Read መ/ቅዱስ ትግርኛ, Tigrigna Bible, 1997 መጽሓፍ ኢያሱ ወልደ ነዌ 24 Bible Online

መጽሓፍ ኢያሱ ወልደ ነዌ 24 - መ/ቅዱስ ትግርኛ, Tigrigna Bible, 1997 bible

መጽሓፍ ኢያሱ ወልደ ነዌ 24

¹እያሱ ድማ ንኹሎም ነገዳት እስራኤል ኣብ ሴኬም ኣከቦም፡ ነቶም ዓበይቲ እስራኤልን ንሓላቑኦምን ንፈረዶምን ንመኳንንቶምን ከአ ጸዎዖም፡ ኣብ ቅድሚ ኣምላኽ ከአ ቐረቡ።

²እያሱ ድማ ብዘሎ ህዝቢ በሎ፡ እግዚኣብሄር ኣምላኽ እስራኤል ከምዚ ይብል፡ ካብ ጥንቲ ኣቦታትኩም ታራ ኣቦ ኣብርሃምን ኣቦ ናሆርን፡ ኣብ ክንየው ርባ ይቐመጡ ነበሩ፡ ንኻልኣት ኣማልኽቲ ድማ የገልግሉ ነበሩ።

³ነቦኹም ኣብርሃም ከአ ካብ ክንየው ርባ ወሲደ፡ ኣብ ኩሉ ምድሪ ኸነኣን መራሕኩም ዘርኡውን ኣብዛሕኩም ይስሃቅ ከአ ሀብክዎ።

⁴ይስሃቅ ድማ ያእቆብን ኤስዋን ሀብክዎ። ንኤሳው ከአ ከረን ስዔር ኪርትስያ ሀብክዎ። ንያእቆብን ንደቁን ድማ ናብ ግብጺ ወረዱ።

⁵ንሙሴን ንኣሮንን ልኢኸ ኸአ ንግብጺ ከምቲ ኣብ ማእከላ ዝገበርክዎ ገይረ፡ ወቓዕክዎ፡ ድሕርቲ ድማ ኣውጻእክዎም፡ ናብ ባሕሪ ድማ በጻሕኩም። እቶም ግብጻውያን ከአ ነቦታትኩም ብሰረገላታት በፍራስን ክሳዕ ባሕሪ ኤርትራ ሰጎግዎም።

⁶ናብ እግዚኣብሄር ምስ ተማህለሉ፡ ኣብ መንጎኹምን ኣብ መንጎ ግብጻውያንን ጸልማት ገበረ፡ ነቲ ባሕሪ ኸአ ናብ ልዕሊኦም ሰዲዱ ደፈኖምል። እቲ ንግብጻውያን ዝገበርክዎ ኸአ፡ ኣዒንትኹም ርእየነኦ። ኣብ በረኻ ድማ ነዊሕ ዘበን ነበርኩም።

⁷ናብ እግዚኣብሄር ምስ ተማህለሉ፡ ኣብ መንጎኹምን ኣብ መንጎ ግብጻውያንን ጸልማት ገበረ፡ ነቲ ባሕሪ ኸአ ናብ ልዕሊኦም ሰዲዱ ደፈኖምል። እቲ ንግብጻውያን ዝገበርክዎ ኸአ፡ ኣዒንትኹም ርእየነኦ። ኣብ በረኻ ድማ ነዊሕ ዘበን ነበርኩም።

⁸ናብ ምድሪ እቶም ኣብ ስግር ዮርዳኖስ ዝነበሩ ኣሞራውያን ኣእቶኹኩም፡ ንሳቶም ድማ ተዋግኡኹም ኣነ ኸአ ንኣታቶም ኣብ ኢድኩም ሀብኩኹም፡ ምድሮም ድማ ወረስኩም ካብ ቅድሜኹም ኣጥፋእክዎም።

⁹ሽዑ ድማ ባላቅ ወዲ ጺጶር ንጉስ ሞኣብ፡ ተንሲኡ ንእስራኤል ተዋግኦም፡ ንበለዓም ወጺ ጴዖር ድማ፡ ምእንቲ ኺረግመኩም ልኢኹ ጸውዖ።

