Read መ/ቅዱስ ትግርኛ, Tigrigna Bible, 1997 ኦሪት ዘዳግም 4 Bible Online

ኦሪት ዘዳግም 4 - መ/ቅዱስ ትግርኛ, Tigrigna Bible, 1997 bible

ኦሪት ዘዳግም 4

¹ሕጂ ድማ፡ ዎ እስራኤል፡ ምእንቲ ብህይወት ክትነብሩን ናብታ እግዚኣብሄር ኣምላኽ ኣቦታትኩም ዚሀበኩም ድሪ ኽትአትውን ክትወርስዋን፡ ነዚ ኣነ ኽትገብሮ ኢለ ዝምህረካ ዘሎኹ ሕጋጋት ፍርድታትን ስማዕ።

²ነዚ ኣነ ዝእዝዘኩም ነገር ኣይትወስኹ፡ ካብኡ ኸአ ኣይትነክዩ።

³እግዚኣብሄር ብናይ በዓልጴዖር ዝገበሮ፡ እግዚኣብሄር ኣምላኽካ ነቶም ንበዓል ጴዖር ዝስዐቡ ኹሎም ሰባት ካብ ማእከልካ ኸም ዘጥፍኦም፡ ኣዒንትኹም ርእየን።

⁴ንስኻትኩም ግና ናብ እግዚኣብሄር ኣምላኽኩም እተጸጋዕኩም፡ ኩልኻትኩም ሎሚ ብህይወትኩም ኣሎኹም።

⁵እንሆ ኣብታ ኽትወርስዋ እትአትውዋ እትኣትውዋ ዘሎኹም ሃገር ከምኡ ኽትገብሩ፡ ኣነ ኸምቲ እግዚኣብሄር ኣምላኸይ ዝአዘዘኒ ሓጋጋትን ፍርድታትን መሀርኩኹም።

⁶ንስኻትኩም ከአ፡ እዚኣተን ኣብ ቅድሚ ህዝብታት ጥበብኩምን ምስትውዓልኩምን እየን እሞ፡ ስለዚ ሓልውወን ግበርወን ድማ። ንኹሉ እዚ ሕጋጋት እዚ ሰሚዖም፡ እዚ ኦኣብዩ ህዝቢ እዚ ብሓቂ ፈላጥን ኣስተውዓልን ህዝቢ እዩ፡ ኪብሉ እዮም።

⁷ከምቲ እግዚኣብሄር ኣምላኽና ብእንጽውዖ ዘበለ ዚቐርበና፡ ከምኡ ኣምላኹ ዚቐርቦ፡ ኣየናይ ዓብዩ ህዝቢ እዩ፡

⁸ከምዚ ኣነ ሎሚ ኣብ ቅድሜኹም ዘንብረልኩም ዘለኹ ኹሉ ሕጊ፡ ከምኡ ቅኑዕ ሕጋጋትን ፍርድታትን ዘለዎኸ ኹሉ ሕጊ፡ ከምኡ ቅኑዕ ሕጋጋትን ፍርድታትን ዘለዎኸ፡ ኣየናይ ዓብዩ ህዝቢ እዩ፡

⁹ሓንትስ እቲ ዓይንኻ ዝረአዮ ነገር ከይትርስዖ ፡ ብኹሉ መዕልትታት ህይወትካ ድማ ካብ ልብኻ ኸይወጽእ፡ ንደቅኻን ንደቂ ደቅኻን ደአ ኸተፍልጦም፡ ንርእስኻ ተጠንቀቕ፡ ነፍስኻ ሓሉ።

¹⁰እታ ኣብ ሆሬብ ኣብ ቅድሚ እግዚኣብሄር ኣምላኽካ ዝቖምካላ መዓልቲ፡ እግዚኣብሄር ከአ፡ እቶም ህዝቢ ኣብ ምድሪ ዚነብሩላን ኩለን መዓልትታት ምፍራሄይ ኪመሀሩ፡ ንደቆም ድማ ኪምህሩስ፡ ቃለይ ከስምዖም ናባይ ኣክቦም፡ ኢሉ ተዛረበኒ።

¹¹ንስኻትኩም ድማ ቀረብኩም፡ ኣብ እግሪ እቲ ኸረን ከአ ደው በልኩም። እቲ ኸረን ከአ ደው በልኩም። እቲ ኸረንውን ክሳዕ ማእከል ሰማይ ሓዊ ይነድድ ነበረ፡ ጸልማትን ደበናን ጣቓን ድማ ነበሮ።

