Read መ/ቅዱስ ትግርኛ, Tigrigna Bible, 1997 ኦሪት ዘዳግም 2 Bible Online

ኦሪት ዘዳግም 2 - መ/ቅዱስ ትግርኛ, Tigrigna Bible, 1997 bible

ኦሪት ዘዳግም 2

¹ካባኡ ተመሊስና ድማ፡ ከንቲ እግዚኣብሄር ዝበለኒ፡ ብመገዲ ባሕሪ ኤርትራ ንበረኻ ገጽና ተጉዐዝና። ንኸረን ስዒር ብዙሕ መዓልቲ ዞርናዮ።

²እግዚኣብሄር ድማ ከምዚ ኢሉ ተዛረበኒ፡

³ነዚ ኸረንዚ ምዛር ይአኽለኩም፡ ንሰሜን ገጽኩም ተመለሱ።

⁴ነቶም ህዝቢውን ከምዚ ኢልካ ኣዝዞም፡ ብዶብ እቶም ኣብ ስዒር ዚነብሩ ኣሕዋትኩም፡ ደቂ ኤሳው ክትሓልፉ ኢኹም፡ ንሳቶም ይፈርሁኹም እዮም፡ ተጠንቀቑ ደአ፡

⁵ኣይተዋግእዎም፡ ከረን ስዒርሲ ንኤሳው ርስቲ ሂበዮ እየ እሞ፡ ካብታ ምድሮም መርገጽ እግሪ እትአክል እኳ ኣይሀብኩዎምን እየ።

⁶እንጌራ ኻባታቶም ብገንዘብ ዐዲግኩም ስተዩ።

⁷እግዚኣብሄር ኣምላኽካ ብኹሉ ተግባር ኢድካ ባሪኹካ እዩ እሞ፡ ንሱ በዚ ዓብዩ በረኻ እዚ ምጉዓዝካ ፈለጠ። በዘን ኣርብዓ ዓመት በረኻ እዚ ምጉዓዝካ ፈለጠ። በዘን ኣርብዓ ዓመት እግዚኣብሄር ኣምላኽካ ምሳኻ ነበረ፡ ገለ እኳ ኣይጎድለካን።

⁸ነቶም ኣብ ስዒር ዚነብሩ ኣሕዋትና ደቂ ኤሳው ሓሊፍና ድማ፡ ካብታ መገዲ ጎልጎልን ካብ ኤላትን ካብ ኤላትን ካብ ዔጽዮንገበርን ኣግለስና። ገጽና መሊስና ኸአ ብመገዲ በረኻ ሞኣብ ሓለፍና።

⁹እግዚኣብሄር ድማ በለኒ፡ ምድሪ ዓር ንደቂ ሎጥ ርስቲ ገይረ ስለ ዝሀብክዎም፡ ካብ ምድሮም ርስቲ ኣይህበካን እየ እሞ፡ ንሞኣባውያን ኣይተዕገርግሮም ኣይትዋግኣዮምውን።

¹⁰ቀደም ሓደ ዓብዩን ብዙሕን ከም ዓናቃውያን ድማ ነዊሕ ዝቑመቱ ህዝቢ ኤሚም፡ ኣብኡ ይቕመጥ ነበረ።

¹¹ከም ዓናቃውያን ዝበሉ፡ ንሳቶም ከአ ረፋያን፡ ይቑጸሩ። ሞኣባውያን ግና ኤማም ይብልዎም ነበር።

¹²ሖራውያን ድማ ቀደም ኣብ ስዒር ተቐሚጦም ነበሩ፡ ደቂ ኤሳው ግና ከምቲ እስራኤል ነታ እግዚኣብሄር ዝሀቦም ምድሪ ርስቶም ዝገበርዋ፡ ሰጎጎም ካብ ቅድሚኦም ኣጥፍእዎም፡ ኣብ ስፍራኦም ድማ ተቐመጡ።

¹³ሕጂ ተንስኡ ርባ ዘሬድ ከአ ተሳገሩ። ርባ ዘሬድ ድማ ተሳገርና።

¹⁴እቲ ኻብ ቃዴስ ባርኔዓ ኽሳዕ ርባ ዘሬድ እንሳገር ዝኸድናሉ ዘበን ድማ ከምቲ እግዚኣብሄር ዝመሓለሎም፡ ወለዶ እቶም ተዋጋእቲ ሰባት ካብ ማእከል ሰፈር ክሳዕ ዚጠፍእ፡ ሰላሳን ሾሞንተን ዓመት ኮነ።

