Read መ/ቅዱስ ትግርኛ, Tigrigna Bible, 1997 ኦሪት ዘዳግም 29 Bible Online

ኦሪት ዘዳግም 29 - መ/ቅዱስ ትግርኛ, Tigrigna Bible, 1997 bible

ኦሪት ዘዳግም 29

¹እግዚኣብሄር ብዘይ እቲ ኣብ ሆሬብ ምስ ደቂ እስራኤል ዝአትዎ ኺዳን ኣብ ምድሪ ሞኣብ ከአ ንሙሴ ምሳታቶም ኪእቱ ዝአዘዞ ቓላት ኪዳን እዚ እዩ።

²ሙሴ ድማ ንብዘለው እስራኤል ጸውዔ በሎም ድማ፡ እግዚኣብሄር ኣብ ምድሪ ግብጺ ንፈርኦንን ንኹሎም ንገላውን ንኹሉ ምድሩን ኣብ ቅድሚ ኣዒንትኹም ዝገብሮ፡ እቲ ኣዒንትኻ ዝረአያኦ ዓበይቲ ፈተናታት፡ እቲ ትእምርታታትን ዓበይቲ ተኣምራትን ከአ ንስኻትኩም ርኢኹም ኢኹም።

³ሙሴ ድማ ንብዘለው እስራኤል ጸውዔ በሎም ድማ፡ እግዚኣብሄር ኣብ ምድሪ ግብጺ ንፈርኦንን ንኹሎም ንገላውን ንኹሉ ምድሩን ኣብ ቅድሚ ኣዒንትኹም ዝገብሮ፡ እቲ ኣዒንትኻ ዝረአያኦ ዓበይቲ ፈተናታት፡ እቲ ትእምርታታትን ዓበይቲ ተኣምራትን ከአ ንስኻትኩም ርኢኹም ኢኹም።

⁴ግናኸ እግዚኣብሄር ክሳዕ እዛ መዓልቲ እዚኣ ልቢ ንምፍላጥ፡ ኣዒንቲ ንምርኣይ፡ ኣእዛን ከአ ንምስማዕ ኣይሀበኩምን።

⁵ኣርብዓ ዓመት ድማ ኣብ በረኻ መራሕኩኹም ክዳውንትኹም ኣብ ዝባንኩም ኣይበለየን፡ ሳእኒ ድማ ኣእጋርካ ኣይበለየን።

⁶ኣነ እግዚኣብሄር ኣምላኽኩም ምዃነይ ምእንቲ ኽትፈልጡስ፡ እንጌራ ኣይበላዕኩምን ወይንን ብርቱዕ መስተን ከአ ኣይሰቴኹምን።

⁷ናብዛ ቦታ እዚኣ ምስ መጻእኩም ከአ፡ ሲሆን ንጉስ ሔስቦንን ዖግ ንጉስ ባሳንን ኪዋግኡና ኢሎም ኪቃባበሉና ወጹ፡ ንሕና ድማ ሰዐርናዮም።

⁸ሃገሮም ከአ ሓዝና ንሮቤልን ንጋድን ንፈረቓ ነገድ ምናሴን ከአ ርስቲ ሀብናዮም።

⁹እምበኣር እትገብርዎ ኹሉ ምእንቲ ኺሰልጠኩምሲ፡ ቃላት እዚ ኺዳን እዚ ሐልውዎን ግበርዎን።

¹⁰ከምቲ ዝበልካን፡ ከምቲ ነቦታትካ፡ ንኣብርሃምን ንይስሃቅን ንያእቆብን፡ ድማ ዝመሐለሎም፡ ምእንቲ ኣብ ኪዳን እግዚኣብሄር ኣምላኽካን ኣብቲ እግዚኣብሄር ኣምላኽካ ሎሚ ምሳኻ ዘቖሞ ማሕላኡን ክትአቱ፡ ሎሚ ንኣኻ ህዝቡ ገይሩ ኬቑመካ፡ ንሱ ኸአ ኣምላኽካ ኪኸውን፡ ሎሚ ኩሉኹም ሓላቑኹም፡ ነገዳትኩም፡ ዓበይትኹምን መዃንንትኹምን ኩሎም ሰብኡት እስራኤል፡ ቆልዑኹም፡ ኣንስትኹም፡ ኣብ ማእከል ሰፈርካ ዚነብር ጓናኻ ድማ፡ ካብ ፈላጽ ዕጨይትን ኽሳዕ ቀዳሕ ማይካ፡ ኣብ ቅድሚ እግዚኣብሄር ኣምላኽኩም ደው ኢልኩም አሎኩም።

