Read መ/ቅዱስ ትግርኛ, Tigrigna Bible, 1997 ኦሪት ዘዳግም 34 Bible Online

ኦሪት ዘዳግም 34 - መ/ቅዱስ ትግርኛ, Tigrigna Bible, 1997 bible

ኦሪት ዘዳግም 34

¹ሙሴ ድማ ካብ ጎልጎል ሞኣብ ናብ ከረን ኔቦ ናብ ርእሲ እቲ ኣብ መንጽር ያሪኮ ዘሎ ጲስጋ ደየበ። ኣግዚኣብሄር ከአ ንብዘላ ሃገር ጊልኣድ ክሳድ ዳን ኣርኣዮ።

²ብዘላ ንፍታሌምን ሃገር ኤፍሬምን ምናሴን ብዘላ ምድሪ ይሁዳ ኸአ ክሳዕ ባሕሪ ምዕራብ፡

³እቲ ደቡብ ድማ፡ እቲ ጎልጎል ለሰ ያሪኮ፡ ከተማ ተምሪ፡ ክሳዕ ጾኣር ኣርእዮ።

⁴እግዚኣብሄር ድማ፡ እታ ንኣብርሃምን፡ ንያስሃቅን፡ ንያእቆብን፡ ንዘርእኻ ኽህባ እየ ኢለ ዝመሓልኩሎም ምድሪ፡ እዚኣ እያ፡ ብዓይንኻ ኣርኤኹኻ፡ ናብኣ ግና ኣይተሳገርን በሎ።

⁵ሙሴ ባርያእግዚኣብሄር ከምቲ ቓል እግዚኣብሄር፡ ኣብ ምድሪ ሞኣብ ኣብኣ ሞተ።

⁶ኣብ ምድሪ ሞኣብ፡ ኣብ መንጽር ቤትጴኦር ኣብ ዘሎ ለሰ ቐበሮ። ክሳዕ ሎም መዓልቲ ኸአ ንመቓብሩ ዚፈልጥ ሰብ የልቦን።

⁷ሙሴ ከመውት ከሎ፡ ወዲ ሚእትን ዕስራን ዓመት ነበረ፡ ኣዒንቱ ኣይሓመቓን ሓይሉውን ኣይደኸመን ነበረ።

⁸ደቂ እስራኤል ድማ ንሙሴ ኣብ ጎላጉል ሞኣብ ሰላሳ መዓልቲ በኸየሉ። ኣተን ንሙሴ ዝበኸየለን መዓልታት ሓዘኖም ብእኡ ተወድኣ።

⁹ንእያሱ ወዲ ነዌ ድማ፡ ሙሴ ኢዱ ስለ ዘነብረሉ፡ መንፈስ ጥበብ መልኦ። ደቂ እስራኤል ከአ፡ ከምቲ እግዚኣብሄር ንሙሴ ዝአዘዞ ገይሮም ተአዘዝዎ።

¹⁰በቲ ኣብ ምድሪ ግብጺ ኣብ ፈርኦን፡ ኣብ ገላውኡን ኣብ ብዘላ ምድሩን ትእምርትን ተኣምራትን ኪገብር፡ እግዚኣብሄር ዝለአኾ፡ በቲ ኹሉ ናብ ሓይሊ ኢድን በቲ ሙሴ ኣብ ቅድሚ ኹሎም እስራኤል ዝገብሮ ኹሉ ዓብዩ መፍርህ ነገርን ከምቲ እግዚኣብሄር ገጽ ንገጽ ዝፈለጦ ኸም ሙሴ ዝበለ ነብዩ፡ ድሕሪኡ ኣብ እስራኤል ኣይተንስኤን።

¹¹በቲ ኣብ ምድሪ ግብጺ ኣብ ፈርኦን፡ ኣብ ገላውኡን ኣብ ብዘላ ምድሩን ትእምርትን ተኣምራትን ኪገብር፡ እግዚኣብሄር ዝለአኾ፡ በቲ ኹሉ ናብ ሓይሊ ኢድን በቲ ሙሴ ኣብ ቅድሚ ኹሎም እስራኤል ዝገብሮ ኹሉ ዓብዩ መፍርህ ነገርን ከምቲ እግዚኣብሄር ገጽ ንገጽ ዝፈለጦ ኸም ሙሴ ዝበለ ነብዩ፡ ድሕሪኡ ኣብ እስራኤል ኣይተንስኤን።

¹²በቲ ኣብ ምድሪ ግብጺ ኣብ ፈርኦን፡ ኣብ ገላውኡን ኣብ ብዘላ ምድሩን ትእምርትን ተኣምራትን ኪገብር፡ እግዚኣብሄር ዝለአኾ፡ በቲ ኹሉ ናብ ሓይሊ ኢድን በቲ ሙሴ ኣብ ቅድሚ ኹሎም እስራኤል ዝገብሮ ኹሉ ዓብዩ መፍርህ ነገርን ከምቲ እግዚኣብሄር ገጽ ንገጽ ዝፈለጦ ኸም ሙሴ ዝበለ ነብዩ፡ ድሕሪኡ ኣብ እስራኤል ኣይተንስኤን።