Read መ/ቅዱስ ትግርኛ, Tigrigna Bible, 1997 መጽሓፍ ኢያሱ ወልደ ነዌ 17 Bible Online

መጽሓፍ ኢያሱ ወልደ ነዌ 17 - መ/ቅዱስ ትግርኛ, Tigrigna Bible, 1997 bible

መጽሓፍ ኢያሱ ወልደ ነዌ 17

¹ንነገድ ምናሴ ድማ፡ በኹሪ ዮሴፍ እዩ እሞ፡ ዕጩ እዚ እዩ፡ ማኪር፡ በኹሪ ምናሴ ኣቦ ጊልዓድ፡ ተውጋኢ ሰብኣይ ነበረ እሞ፡ ጊልዓድን ባሳንን ንእኡ ኾነ።

²ነቶም ዝተረፉ ደቂ ማናሴ ድማ ከከም ዓሌቶም ዕጭ በጽሖም፡ ንደቂ ኣቢዔዘርን ንደቂ ሔለቅን ንደቂ እስራኤልን ንደቂ ሴኬምን ንደቂ ሔፈርን ንደቂ ሸሚዳን፡ ተባዕትዮ ደቂ ምናሴ ወዲ ዮሴፍ፡ ከከም ዓሌቶም እዚኣቶም እዮም።

³ግናኸ ጸሎፈሓድ ወዲ ሔፈር ወዲ ጊልዓድ ወዲ ማኪር ወዲ ምናሴ፡ ኣዋልድ ጥራይ እምበር ኣወዳት ኣይነበርዎን፡ ስም እተን ኣዋልዱ ኸአ እዚ እዩ፡ ማሕላ ኖዓ፡ ሖግላ ሚልካ ቲርጻ።

⁴ኣብ ቅድሚ ኻህን ኣልኣዛርን ኣብ ቅድሚ እያሱ ወዴ ነዌን ኣብ ቅድሚ ሹማምትን ቀሪበን፡ እግዚኣብሄር ንሙሴ ኣብ ማእከል ኣሕዋትና ርስቲ ኺህበና ኣዚዝዎ እዩ፡ በላ። ከምቲ ትእዛዝ እግዚኣብሄር ከአ ኣብ ማእከል ሐወቦታተን ርስቲ ሀበን።

⁵እተን ኣዋልድ ምናሴ ኣብ ማእከል እቶም ደቁ ርስቲ ስለ ዝወረሳ፡ ንምናሴ ብዘይ እታ ኣብ ስግር ዮርዳኖስ ዘላ ምድሪ ጊልዓድን ባሳንን፡ ዓሰርተ ዕጭ ወደቐሉ። ምድሪ ጊልዓድ ከአ ነቶም ዝተረፉ ደቂ ምናሴ ኽነት።

⁶እተን ኣዋልድ ምናሴ ኣብ ማእከል እቶም ደቁ ርስቲ ስለ ዝወረሳ፡ ንምናሴ ብዘይ እታ ኣብ ስግር ዮርዳኖስ ዘላ ምድሪ ጊልዓድን ባሳንን፡ ዓሰርተ ዕጭ ወደቐሉ። ምድሪ ጊልዓድ ከአ ነቶም ዝተረፉ ደቂ ምናሴ ኽነት።

⁷ዶብ ምናሴ ድማ ካብ ኣሴር ናብታ ኣብ መንጽር ሴኬም ዘላ ሚክሜታት ኮነ። እቲ ዶብ ከአ ንየማን ኣቢሉ ናብቶም ኣብ ዔንታጱኣ ዚነብሩ ይሐልፍ።

⁸ምድሪ ታጱኣ ንምናሴ ኾነት፡ እታ ኣብ ዶብ ምናሴ ዘላ ታጷኣ ግና ንደቂ ኤፍሬም ኮነት።

⁹እቲ ዶብ ከአ ናብ ርባቃና ብደቡብ እቲ ርባ ይወርድ። እዘን ከተማታት እዚኤን፡ ኣብ ማእከል ከተማታት ምናሴ ኽንሰን፡ ንኤፍሬም ኮና። ዶብ ምናሴ ድማ ብሰሜን እቲ ርባ እዩ፡ ናብ ባሕሪ ኣቢሉ ኸአ ይወጽእ።

¹⁰ደቡብ ንኤፍሬም፡ ሰሜን ድማ ንምናሴ ኾነ፡ ዶቡ ኸአ ባሕሪ እዩ። ብሰሜን ድማ ንምናሴ ኾነ ዶብ ኸአ ባሕሪ እዩ። ብሰሜን ናብ ኣሴር ብምብራቕ ከአ ናብ ይሳኮር ይበጽሕ።

¹¹ድማ ኣብ ይሳኮርን ኣብ ኣሴርን፡ ቤት ሽኣንን ዓድታታን ዩብልዓምን ዓድታታን ድማ፡ ኣብ ዶር ዚነብሩን ዓድታታን፡ ሰለስቲኤን በረኸት ንምናሴ ኾነ።

¹²ግናኸ ደቂ ምናሴ ንሰብ እዘን ከተማታት እዚኤን ኬውእዎም ኣይከአሉን እሞ፡ ከነኣናውያን ኣብታ ሃገር ኪቕመጡ ቖረጹ።

¹³ኮነ ኸአ፡ ደቂ እስራኤል ምስ ሐየሉ፡ ነቶም ከነኣናውያን ኣገበርዎም እምበር፡ ኣይሰጎግዎምን።

¹⁴ደቂ ዮሴፍ ድማ ንእያሱ፡ ብዙሕ ህዝቢ ኽሳዕ ዝኸውን እግዚኣብሄር ክሳዕ ክንድዚ በሪኹኒ ኸሎስ፡ ስለምንታይ ኢኻ ሓደ ዕጭን ሓደ ኽፍልን ጥራይ ርስቲ ዝሀብካኒ፡ ኢሎም ተዛረብዎ።

¹⁵እያሱ ኸአ፡ ብዙሕ ህዝቢ እንተ ኾንካ እሞ ከረን ኤፍሬም ኣንተ ደአ ጸበበካ፡ ኣብ ምድሪ ፈሪዛውያንን ረፋይምን ናብ ዘሎ ዱር ደይብ፡ ኣብኡ ኸአ ንኣኻ ልበድ፡ በሎም።

¹⁶ደቂ ዮሴፍ ድማ፡ እቲ ኸረን ኣይአኸለናን፡ እቶም ኣብ ምድሪ ለሰ ዚነብሩ ኸነኣናውያንን፡ እቶም ኣብ ቤትሸኣንን ኣብ ዓድታታን ዚነብሩ ኾነ፡ ኣብ ለሰ ይዝርኤል ዚነብሩ ኾነ ኹላቶም ሰረገላታት ሓጺን ኣለዎም፡ በሉ።

¹⁷እያሱ ኸአ ንቤት፡ ዮሴፍ፡ ንኤፍሬምን ንምናሴን፡ ንስኻ ብዙሕ ህዝቢ ኢኻ፡ ዓብዩ ሓይሊውን ኣሎካ፡ ሓደ ዕጭ ትራይ ኣይኾነልካ፡

¹⁸እቲ ኸረን ድማ ንኣኻ ይኹን፡ ዱር ክነሱ፡ ልበዶ እሞ ብዘሎ ናትካ ኪኸውን እዩ። ነቶም ከነኣናውያን ከአ፡ ሰረገላ ሓጺን እኳ እንተለዎም ሓያላትውን እንተ ኾኑ፡ ከተውጽኦም ኢኻ፡ ኢሉ ተዛረቦም።