Read መ/ቅዱስ ትግርኛ, Tigrigna Bible, 1997 መጽሓፍ ኢያሱ ወልደ ነዌ 19 Bible Online

መጽሓፍ ኢያሱ ወልደ ነዌ 19 - መ/ቅዱስ ትግርኛ, Tigrigna Bible, 1997 bible

መጽሓፍ ኢያሱ ወልደ ነዌ 19

¹እቲ ኻልኣይ ዕጭ ድማ ንስምኦን፡ ንነግድ ደቂ ስምኦን ከከም ዓሌቶም ወጸሎም። እቲ ርስቶም ከአ ኣብ ማእከል ርስቲ ደቂ ይሁዳ ነበረ።

²ኣብ ርስቶም ዝኾና ኸአ፡ ብኤርሸባዕን ሸባን ሞላዳን፡

³ሓጻርሹዓልን ባላን ዓጸምን፡

⁴ኤልቶላድን በቱልን ሖርማን፡

⁵ጺቅላግን ቤትማርኮባትን ሓጻርሱሳን፡

⁶ቤትለባኦትን ሻሩሔንን፡ ዓሰርተው ስለስተ ኸተማ ምስ ዓድታተን፡

⁷ዓዩንን ሪሞንን ዔትርን ዓሻንን፡ ኣርባዕተ ኸተማ ምስ ዓድታተን።

⁸ኣብ ዙርያ እዘን ከተማታት እዚኤን ክሳዕ በዓላትብኤር፡ ንሳ ኸአ እታ ናይ ደቡብ ራማ፡ ዘለዋ ኹለን ዓድታት። ርስቲ ነገድ ደቂ ስምኦን ከከም ዓሌቶም እዚ እዩ።

⁹ርስቲ ደቂ ስምኦን ካብ ግደ ይሁዳ ኾነ፡ ግደ ደቂ ይሁዳ ንኣታቶም እምብዛ ገፊሕዎም ነበረ እሞ፡ ስለዚ ደቂ ስምኦን ኣብ ማእከል ርስቲ እቲኣቶም ተረስተዩ።

¹⁰እቲ ሳልሳይ ዕጭ ድማ ንደቂ ዛብሎን ከከም ዓሌቶም ወጸሎም። ዶብ ርስቶም ከአ ክሳዕ ሳሪድ እዩ።

¹¹ዶቦም ድማ ንምዕራብ ናብ ማርዓላ ኣቢሉ ይድይብ እሞ ናብ ዳበሸት ኣቢሉ ናብቲ ኣብ መንጽር ዩቅነዓም ዘሎ ርባ ይበጽሕ።

¹²ካብ ሳሪድ ከአ ናብ ምብራቕ፡ ናብ ምብራቕ ጸሓይ ክሳዕ ዶብ ያፊዓ ድማ ይድይብ።

¹³ካብኣ ኸአ ናብ ምብራቕ ኣቢሉ ናብ ጋትሔፈርን ናብ ዒታቃጺንን ይሐልፍ፡ ናብታ ናብ ኔዓ እትበጽሕ ሪሞን ይወጽእ።

¹⁴እቲ ዶብ ድማ ንእአ ዞይሩ ብሰሜን ገይሩ ናብ ሓናቶን የብል ናብ ለሰ ይፍታሕኤል ከአ ይወጽእ።

¹⁵ቃጣትን ናሃላልን ሺምሮንን ዩድኣላን ቤትልሄምን፡ ዓሰርተው ክልተ ኸተማ ምስ ዓድታተን።

¹⁶ርስቲ ደቂ ዛብሎን ከከም ዓሌቶም እዚ እዩ፡ እዘን ከተማታት እዚኤን ምስ ዓድታተን።

¹⁷እቲ ራብዓይ ዕጭ ይሳኮር፡ ንደቂ ይሳኮር ከከም ዓሌቶም ወጸሎም።

¹⁸ዶቦም ድማ ናይ ይዝርኤልን ኬሱሌትን ሹነምን ይበጽሕ።

¹⁹ናብ ሓፍራዮምን ሺኦንን ኣናሓራትን፡

²⁰ራቢትን ቂሽዮንን ኣቤጽን፡

²¹ሬመትን ዔንጋኒምን ዔንሓዳን ቤትጳጼጽን።

²²እቲ ዶብ ከአ ናብ ታቦርን ሻሃጺማን ቤትሽመሽን ይበጽሕ። እቲ ዶቦም ድማ ናብ ዮርዳኖስ ይወጽእ፡ ዓሰርተው ሹዱሽተ ምስ ዓድታተን።

²³ርስቲ ነገድ ይሳኮር ከከም ዓሌቶም እዚ እዩ፡ እተን ከተማታት ምስ ዓድታተን።

²⁴እቲ ሓምሳይ ዕጭ ከአ ንነገድ ደቂ ኣሴር ከከም ዓሌቶም ወጸሎም።

²⁵ዶቦም ድማ ሔልቃትን ሓሊን ቤጤንን ኣክሻፍን እዩ፡

²⁶ድማ ኣላመሌክን ዓምዓድን ምሽኣልን፡ ብወገን ምዕራብ ከአ ናብ ካርሜልን ናብ ሺሖርሊብናትን ይበጽሕ።

²⁷ንምብራቕ ጸሓይ ኣቢሉ ናብ ቤት ዳጎን ይምለስ፡ ናብ ዛብሎንን ናብ ለሰ ይፍታሕኤል ኣብ ሰሜን ቤትዔመቅን ነዒኤልን በጺሑ፡ ብጸጋም ካቡል ይወጽእ።

