Read መ/ቅዱስ ትግርኛ, Tigrigna Bible, 1997 ኦሪት ዘዳግም 13 Bible Online

ኦሪት ዘዳግም 13 - መ/ቅዱስ ትግርኛ, Tigrigna Bible, 1997 bible

ኦሪት ዘዳግም 13

¹ኣብ ማእከልካ ነብዩ ወይ ሓላም ሕልምታት እንተ ተንስኤ እሞ ምልክት ወይስ ተኣምራት እንተ ሀበካ፡

²እቲ ምልክት ወይ ተኣምራት ከአ ከምቲ ዝበለካ እንተ ኾነ፡ ደድሕሪ ዘይትፈልጦም ካልኦት ኣማልኽቲ ንኺድ እሞ ነገልግሎም፡ እንተ በለካ፡

³ንእግዚኣብሄር ኣምላኽኩም ብኹሉ ልብኹምን ብኹሉ ነፍስኹምን እተፍቅርዎ እንተ ኾንኩም ምእንቲ ኽፈልጥ፡ እግዚኣብሄር ኣምላኽኩም ኪፍትነኩም እዩ እሞ፡ ነቲ ነብዩ እቲ ወይ ነቲ ሓላም ሕልምታት እቲ ቓሉ ኣይትስማዕ።

⁴ደድሕሪ እግዚኣብሄር ኣምላኽኩም ስዐቡ፡ ንእኡ ድማ ፍርሁ፡ ትእዛዛቱውን ሓልው፡ ቃሉ ድማ ስምዑ፡ ንእኡ ኸአ ኣገልግሉ ምስኡውን ልገቡ።

⁵ካብታ እግዚኣብሄር ኣምላኽካ ኽትከዳ ዝአዘዘካ መገዲ ኼግልሰካ፡ ካብቲ ኻብ ምድሪ ግብጺ ዘውጻኣኩም፡ ካብ ቢት ባርነት ድማ ዘድሐነኩም እግዚኣብሄር ኣምላኽኩም ኬዕልወኩም ተዛሪቡ እዩ እሞ፡ እቲ ነብዩ እቲ ወይ እቲ ሓላም ሕልምታት እቲ ይሙት። በዚ ኸምዚ ነቲ ኽፉእ ካብ ማእከልካ ኣርሕቆ።

⁶ሓውካ፡ ወዲ እኖኻ፡ ወይ ወድኻ ወይ ጓልካ ወይ ኣብ ሕቑፍኻ ዘላ ሰበይትኻ ወይ ከም ነፍስኻ ዝኾነ ፈታዊኻ፡ ንኺድ ንኻልኦት ኣማልኽቲ ነምልኽ፡ ኢሉ ብሕቡእ እንተ ሓበለካ፡ ንስኻ ኾነ ኣቦታትካ ዘይትፈልጥዎም፡

⁷ካብ ኣማልኽቲ እቶም ካብ ወሰን ክሳዕ ወሰን ምድሪ፡ ኣብ ጥቓኻ ኾነ ወይ ኣብ ርሑቕካ፡ ኣብ ዙርያኹም ዘለው ህዝብታት፡

⁸ሕራይ እይትበሎ፡ ኣይትስምዓዮ ኸአ፡ ኣይትሕብኣዮውን።

⁹ርግጽ ቅተሎ ደአ፡ ንምቕታሉ ኢድካ ትቕድም፡ ደሓር ኢድ ኩሉ ህዝቢ።

¹⁰ካብቲ ኻብ ምድሪ ግብጺ፡ ካብ ቤት ባርነት ዘውጽኣካ እግዚኣብሄር ኣምላኽካ ኼግልሰካ ደልዩ እዩ እሞ፡ ኣብ ማእከልካ ኸምዚ ዝበለ ኽፉእ ከይድገምሲ፡ ኩሎም እስራኤል ሰሚዖም ኪፈርሁ፡ ኪመውት ብዳርባ እምኒ ቐተሎ።