¹¹ከምቲ ዝበልካን፡ ከምቲ ነቦታትካ፡ ንኣብርሃምን ንይስሃቅን ንያእቆብን፡ ድማ ዝመሐለሎም፡ ምእንቲ ኣብ ኪዳን እግዚኣብሄር ኣምላኽካን ኣብቲ እግዚኣብሄር ኣምላኽካ ሎሚ ምሳኻ ዘቖሞ ማሕላኡን ክትአቱ፡ ሎሚ ንኣኻ ህዝቡ ገይሩ ኬቑመካ፡ ንሱ ኸአ ኣምላኽካ ኪኸውን፡ ሎሚ ኩሉኹም ሓላቑኹም፡ ነገዳትኩም፡ ዓበይትኹምን መዃንንትኹምን ኩሎም ሰብኡት እስራኤል፡ ቆልዑኹም፡ ኣንስትኹም፡ ኣብ ማእከል ሰፈርካ ዚነብር ጓናኻ ድማ፡ ካብ ፈላጽ ዕጨይትን ኽሳዕ ቀዳሕ ማይካ፡ ኣብ ቅድሚ እግዚኣብሄር ኣምላኽኩም ደው ኢልኩም አሎኩም።

¹²ከምቲ ዝበልካን፡ ከምቲ ነቦታትካ፡ ንኣብርሃምን ንይስሃቅን ንያእቆብን፡ ድማ ዝመሐለሎም፡ ምእንቲ ኣብ ኪዳን እግዚኣብሄር ኣምላኽካን ኣብቲ እግዚኣብሄር ኣምላኽካ ሎሚ ምሳኻ ዘቖሞ ማሕላኡን ክትአቱ፡ ሎሚ ንኣኻ ህዝቡ ገይሩ ኬቑመካ፡ ንሱ ኸአ ኣምላኽካ ኪኸውን፡ ሎሚ ኩሉኹም ሓላቑኹም፡ ነገዳትኩም፡ ዓበይትኹምን መዃንንትኹምን ኩሎም ሰብኡት እስራኤል፡ ቆልዑኹም፡ ኣንስትኹም፡ ኣብ ማእከል ሰፈርካ ዚነብር ጓናኻ ድማ፡ ካብ ፈላጽ ዕጨይትን ኽሳዕ ቀዳሕ ማይካ፡ ኣብ ቅድሚ እግዚኣብሄር ኣምላኽኩም ደው ኢልኩም አሎኩም።

¹³ከምቲ ዝበልካን፡ ከምቲ ነቦታትካ፡ ንኣብርሃምን ንይስሃቅን ንያእቆብን፡ ድማ ዝመሐለሎም፡ ምእንቲ ኣብ ኪዳን እግዚኣብሄር ኣምላኽካን ኣብቲ እግዚኣብሄር ኣምላኽካ ሎሚ ምሳኻ ዘቖሞ ማሕላኡን ክትአቱ፡ ሎሚ ንኣኻ ህዝቡ ገይሩ ኬቑመካ፡ ንሱ ኸአ ኣምላኽካ ኪኸውን፡ ሎሚ ኩሉኹም ሓላቑኹም፡ ነገዳትኩም፡ ዓበይትኹምን መዃንንትኹምን ኩሎም ሰብኡት እስራኤል፡ ቆልዑኹም፡ ኣንስትኹም፡ ኣብ ማእከል ሰፈርካ ዚነብር ጓናኻ ድማ፡ ካብ ፈላጽ ዕጨይትን ኽሳዕ ቀዳሕ ማይካ፡ ኣብ ቅድሚ እግዚኣብሄር ኣምላኽኩም ደው ኢልኩም አሎኩም።

¹⁴እዚ ኽዳን እዝን እዚ ማሕላ እዝን ኣነ ምስቶም ሎሚ ኣብ ቅድሚ እግዚኣብሄር ኣምላኽና ኣብዚ ምሳና ቖይሞም ዘለዎን ምስቶም ሎሚ ምሳና ኣብዚ ዘየለውን ድማ እምበር፡ ምሳኻትኩም ጥራይ ኣይኮንኩን ዘቖሞ ዘሎኹ።

¹⁵እዚ ኽዳን እዝን እዚ ማሕላ እዝን ኣነ ምስቶም ሎሚ ኣብ ቅድሚ እግዚኣብሄር ኣምላኽና ኣብዚ ምሳና ቖይሞም ዘለዎን ምስቶም ሎሚ ምሳና ኣብዚ ዘየለውን ድማ እምበር፡ ምሳኻትኩም ጥራይ ኣይኮንኩን ዘቖሞ ዘሎኹ።