²⁸ድማ ናብ ዔብሮንን ናብ ሬሖብን ናብ ሓሞንን ናብ ቃናን ክሳዕ እታ ዓባይ ሲዶን ይበጽሕ።

²⁹እቲ ዶብ ድማ ብራማ ኣቢሉ ኽሳዕ እታ እተዐርደት ከተማ ጢሮስ ይምለስ፡ እቲ ዶብ ከአ ናብ ሓሳ ይምለስ እሞ ናብ ባሕሪ ምድሪ ኣክዚብ ይወጽእ።

³⁰ድማ ዑማን ኣፌቅን ሬሖብን፡ ዕስራን ክልተን ከተማ ምስ ዓድታተን።

³¹ርስቲ ነገድ ደቂ ኣሴር ከከም ዓሌቶም እዚ እዩ፡ እዘን ከተማታት እዚኤን ምስ ዓድታተን።

³²እቲ ሳድሳይ ዕጭ ንደቂ ንፍታሌም፡ ንደቂ ንፍታሌም ከከም ዓሌቶም ወጸሎም።

³³ዶቦም ድማ ካብ ሔሌፍን ካብታ ኣብ ጸዓርኒም ዘላ ኤሎንን ኣዳሚኔቄብን ያብኔኤልን ክሳዕ ላቁም በጺሑ፡ ናብ ዮርዳኖስ ይወጽእ።

³⁴እቲ ዶብ ድማ ንሞራብ ኣቢሉ፡ ናብ ኣዝኖትታቦር ይምለስ፡ ካብኡ ኸአ ናብ ሑቆት ይወጽእ እሞ ብደቡብ ናብ ዛብሎን ብምዕራብውን ናብ ኣሴር፡ ብምብራቕ ጸሓይ ድማ ናብ ይሁዳ ዮርዳኖስ ይበጽሕ።

³⁵እተን እተዐርዳ ኸተማታት ድማ ጺድምን ጼርን ሓማትን ራቃትን ኪነሬትን፡

³⁶ኣዳማን ራማን ሓጾርን፡

³⁷ቄዴሽን ኤድሬዒን ዔንሓጾርን፡

³⁸ዪርኣንን ሚግዳልኤልን ሖሬምን ቤትዓናትን ቤትሽመሽን፡ ዓሰርተው ትሽዓተ ኸተማ ምስ ዓድታተን እየን።

³⁹ርስቲ ነገድ ደቂ ንፍታሌን ከከም ዓሌቶም እዚ እዩ፡ እዘን ከተማታት እዚኤን ምስ ዓድታተን።

⁴⁰እቲ ሳብዓይ ዕጭ ንነገድ ደቂ ዳን ከከም ዓሌቶም ወጸሎም።

⁴¹ዶብ ርስቶም ድማ ጸርዓን ኣኤሽታኦልን ዔርሽመሽን፡

⁴⁶መያርቆንን ራቆንን ምስቲ ኣብ መንጽር ያፎ ዘሎ ዶብ።

⁴⁷እቶም ደቂ ዳን ድማ ደየቡ እሞ ንሌሼም ተዋጊኦም ሐዝዋ፡ ብስሕለት ሴፍ ከአ ኣጥፍእዋ፡ ወሪሶም ድማ ተቐመጥዋ እሞ፡ ዶብ ደቂ ዳን ካብ ናቶም ሓሊፉ ወጸ፡ ንለሼም ከአ። ከም ስም ኣቦኦም፡ ዳን ኢሎም ሰመይዋ።

⁴⁸ርስቲ ነገድ ደቂ ዳን ከከም ዓሌቶም እዚ እዩ፡ እዘን ከተማታት እዚኤን ምድ ዓድታተን።

⁴⁹ነታ ምድሪ በብዶብ ንርስቲ ምስ ተማቐልዋ ኸአ፡ ደቂ እስራኤል ንእያሱ ወዲ ነዌ ኣብ ማእከሎም ርስቲ ሀብዎ።

⁵⁰ከም ትእዛዝ እግዚኣብሄር እታ ዝደለያ ኣብ ከረን ኤፍሬም ዘላ ኸተማ፡ ቲምናትሴራ ሀብዎ። ነታ ኸተማ ሰርሓ፡ ኣብኣ ድማ ተቐመጠ።

⁵¹እቲ ኻህን ኣልኣዛርን እያሱ ወዲ ነዊውን ዋናታት ማይ ቤት ኣቦታት ነገዳት ደቂ እስራኤልን ኣብ ሺሎ፡ ኣብ ቅድሚ እግዚኣብሄር ኣብ ደገ ድንኳን ምርኻብ ኮይኖም፡ ብዕጭ ዝመቐልዎ ርስትታት እዚ እዩ። ምምቃል እታ ምድሪ ኸአ ወድኡ።