኼጽብቐልካ፡ እዚ ኣነ ዝእዝዘካ ዘሎኹ ኹሉ ነገር ሓልዎን ስምዓዮን።

²⁹ነዞም ክትወርሶም እትኸዶም ዘሎኻ ህዝብታት እግዚኣብሄር ኣምላኽካ ኻብ ቅድሜኻ ምስ ኣጥፍኦም፡ ንስኻ ኸአ ንኣታቶም ወሪስካ ኣብ ምድሮም ምስ ተቐመጥካ፡

³⁰ካብ ቅድሜኻ ምስ ጠፍኡ፡ ደድሕሪኦም ብምስዓብካ ኸይትሕንኮል፡ ብዛዕባ ኣማልኽቶም ከአ፡ እዞም ህዝብታት እዚኣቶም ከምይ ገይሮም ኣማልኽቶም የገልግሉ ነበሩ፡ ኣነ ድማ ከምኡ ኽገብር፡ ኢልካ ኸይትሕትት ተጠንቀቕ።

³¹ንኣማልኽቶም እቲ እግዚኣብሄር ዚጸልኦ ዘበለ ኹሉ ፍንፋን ነገር ይገብሩሎም ነበሩ፡ ንኣማልኽቶምሲ ኣወዳቶምን ኣዋልዶምን እኳ ብሓዊ የንድዶሎም ነይሮም እዮም እሞ፡ ንእግዚኣብሄር ኣምላኽካ ኸምኡ ኣይትግበረሉ።

³²እዚ ዝእዝዘኩም ዘሎኹ ኹሉ ነገር ክትግበርዎ ተጠንቀቑ። ኣብ ልዕሊኡ ገለ ኣይትወስኹ፡ ካብኡ ኽአ ገለ ኣይትተንክዮ።