¹⁵ኢድ እግዚኣብሄር ድማ ክሳዕ ዝውድኡ፡ ካብ ማእከል እቲ ሰፈር ከተጥፍኦም እብኦም ነበረት።

¹⁶ኮነ ኸአ፡ እቶም ተዋጋእቲ ሰባት ኩሎም ካብ ማእከል ህዝቢ ሞይቶም ምስ ተወድኡ፡

¹⁷እግዚኣብሄር ከምዚ ኢሉ ተዛረበኒ፡

¹⁸ሎሚ ንስኻ ብዓር፡ ዶብ ሞኣብ፡ ክትሓልፍ ኢኻ።

¹⁹ናብ መንጽር ደቂ ዓሞን ምስ ቀረብካ ኣይተዕገርግሮም፡ ኣይትዋግኣዮም ድማ። ንደቂ ሎጥ ንርስቲ ሂበዮም እየ እሞ፡ ካብ ምድሪ ደቂ ዓሞን እትርስትዩ ገለ እኳ ኣይህብካን እየ።

²⁰እዚኣ ድማ ቀደም ረፋውያን ስለ ዝነበርዋ፡ ሃገር ረፋውያን ተቖጽረት፡ ዓሞናውያን ግና ዛምዙሚም ይብልዎም ነበሩ።

²¹ከም ዓናቃውያን፡ ዓብዩን ብዙሕን ነዊሕ ዝቑመቱን ህዝቢ እዩ። ግናኸ እግዚኣብሄር ካብ ቅድሚኦም ኣጥፍኦም እሞ፡ ንኣታቶም ሰጎጎም፡ ኣብ ስፍራኦም ተቐመጡ።

²²ኣብ ስዒር ንዚነብሩ ደቂ ኤሳው ከም ዝገበረሎም፡ ንሖራውያን ካብ ቅድሚኦም ምስ ኣጥፍኤ፡ ንኣታቶም ሰጎጎም ክሳዕ ሎሚ ኣብ ስፍራኦም ተቐመጡ።

²³ነቶም ኣብ ዓድታት ክሳዕ ጋዛ ዝነበሩ ዓዊም ድማ፡ ካብ ካፍቶር ዝወጹ ከፍቶራውያን ኣጥፍእዎም፡ ኣብቲ ስፍራኦም ከአ ተቐመጡ።

²⁴ተንስኡ፡ ተጉዐዙ፡ ለሰ ኣርኖን ድማ ተሳገሩ። እንሆ ሲሆን ኣሞራዊ ንጉስ ሔስቦንን ምድሩን፡ ባ ኢድካ ሂበካ ኣሎኹ፡ ምውራስ ጀምር፡ ምስኡ ኸአ ተዋጋእ።

²⁵ኣብ ትሕቲ ሰማይ ንዚነብሩ ኹሎም ህዝብታት ካብ ሎሚ ጀሚረ ምሽባርካን ፍርሃትካን ከውርደሎም እየ። ወሬኻ ምስ ሰምዑ፡ ኣብ ቅድሜኻ የንቀጥቅጡ ራዕዲ ድማ ይሓዞም።

²⁶ካብ በረኻ ቀዳሞት ድማ ናብ ሲሆን፡ ንጉስ ሔስቦን፡ ከምዚ ኢለ ልኡኻት ምስ ናይ ሰላም ዘረባ ሰደድኩሉ፡

²⁷ከምቲ ኣብ ስዒር ዚነብሩ ደቂ ኤሳውን ኣብ ዓር ዚነብሩ ሞኣባውያንን ዝገብሩለይ፡ ናብታ እግዚኣብሄር ኣምላኽና ዚሀበና ምድሪ፡ ንዮርዳኖስ ክሳዕ ዝሳገር፡ የማነ ጸጋም ከየግለስኩ ብመገደ መገዲ ክኸይድ ብምድርኻ ኣሕልፈኒ። ዝበልዖ እንጌራ ብገንዘብ ሽጠለይ፡ ዝሰትዮ ማይ ከአ ብገንዘብ ሀበኒ፡ ሓንትስ ንእግረይ ጥራይ ኣሕልፈኒ በልክዎ።