¹²እግዚኣብሄር ከአ ካብ ውሽጢ እቲ ሓዊ ተዛረበኩም፡ ድምጺ ዘረባኡ ሰማዕኩም፡ ድምጺ ጥራይ እምበር፡ መልክዕሲ ከቶ ኣይርኤኹምን።

¹³እቲ ኽትገብርዎ ዝአዘዘኩም ኪዳኑ፡ ዓሰርተ ቓላት ድማ ገለጸልኩም። ኣብ ክልተ ጽላት እምኒ ኸአ ጸሐፎ።

¹⁴እግዚኣብሄር በታ ጊዜ እቲአ ድማ ንኣይ ኣብታ ኽትወርስዋ እትሓልፍዋ ምድሪ ኽትገብርዎ ሕጋጋትን ፍርድታትን ክምህረኩም ኣዘዘኒ።

¹⁵በታ እግዚኣብሄር ኣብ ሆሬብ ካብ ማእከል ሓዊ ኽዛረብኩም መዓልቲ ገለ መልክዕ እኳ ኣይርኤኹምን እሞ፡ ተጠንቂቕኩም ነፍሳትኩም ሓልው።

¹⁶ብዝኾነ ምስሊ፡ ብመልክዕ ሰባኣይ ወይ ናይ ሰበይቲ እትወቕረ ምስሊ ብምግባርኩም ከየበላሽው፡

¹⁷ኣብ ልዕሊ ምስሪ ናይ ዘሎ ምስሊ ኹሉ እንስሳ፡ ምስሊ መንፈሪ ዘለዋ ኣብ ሰማይ እትነፍር ዑፍውን፡

¹⁸ምስሊ ኣብ ምድሪ ለመም ዚብል ኩሉ፡ ምስሊ ኣብ ትሕቲ ምድሪ ኣብ ማይ ዘሎ ኹሉ ዓሳ ኸአ፡

¹⁹ጸሓይን ወርሕን ከዋኽብትን፡ ኩሎም ሰራዊት ሰማይ ርኢኻ ኣዒንትኻ ንሰማይ ከይተልዕሊ እሞ ነቶም እግዚኣብሄር ኣምላኽካ ኣብ ትሕቲ ሰማይ ንዘለው ኹሎም ህዝብታት ዝመቐሎም ናብ ምስጋዶምን ምግልጋሎምን ከይትስሐብ ተሓሎ።

²⁰ንኣኻትኩም ግና ከምዚ ሎሚ ዘሎኹዎም፡ ምእንቲ ህዝቢ ርስቲ ኽትኮንዎ ኢሉ፡ እግዚኣብሄር ካብ እቶን ሓጺን፡ ካብ ግብጺ ኣውጺእኩም እዩ።

²¹እግዚኣብሄር ድማ ብሰርኹም ተቖጥዓኒ እሞ፡ ኣነ ዮርዳኖስ ከይሳገር፡ ናብታ እግዚኣብሄር ኣምላኽካ ንርስቲ ዚህበካ ጽብቕቲ ምድሪ ኸአ ከይትአቱ መሓለ።

²²ኣነ ንዮርዳኖስ ከይተሳገርኩ ኣብዛ ምድሪ እዚኣ ኽመውት እየ እሞ፡ ንስኻትኩም ግና ክትሳገሩ ነታ ጽብቕቲ ምድሪ ድማ ክትወርስዋ ኢኹም።

²³እግዚኣብሄር ኣምላኽ ዚበላዕ ሓዊ፡ ቀናእ ኣምላኽ እዩ እሞ፡ እግዚኣብሄር ኣምላኽኩ ምሳኻትኩም ዝአተዎ ኺዳን ከይትርስዑ፡ እግዚኣብሄር ኣምላኽካ ዝኸልከለካ ዘበለ ገለ መልክዕ ዘለዎ እተወቕረ ምስሊ ኸይትገብሩ ተጠንቀቑ።

