Read መ/ቅዱስ ትግርኛ, Tigrigna Bible, 1997 ኦሪት ዘዳግም 15 Bible Online

ኦሪት ዘዳግም 15 - መ/ቅዱስ ትግርኛ, Tigrigna Bible, 1997 bible

ኦሪት ዘዳግም 15

¹ኣብ መወዳእታ ሸሾብዓተ ዓመት ሕድገት ግበር።

²እቲ ናይ ሕድገት ነገር ከአ እዚ እዩ፡ ነፍሲ ወከፍ መለቅሒ እቲ ንብጻዩ ዘለቅሔ ይሕደገሉ፡ ናይ እግዚኣብሄር ሕድገት ተአውጁ እዩ እሞ፡ ካብ ብጻዩን ሓውን ኣይድለዮ።

³ካብ ጓና ደኣ ድለዮ፡ ኣብ ሓውካ ዘሎካ ግና ሕደገሉ።

⁴ኣብታ እግዚኣብሄር ኣምላኽካ ንርስቲ ኽትወርሳ ዚህበካ ምድሪ፡ እግዚኣብሄር ብርግጽ ኪባርኸካ እዩ እሞ፡ ድኻ ኣይርከበካን እዩ።

⁵ሓንትስ፡ እዚ ኣነ ሎሚ ዝእዝዘካ ዘሎኹ ኹሉ ትእዛዝ ክትሕልዎን ክትገብሮን፡ ንቓል እግዚኣብሄር ኣምላኽካ ተጠንቒቕካ ደአ ስምዓዮ እምበር፡

⁶እግዚኣብሄር ኣምላኽካ ኸምቲ ዘተስፈወካ ኺባርኸካ እዩ እሞ፡ ንስኻ ድማ ንብዙሓት ህዝብታት ከተለቅሕ ኢኻ፡ ንስኻ ግና ኣይትልቃሕን። ንብዙሓት ህዝብታት ድማ ክትገዝእ ኢኻ፡ ንሳቶም ግና ኣይገዝኡኻን።

⁷ኣብታ እግዚኣብሄር ኣምላኽካ ዝህበካ ምድሪ፡ ኣብ ሓንቲ ኻብ ደጌታትካ ሓደ ኻብ ኣሕዋትካ እንተ ደኸየ፡ ነቲ ድኻ ሓውካ ልብኻ ኣይተጽንዓሉ ኢድካውን ኣይትጨብጠሉ።

⁸ኢድካ ኣጸቢቕካ ኽፈተሉ፡ እቲ ዝደልዮ ኸአ ኣእኪልካ ኣለቅሓዮ።

⁹ኣብ ልብኻ ሓሳብ በሊያል ከይህልወካ ተጠንቀቕ፡ እታ ሳብዐይቲ ዓመት፡ ዓመት ሕድገት፡ ቀሪባ እያ፡ ዓይንኻ ድማ ኣብቲ ድኻ ሓውካ ይኽፍእ እሞ ገለ ኣይትህቦን። ንሱ ኸአ ናብ እግዚኣብሄር ኣምላኽካ ብኹሉ ተግባርካን ኢድካ ኣብ ዝዝርጋሕካሉ ኹሉን ኪባርኸካ እዩ።

¹⁰ድኻታት ኣብ ማእከል ሃገር ኣይሰኣኑን እዮም እሞ፡ ስለዚ ነቲ ኣብ ሃገርካ ዘሎ ሓውካን ሽጉርካን ድኻኻን ኢድካ ኣጸቢቕካ ኽፈተሉ፡ ኢለ እእዝዘካ ኣሎኹ።

¹¹ድኻታት ኣብ ማእከል ሃገር ኣይሰኣኑን እዮም እሞ፡ ስለዚ ነቲ ኣብ ሃገርካ ዘሎ ሓውካን ሽጉርካን ድኻኻን ኢድካ ኣጸቢቕካ ኽፈተሉ፡ ኢለ እእዝዘካ ኣሎኹ።

¹²ኣብራዊ ሓውካ ወይ እብራዊት ኣቦኻ እንተ ተሸጠ፡ ሹዱሽተ ዓመት ይገዛእካ፡ በታ ሳብዐይቲ ዓመት ካባኻ ሓራ ኣውጺእካ ሕደጎ።

¹³ካባኻ ሓራ ኣውጺእካ ኽትሓድጎ ኸሎኻ ድማ፡ ጥራይ ኣይትስደዶ።

¹⁴ካብ መጓሴኻን ካብ ዓውድኻን ካብ መጽመቑ ወይንኻን ለጊስካ ሀቦ። ከምቲ እግዚኣብሄር ኣምላኽካ ዝባረኸካ መጠን ሀቦ።

¹⁵ንስኻ ድማ ኣብ ምድሪ ግብጺ ባርያ ኸም ዝነበርካ፡ እሞ እግዚኣብሄር ኣምላኽካ ከም ዘድሓነካ ዘክር፡ ስለዚ ኣነ ሎሚ እዚ ነገር እዚ እእዝዘካ ኣሎኹ።

¹⁶ንሱ ግና፡ ምሳኻ ስለ ዝጠዐሞ፡ ንኣኻን ንቤትካን ፈትዩ ድማ፡ ካባኻ ኣይወጽእን እንተ በለካ፡

¹⁷ዝኸውን እዩ፡ መስፈ ውሰድ እሞ እዝኑ ኣብ ማዕጾ ጌርካ ኣንኩሎ ንሓዋሩ ባርያኻ ይኹን። ነታ ባርያኻውን ከምኡ ግበራ።

¹⁸ካባኻ ሓራ ምስ እተውጽኦ ኣይኽበድካ፡ ክንዲ ዓስቢ ዓስባ ዕጽፊ ገይሩ ሽዱሽተ ዓመት ኣገልጊሉካ እዩ እሞ እግዚኣብሄር ኣምላኽካ ድማ ብትገብሮ ኹሉ ኺባርኸካ እዩ።

¹⁹ካብ ኣሓኻን ካብ በጊዕካን ኩሉ በኹሪ እተወልደ ተባዕታይ ንእግዚኣብሄር ኣምላኽካ ቀድሶ። ብበኹሪ ብዕራይካ ኣይትዕየ፡ በኹሪ በጊዕካ ድማ ኣይትቑረጽ።

²⁰ኣብቲ እግዚኣብሄር ዝሐረዮ ቦታ ዓመት ንዓመት ንስኻን ስድራ ቤትካን ኣብ ቅድሚ እግዚኣብሄር ኣምላኽካ ኳንካ ብልዓዮ።

²¹ገለ ጎደሎ እንተለዎ ግና፡ ሓንካስ ወይ ዕውር ወይ ዝኾነ ኽፉእ እንታ ዝለዎ ንእግዚኣብሄር ኣምላኽካ ኣይትሰውኣዮ።

²²ኣብ ውሽጢ ደጌታትካ ብልዓዮ። ከም ናይ ሰስሓን እራብን፡ ንጹህን ዘይንጹህን፡ ከም ሓደ ይብልዕዎ።

²³ሓንትስ ደሙ ኣይትብላዕ፡ ከም ማይ ደአ ናብ ምድሪ ኣፍስሶ።