¹⁰ኣነ ግና ንበላዓም ክሰምዖ ኣይፈቶኹን፡ ስለዚ ንጉስ ኣጸቢቑ ደአ ባረኸኩም፡ ካብ ኢዱ ኸአ ኣድሓንኩኹም።

¹¹ንዮርዳኖስ ተሳጊርኩም ድማ ናብ ያሪኮ መጻእኩም እሞ፡ ሰብ ያሪኮን ኣሞራውያንን ፈረዛውያንን ከነኣናውያንን ሔታውያንን ጌርጌሳውያንን ሃዋውያንን ይቡሳውያንን ድማ ተዋግኡኹም፡ ኣነ ኸአ ንኣታቶም ኣብ ኢድኩም ሀብኩኹም።

¹²ነቶም ክልተ ነገስታት ኣሞራውያንን ድማ ኣብ ቅድሜኹም ዝሰጎጎም ዕኮት ኣብ ቅድሜኹም ሰደድኩ እምበር ብሴፍካን ብቐስትኻን ኣይኮነን፡

¹³ዘይጸዐርካላ ምድርን ዘይነደቕኩምወን ከተማታት ሀብኩኹም፡ ኣብኤን ከአ ትነብሩ ኣሎኹም፡ ካብ ዘይተኸልኩምዎ ወይንታትን ኣዋልዕን ድማ ትበልዑ ኣሎኹም።

¹⁴ሕጂ ኸአ ንእግዚኣብሄር ፍርህዎ ብፍጹምና ብእምነትን ኣገልግልዎ። ንእግዚኣብሄር ድማ ኣገልግልዎ።

¹⁵ንእግዚኣብሄር ምግልጋል ክፉእ ኮይኑ እንተ ተራእየኩምሲ ንመን ከም እተገልግሉ፡ ነቶም ኣቦታትኩም ኣብ ክንየው ርባ ዜገልግልዎም ዝነበሩ ኣማልኽቲ ወይ ኣማልኽቲ ናይቶም ንስኻትኩም ኣብ ምድሮም እትነብሩ ዘሎኹም ኣሞራውያን ሎሚ ሕረዩ። ኣነን ቤተይን ግና ንእግዚኣብሄር ኢና እነገልግል።

¹⁶ሽዑ እቲ ህዝቢ መለሰ በለውን፡ እቲ ንኣናን ነቦታትናን ካብ ምድሪ ግብጺ ኻብ ቤት ባርነት ዘደየበና፡ እዚ ዓበይቲ ተአምራት እዚ ኸአ ኣብ ቅድሚ ኣዒንትና ዝገበረ፡ ኣብ ኩሉ ዝኸድናዮ መገድን ኣብቶም ብማእከሎም ዝሓለፍና ኹሎም ህዝብታትን ዝሐለውና ንሱ እግዚኣብሄር ኣምላኽና እዩ ኣሞ፡ ንእግዚኣብሄር ሓዲግና ንኻላኦት ኣምላኽቲ ምግልጋልሲ ኻባና ይርሓቕ።

¹⁷ሽዑ እቲ ህዝቢ መለሰ በለውን፡ እቲ ንኣናን ነቦታትናን ካብ ምድሪ ግብጺ ኻብ ቤት ባርነት ዘደየበና፡ እዚ ዓበይቲ ተአምራት እዚ ኸአ ኣብ ቅድሚ ኣዒንትና ዝገበረ፡ ኣብ ኩሉ ዝኸድናዮ መገድን ኣብቶም ብማእከሎም ዝሓለፍና ኹሎም ህዝብታትን ዝሐለውና ንሱ እግዚኣብሄር ኣምላኽና እዩ ኣሞ፡ ንእግዚኣብሄር ሓዲግና ንኻላኦት ኣምላኽቲ ምግልጋልሲ ኻባና ይርሓቕ።

¹⁸እግዚኣብሄር ነዞም ህዝብታት እዚኦም ኩሎም ነቶም ኣብዛ: ንሱ ኣምላኽና እዩ እሞ፡ ንሕና ኸአ ንእግዚኣብሄር ነገልግሎ።

¹⁹እያሱ ድማ ነቲ ህዝቢ በለ፡ ንሱ ቅዱስ ኣምላኽ ንሱ ኸአ ቀናእ ኣምላኽ እዩ፡ ኣበሳኹምን ሓጢኣትኩምን ኣይሓድገልኩምን እዩ እሞ፡ ንእግዚኣብሄር ከተገልግልዎ ኣይትኽእሉን፡