²⁴እግዚኣብሄር ኣምላኽ ዚበላዕ ሓዊ፡ ቀናእ ኣምላኽ እዩ እሞ፡ እግዚኣብሄር ኣምላኽኩ ምሳኻትኩም ዝአተዎ ኺዳን ከይትርስዑ፡ እግዚኣብሄር ኣምላኽካ ዝኸልከለካ ዘበለ ገለ መልክዕ ዘለዎ እተወቕረ ምስሊ ኸይትገብሩ ተጠንቀቑ።

²⁵ደቅን ደቂ ደቅን ምስ ወለድካ፡ ኣብታ ምድሪ ኸአ ነዊሕ ዘበን ምስ ተቐመጥኩም፡ ናይ ዝኾነ ገለ መልክዕ ዝለዎ እተወቕረ ምስሊ ብምግባርኩም ምስ እትበላሸው፡ ምእንቲ ኸተኾርይዎ ኸአ፡ ኣብ ቅድሚ እግዚኣብሄር ኣምላኽካ ክፉእ ምስ እትገብሩ፡

²⁶ካብታ ዮርዳኖስ ተሳጊርኩም እትወርስዋ ምስሪ ቐልጢፍኩም ከም እትጸንቱ፡ ኣነ ሎሚ ሰማይን ምድርን ኤመስክረልኩም ኣሎኹ። ፈጺምኩም ትበርሱ እምበር፡ ነዊሕ መዓልቲ ኣይትነብርዋን ኢኹም።

²⁷እግዚኣብሄር ናብ ማእከል ህዝብታት ኪብትነኩም እዩ፡ ኣብቶም እግዚኣብሄር ናብኦም ዝወሰደኩም ኣህዛብ ሒደት ቁጽሪ ኽትተርፉ ኢኹም።

²⁸ኣብኡ ነቶም ባኢድ ሰብ እተገብሩ ዘይርእዩ፡ ዘይሰምዑ፡ ዘይበልዑ፡ ዘየጨንቅ ኣማልኽቲ ዕጨይትን እምንን ከተገልግሉ ኢኹም።

²⁹ካብኡ ግና ንእግዚኣብሄር ኣምላኽካ ኣንተ ደሌኻዮ፡ ብኹሉ ልብኻን ብኹሉ ነፍስኻን እንተ ደሌኻዮስ፡ ክትረኽቦ ኢኻ።

³⁰ምስ ጸበበካ፡ እዚ ኹሉ ምስ በጽሓካ፡ ኣብተን ዳሕሮት መዓልታት ናብ እግዚኣብሄር ኣምላኽካ ኽትምለስ ኢኻ፡ ቃሉ ኸአ ክትሰምዕ ኢኻ።

³¹እግዚኣብሄር ኣምላኽካ ርሕሩሕ ኣምላኽ እዩ እሞ፡ ኣይሐድገካን እየጥፍአካን፡ ነቲ ምስ ኣቦታትካ ዝመሓሎ ኺዳን ኣይርስዖን።

³²ካብታ እግዚኣብሄር ንሰብ ኣብ ምድሪ ዝፈጠረላ መዓልቲ፡ ካብቲ ሓደ ወሰን ሰማይ ክሳዕ እቲ ሓደ ወሰን ሰማይ ከምዚ ዝበለ ዓብዩ ነገር ኮይኑ እንተ ኾነ፡ ወይ ነዚ ዚመስል ተሰሚዑ እንተ ኾይኑ፡ ነቲ ቕድሜኻ ዝነበረ ቀዳሞት ዘበናት ጠይቕ።

³³ከምዚ ንስኻ ዝሰማዕካዮ፡ ኣምላኽ ካብ ማእከል ሓዊ ኺዛረብ ቃሉ ዝሰምዔ፡ ብህይወት ከአ ዚነብር ህዝቢዶ ኣሎ፡

³⁴ወይ ከምቲ እግዚኣብሄር ኣምላኽኩም ምእንታኹም ኣብ ግብጺ ኣብ ቅድሚ ዐዓይንኹም ዝገበሮ፡ መጺኡ ብፈተናን ብትእምርትን ብተኣምራትን ብውግእ ብሓያል ኢድን ብዝርግሕቲ ቕልጽምን ብዓብዩ መፍርህን ካብ ማእከል ካልእ ህዝቢ ንእኡ ዚኸውን ህዝቢ ኺወስድ ዝፈተነ ኣምላኽዶ ኣሎ፡