¹⁶ኣብ ምድሪ ግብጺ ኸም ዝነበርናን በቶም ብማእከሎም ዝሐለፍኩም ህዝብታት ድማ ከም ዝሓለፍናን፡ ንስኻትኩም ትፈልጡ ኢኹም።

¹⁷እቲ ጽያፎምን እቲ እባይቶም ዝነበረ ናይ ዕጨይቲ እምንን ብሩርን ወርቅን ጣኦታቶምን ርኤኹም።

¹⁸እምበኣርሲ ሰብኣይ ኮነ፡ ወይ ሰበይቲ ወይ ዓሌት ወይ ነገድ፡ ሎሚ ልቡ ኻብ እግዚኣብሄር ኣምላኽና ዚመልስ እሞ ከይዱ ንኣማልኽቲ እቶም ህዝብታት እቲኣቶም ዜምልኽ ከይህልወኩም ኣባኻትኩም መርዝን መሪርን ዜብቂል ሱር ከአ ከይርከበኩም።

¹⁹ከይኸውን ድማ፡ ቃላት እዚ መርገም እዚ ሰሚዑስ፡ ብልቡ ነታ ነፍሱ ኸምዚ ኢሉ ዚባርኽ፡ ኣነስ ብትሪ ልበይ እንተ ኸድኩ ንጽምአተይ ድማ ስኽራን እንተ ወሰኽኩሉ፡ ሰላም ይኹነለይ።

²⁰እግዚኣብሄር ይቕረ ኣይብለሉን፡ ሽዑ ግና ኩራ እግዚኣብሄርን ቅንኣቱን ደአ ኣብ ልዕሊ እቲ ሰብኣይ ኣቲ ይተክኽ እቲ ኣብዚ መስሓፍ እዚ ተጻሒፉ ዘሎ ኹሉ መርገም ከአ ኣብ ልዕሊኢ ይነብር፡ እግዚኣብሄር ከአ ንስሙ ኻብ ትሕቲ ሰማይ ኪድምስሶ እዩ።

²¹እግዚኣብሄር ድማ ከምቲ ኣብ መጽሓፍ እዚ ሕጊ እዚ ተጽሒፉ ዘሎ ኽሉ መርገም ኪዳን፡ ካብ ኩሎም ነገድ እስራኣኤል ናብ ክፉእ ኪፈልዮ እዩ።

²²ዳሕራይ ወለዶ፡ ብድሕሬኹም ዚትንስኡ ደቅኹምን ካብ ርሑቕ ሃገር ዝመጹ ጓናን ከአ ናይ እዛ ሃገር እዚኣ መዓትን እቲ እግዚኣብሄር ዘምጽኣላ ሕማምን ምስ ዚርእዩ ክብሉ እዮም፡

²³ከምቲ እግዚኣብሄር ኮርዩን ነዲዱን ንሶዶምን ንጎሞራን ንኣድማን ንጽቦይምን ዝገምጠለን ምግምጣል፡ እታ ምድሪ ኹላ ኸይትዝራኣን ከይተፍርን ገለ ሳዕሪ ኸይተብቁልን ዲንን ጨውን ንዳድን ኮነት።

²⁴ኩሎም ህዝብታት ድማ ኪብሉ እዮም፡ ስለምንታይ እዩ እግዚኣብሄር ነዛ ሀግር እዚኣ ከምዚ ዝገብራ፡ ስለምንታይከ እዚ ዓብዩ ኩራኡ ነደደ።

²⁵ይብሉ ኸአ፡ እቲ ኻብ ምድሪ ግብጺ ምስ ኣውጽኦም ምሳታቶም ዝአተዎ ኺዳን እግዚኣብሄር ኣምላኽ ኣቦታቶም ስለ ዝሐደጎ፡

²⁶ከይዶም ከአ ንኻልኦት ኣማልኽቲ ንዘይፈልጥዎምን ንዘይተዋህቦምን ኣማልኽቲ ስለ ዘምለኹን ስለ ዝሰገዱሎምን እዩ።

²⁷ስለዚ እቲ ኣብዚ መጽሓግ እዚ እተጻሕፈ ብዘሎ መርገም ኬምጽኣላ፡ ኩራ እግዚኣብሄር ኣብ ልዕሊ እዛ ሃገር እዚኣ ነደደ።

²⁸እዎ፡ እግዚኣብሄር ብኹራን ብነድርን ብዓቡዩ ቑጥዓን ካብ ሃገሮም ምሕው ኣቢሉ ከምዚ ሎሚ ኾይንዎ ዘሎ፡ ናብ ካልእ ሃገር ደርበዮም።

²⁹እቲ ስውር ነገር ዘበለ ናይ እግዚኣብሄር ኣምላኽና እዩ፡ ኩሉ ቓላት እዚ ሕጊ እዚ ምእንቲ ኽንገብር እቲ ግሉጽ ንዘለኣለም ንኣናን ንደቅናን እዩ።