²⁰ንእግዚኣብሄር ሓዲግኩም ንጓኖት ኣማልኽቲ ድማ እንተ ኣገልግለልኩም፡ ንሱ ድሕርቲ ጽቡቕ ምስ ገበረልኩም ከአ መሊሱ ኽፉእ ኪገብረኩምን ኪውድኣኩምን እዩ።

²¹እቲ ህዝቢ ድማ ንእያሱ፡ ኣይፋልናን፡ ንእግዚኣብሄር ደአ ነገልግል፡ በለ።

²²እያሱ ኸአ ነቶም ህዝቢ፡ ንስኻትኩም ንእግዚኣብሄር ከተገልግልዎ ኢልኩም ከም ዝሓሬኹምዎ ንስኻትኩም ንርእስኹም ምስክር ኢኹም፡ በሎም። ንሳቶም ድማ፡ ምስክር ኢኹም በልም።

²³እምበአር ሕጅስ ነቶም ኣብ ማእከልኩም ዘለው ጓኖት ኣማልኽቲ ኣግልስዎም እሞ ልብኹም ናብ እግዚኣብሄር ኣምላኽ እስራኤል ኣቢልኩም ኣቕንዑ።

²⁴እቶም ህዝቢ ድማ፡ ንእያሱ፡ ንእግዚኣብሄር ኣምላኽና ነገልግል ቃሉ ኸአ ንሰምዕ በልዎ።

²⁵እያሱ ድማ በታ መዓልቲ እቲኣ ምስቲ ህዝቢ ኺዳን ኣተወ፡ ሕግን ፍርድን ከአ ኣብ ሴኬም ኣቖመሉ።

²⁶እያሱ ድማ ነዚ ነገር እዚ ኹሉ ኣብ መጽሓፍ ሕጊ ኣምላኽ ጸሐፎ። ዓብዩ እምኒ ወሲዱ ኸአ፡ ኣብ ትሕቲ እታ ኣብ መቕደስ እግዚኣብሄር ዝነበረት ድማ ኣቖሞ።

²⁷እያሱ ድማ ንኹሉ እቲ ህዝቢ፡ እንሆ፡ እዚ እምኒ እዚ ነቲ እግዚኣብሄር እተዛረበና ኹሉ ቓላት ሰሚዕዎ እዩ ኣሞ፡ ኣባና ምስክር ኪኸውን እዩ፡ ንስኻትኩም ንኣምላኽኩም ምእንቲ ኽይትኽሕዱስ፡ ኣባኻትኩም ምስክር ኪኸውን እዩ፡ በሎ።

²⁸ሽዑ እያሱ ነቲ ህዝቢ፡ ንነፍሲ ወከፍ ነናብ ርስቱ ሰደዶ።

²⁹ድሕርዚ ነገር እዚ ኸአ ኮነ፡ እያሱ ወዲ ነዌ፡ ባርያ እግዚኣብሄር፡ ወዲ ሚእትን ዓሰርተን ዓመት ምስ ኮነ ሞተ።

³⁰ኣብ ዶብ ርስቱ ኣብ ከረን ኤፍሬም፡ ኣብታ ኣብ ሰሜን ከረን ጋዓሽ ዘላ ቲምናትሲራሕ ድማ ቀበርዎ።

³¹እስራኤል ከአ፡ ብኹሉ ዘበን እያሱን ብኹሉ ዘበን እቶም ብድሕሪ እያሱ ነዊሕ ዝጸንሑ እሞ እቲ እግዚኣብሄር ንእስራኤል ዝገበረሎም ኩሉ ግብሪ ዝፈለጡ ዓበይትን፡ ንእግዚኣብሄር የገልግል ነበረ።

³²እቲ ደቂ እስራኤል ካብ ግብጺ እተማልእዎ ዓጽሚ ዮሴፍ ድማ ኣብታ ያእቆብ ካብ ደቂ ሓሞር ኣብ ሴኬም ብሚእቲ ቀሲጣ ዝዐደጋ ግራት፡ ኣብ ሴኬም ቀበርዎ። ንደቂ ዮሴፍ ድማ ርስቲ ኾነቶም።

³³ኣልኣዛር ወዲ ኣሮን ድማ ሞተ፡ ኣብታ ኣብ ከረን ኤፍሬም ዘላ ንወዱ ፊንሃስ እተዋህበት፡ ኣብ ጊብዓ ቐበርዎ።