¹¹ካብቲ ኻብ ምድሪ ግብጺ፡ ካብ ቤት ባርነት ዘውጽኣካ እግዚኣብሄር ኣምላኽካ ኼግልሰካ ደልዩ እዩ እሞ፡ ኣብ ማእከልካ ኸምዚ ዝበለ ኽፉእ ከይድገምሲ፡ ኩሎም እስራኤል ሰሚዖም ኪፈርሁ፡ ኪመውት ብዳርባ እምኒ ቐተሎ።

¹²ብዛዕባ ሓንቲ ኻብተን ክትነግረለን እግዚኣብሄር ዚህበካ ኸተማታት፡ ሕሱማት ሰባት ደቂ በሊያል ካብ ማእከልካ ወጺኦም፡ ንዘይተፈልጥዎም ካልኦት ኣማልኽቲ ኽነምልኽ ንኺድ፡ ኢሎም ንደቂ ዓዶም ኣስሓቱ፡ ኪብሉ እንተ ሰማዕካ፡

¹³ብዛዕባ ሓንቲ ኻብተን ክትነግረለን እግዚኣብሄር ዚህበካ ኸተማታት፡ ሕሱማት ሰባት ደቂ በሊያል ካብ ማእከልካ ወጺኦም፡ ንዘይተፈልጥዎም ካልኦት ኣማልኽቲ ኽነምልኽ ንኺድ፡ ኢሎም ንደቂ ዓዶም ኣስሓቱ፡ ኪብሉ እንተ ሰማዕካ፡

¹⁴ሽዑ ድለ፡ መርምር ኣጸቢቕካ ኸአ ጠይቕ፡ እንሆ ድማ፡ እዚ ፍንፋን ነገር እዚ ኣብ ማእከልካ ኸም እተገብረ፡ ሓቅን ርግጽን እንተ ኾይኑ፡

¹⁵ኣብታ ኸተማ ንዚነብሩ ብስሕለት ሴፍ ኣበርቲዕካ ውቓዕ፡ ንእኣን ኣብኣ ንዘሎ ኹሉን ፈጺምካ ኣጥፍእ፡ ንኸብታውን ብስሕለት ሴፍ ኣጥፍእ።

¹⁶ካብኣ እተዘምተ ዘበለ ኹሉ ኣብ ማእከል ኣደባባያ ኣክቦ፡ ነታ ኸተማን ንኹሉ ኻብኣ እተዘምተን ብመላኡ ንእግዚኣብሄር ኣምላኽካ ብሓዊ ኣንድድ። ንዘለኣለም ዑና ትኹን፡ መሊሳ ኸአ ኣይትስራሕ።

¹⁷እግዚኣብሄር ካብ ንደት ኩራኡ ምእንቲ ኽምለስን ምሕረት ኪገብረልካን ኪድንግጸልካን፡ ከምቲ ነቦታትካ ዝመሓለሎም ከአ ኬብዝሓካስ፡ እዚ ኣነ ሎሚ ዝእዝዘካ ዘሎኹ ትእዛዛቱ ኽትሕሉ፡ እቲ ኣብ ቅድሚ እግዚኣብሄር ኣምላኽካ ቕኑዕ ዝኽዕነ ድማ ክትገብር፡ ቃል እግዚኣብሄር ኣምላኽካ እንተ ሰሚዕካስ፡ ካብቲ ሕሩም ነገር ገለ እኳ ኣብ ኢድካ ኣይልገብ።

¹⁸እግዚኣብሄር ካብ ንደት ኩራኡ ምእንቲ ኽምለስን ምሕረት ኪገብረልካን ኪድንግጸልካን፡ ከምቲ ነቦታትካ ዝመሓለሎም ከአ ኬብዝሓካስ፡ እዚ ኣነ ሎሚ ዝእዝዘካ ዘሎኹ ትእዛዛቱ ኽትሕሉ፡ እቲ ኣብ ቅድሚ እግዚኣብሄር ኣምላኽካ ቕኑዕ ዝኽዕነ ድማ ክትገብር፡ ቃል እግዚኣብሄር ኣምላኽካ እንተ ሰሚዕካስ፡ ካብቲ ሕሩም ነገር ገለ እኳ ኣብ ኢድካ ኣይልገብ።