²⁸ከምቲ ኣብ ስዒር ዚነብሩ ደቂ ኤሳውን ኣብ ዓር ዚነብሩ ሞኣባውያንን ዝገብሩለይ፡ ናብታ እግዚኣብሄር ኣምላኽና ዚሀበና ምድሪ፡ ንዮርዳኖስ ክሳዕ ዝሳገር፡ የማነ ጸጋም ከየግለስኩ ብመገደ መገዲ ክኸይድ ብምድርኻ ኣሕልፈኒ። ዝበልዖ እንጌራ ብገንዘብ ሽጠለይ፡ ዝሰትዮ ማይ ከአ ብገንዘብ ሀበኒ፡ ሓንትስ ንእግረይ ጥራይ ኣሕልፈኒ በልክዎ።

²⁹ከምቲ ኣብ ስዒር ዚነብሩ ደቂ ኤሳውን ኣብ ዓር ዚነብሩ ሞኣባውያንን ዝገብሩለይ፡ ናብታ እግዚኣብሄር ኣምላኽና ዚሀበና ምድሪ፡ ንዮርዳኖስ ክሳዕ ዝሳገር፡ የማነ ጸጋም ከየግለስኩ ብመገደ መገዲ ክኸይድ ብምድርኻ ኣሕልፈኒ። ዝበልዖ እንጌራ ብገንዘብ ሽጠለይ፡ ዝሰትዮ ማይ ከአ ብገንዘብ ሀበኒ፡ ሓንትስ ንእግረይ ጥራይ ኣሕልፈኒ በልክዎ።

³⁰ሲሆን፡ ንጉስ ሔስቦን ግና እግዚኣብሄር ኣምላኽካ ኸምዚ ናይ ሎሚ ምእንቲ ኣብ ኢድካ ኺህበካ፡ ንመንፈሱ ኣትረሮ ንልቡ ኸአ ተጻራሪ ገበሮ እሞ፡ ኬሕልፈና ኣይፈተወን።

³¹እግዚኣብሄር ከአ፡ እንሆ ንሲሆንን ንምድሩን ኣብ ቅድሜኻ ኣሕሊፈ ኽህበካ ጀመርኩ እሞ፡ ንምድሩ ምእንቲ ኽትርስትያ፡ ምውራሳ ጀምር፡ በለኒ።

³²ሲሆን ድማ፡ ንሱን ኩሉ ህዝቡን፡ ናብ የሃጽ ንምውጋእና ኺቃባበለና ወጸ።

³³እግዚኣብሄር ኣምላኽና ድማ ንእኡ ኣብ ቅድሜና ኣሕሊፉ ሀበና፡ ንእኡን ንደቁን ንኹሉ ህዝቡን ከአ ወቓዕናዮም።

³⁴በታ ጊዜ እቲኣ ድማ ኩለን ከተማታቱ ወሰድና፡ ኩለን ከተማታቱ ምስናይ ሰብኡትን ኣንስትን ቆልዑን ሓደ እኳ ኸየትረፍና ፈጺምና ኣጥፋእናዮም።

³⁵እተን ዝዝመትናየን ማል ጥራይ ምስቲ ኻብ ከተማታት ዝገፈፍናዮ ንኣና ወሰድና።

³⁶ካብታ ኣብ ገምገም ለሰ ኣርኖን ዘላ ዓሮዔር፡ ካብታ ኣብ ለሰ ዘላ ኸተማ ኸአ ክሳዕ ጊልኣድ ሓንቲ ኸተማ እኳ ብምንዋሓ ዝጸንዓትና ኣይነበረትን፡ እግዚኣብሄር ኣምላኽና ንኹለን ኣብ ቅድሜና ኣሕሊፉ ሀበና።

³⁷ጥራይ ምድሪ ደቂ ዓሞን፡ ኩለ ወገን ርባ ያቦቅን ኣብ ከረን ዝነበራ ኸተማታትን እግዚኣብሄር ኣምላኽና ዝኸልከለና ዘበለ ኹሉ ኣይቀረብካን።