³⁵እግዚኣብሄር ንሱ ኣምላኽ ከም ዝኾነ ብጀካኡ ኻልእ ከም ዜልቦ ምእንቲ ኽትፈልጥ፡ ንኣኻ ተራኣየካ።

³⁶ምእንቲ ኽምህረካ፡ ካብ ሰማይ ድምጹ ኣስምዓካ፡ ቃላቱ ድማ ካብ ማእከል ሓዊ ሰማዕካ።

³⁷ነቦታትካ ስለ ዝፈተዎም ድማ፡ ብድሕሪኦም ንዘርኦም ሐረየ፡ ባዕሉ ኸአ ብዓብዩ ሓይሉ ቀቅድሚኡ ኻብ ግብጺ ኣውጽኣካ።

³⁸ሃገሮም ርስቲ ገይሩ ኺህበካ፡ ናብኣ ምእንቲ ኼእትወካ፡ ከምዚ ሎሚ ኾይንዎ ዘሎ ኻባኻ ዚዐዮን ዚሕይሉን ህዝብታት ካብ ቅድሜኻ ሰጎጎም።

³⁹እምበአር ኣብ ላዕሊ ኣብ ሰማይ ኣብ ትሕቲ ኸአ ኣብ ምድሪ፡ እግዚኣብሄር ንሱ ኣምላኽ ከም ዝኾነ ካልእ ከም ዜልቦ፡ ሎሚ ፍለጥ፡ ኣብ ልብካውን ሕሰቦ።

⁴⁰ንኣኻን ብድሕሬኻን ድማ ንደቅኻን ኪጽብቐልካ፡ ኣብታ እግዚኣብሄር ኣምላኽካ ንሓዋሩ ዚህበካ ምድሪ ኸአ መዓልትታትካ ምእንቲ ኺነውሕ፡ እቲ ኣነ ሎሚ ዝእዝዘካ ዘሎኹ ሕጋጋቱን ትእዛዛቱን ሐሉ።

⁴¹ሽዑ ሙሴ ኣብ ስግር ዮርዳኖስ ብወገን ምብራቕ ስለስተ ኸተማ ፈለየ።

⁴²ቅድም ጽልኢ ዘይነበሮ ብዘይ ፍልጠት ብጻዩ ዝቐተለ ቐታሊ ዘህድመለን፡ ንሱ ናብ ሓንቲ ኻብዘን ከተማታት እዚኤን ሀዲሙ ምእንቲ ብህይወት ኪነብር እዚ ገበረ።

⁴³ንደቂ ሮቤል ቤጾር ኣብ በረኻ ኣብ ጎልጎል፡ ንደቂ ጋድ ከአ ራሞት ናይ ጊልኣድ፡ ንደቂ ምናሴ ድማ ጎላን ኣብ ባሳን።

⁴⁴ሙሴ ድማ ኣብ ቅድሚ ደቂ እስራኣኤል ዘነብሮ ሕጊ እዚ እዩ።

⁴⁵ደቂ እስራኤል ካብ ግብጺ ምስ ወጹ፡ ንሙሴ ዝነገሮም ምስክራትን ሕጋጋትንን ፍርድታትን እዚ እዩ።

⁴⁶ኣብ ስግር ዮርዳኖስ ኣብ ርባ፡ ኣብ መንጽር ቤትጴዖር፡ ኣብ ምድሪ ሲሆን፡ ኣብ ሔስቦን ዝነበረ ንጉስ ኣሞራውያን፡ ሙሴን ደቂ እስራኤልን ካብ ግብጺ ምስ ወጹ ዝወቕዕዎ፡

⁴⁷ምድሩን ምድሪ ዖግ ንጉስ ባሳንን፡ ናይ ክልቲኣኦም ነገስታት ኣሞራውያን፡ ኣብ ማዕዶ ዮርዳኖስ ብምብራቕ ጸሓይ ዝነበረ፡ ሐዙ።

⁴⁸ካባታ ኣብ ገምገም ርባ ኣርኖን ዘላ ዓሮዔር ክሳዕ ከረን ሲዮን፡ ንሱ ኸአ ሄርሞን፡

⁴⁹ኩሉ ኣብ ስግር ዮርዳኖስ ብሸነኽ ምብራቕ ዘሎ ጎልጎል፡ ክስዕ እቲ ኣብ ስግሪ ጎቦታት ጲስጋ ዘሎ ባሕሪ ጎልጎል ድማ ሐዙ።