Read መ/ቅዱስ ትግርኛ, Tigrigna Bible, 1997 መጽሓፍ ኢያሱ ወልደ ነዌ 9 Bible Online

መጽሓፍ ኢያሱ ወልደ ነዌ 9 - መ/ቅዱስ ትግርኛ, Tigrigna Bible, 1997 bible

መጽሓፍ ኢያሱ ወልደ ነዌ 9

¹ኮነ ኸአ፡ እቶም ኣብ ስግር ዮርዳኖስ ኣብ ከረንን ቁላን ኣብ ገምገም እቲ ዓብዩ ባሕሪ ብሸነኽ ሊባኖስ ዚነብሩ ኹሎም ነገስታት፡ ሔታውያንን ኣሞራውያንን ከነኣናውያንን ፈረዛውያንን ሃዋውያንን ይቡሳውያንን እዚ ምስ ሰምዑ፡

²ምስ እያሱን ምስ እስራኤልን ኪዋግኡ ብሓደ ኾይኖም ተአኪቦም ተሰማምዑ።

³ሰብ ጊብዓ ከአ እያሱ እቲ ኣብ ያሪኮን ኣብ ዓይን ዝገበሮ ምስ ሰምዑ፡

⁴ንሳቶም ድማ ተንኮል ገበሩ፡ ከም ልኡኻት መሲሎም፡ ኣረገውቲ ዓያብትን ቅዱድን እተለገበን ኣሕርብቲ ወይኒ ድማ ኣብ ኣእዱጎም ጽዒኖም፡

⁵ኣረጊት እትለገበ ኣሳእን ከአ ኣብ ኣእጋሮም ገይሮም፡ ብላይ ክዳውንቲውን ተኸዲኖም ከዱ። ኩሉ እንጌራ ስንቆም ድማ ዝነቐጸን እተረፋረፈን ነበረ።

⁶ናብ እያሱ ናብቲ ሰፈር ኣብ ጊልጋል ከይዶም ከአ፡ ንእኡን ንሰብ እስራኤልን፡ ካብ ርሑቕ ሃገር ዝመጻእና ኢና፡ ሕጂ ድማ ምሳና ኺዳን እተው፡ በልዎም።

⁷ሰብ እስራኤል ከአ ንሃዋውያን፡ ምናልባሽ ኣብ ማእከልና ትነብሩ ኸይትኾኑ፡ ከምይ ጌርና ምሳኻትኩም ኪዳን ክንአቱ፡ በልዎም።

⁸ንእያሱ ኸአ፡ ንሕና ገላውኻ ኢና፡ በልዎ። እያሱ ድማ እንታዎት ኢኹም ካበይከ መጺእኩም፡ በሎም።

⁹ንሳቶም ከአ በልዎ፡ ወሪኡን እቲ ኣብ ግብጺ ዝገበሮ ኹሉን ሰሚዕና እሞ፡ ገላውኻ ምእንቲ ምስ እግዚኣብሄር ኣምላኽካ ኻብ ኣዝዩ ርሑቕ ሃገር ዝመጻእና ኢና።

¹⁰እቲ ነቶም ኣብ ስግር ዮርዳኖስ ዝነበሩ ኽልተ ነገስታት ኣሞራውያን፡ ንሲሆን ንጉስ ሔስቦንን፡ ነቲ ኣብ ኣስታሮት ዝነበረ ዖግ ንጉስ ባሳንን፡ ዝገበሮ ኹሉ ድማ ሰሚዕና።

¹¹እቶም ዓበይትን ኣብ ሀግርና ዚነብሩ ኹሎም ከምዚ ኢሎም ተዛረቡና፡ ስንቂ ንመገዲ ኣብ ኢድኩም ውሰዱ፡ ክትቀባበልዎም ድማ ኪዱ። ንሕና ገላውኹም ኢና፡ ሕጂ ኸአ ኪዳን እተውልና፡ በልዎም።

¹²እዚ እንጌራና በታ ናባኻትኩም ክንከይድ ዝወጻእናላ መዓልቲ ካብ ኣባይትና ብውዑዩ ሰነቕናዮ፡ ሕጂ ግና እንሆ፡ ነቒጹን ተረፋሪፉን እዩ።

¹³እዚ ኣሕርብቲ ወይኒ ኸአ ብሓደስቱ ዝመላእናዮ፡ እንሆ ተቐዲዱ፡ እዚ ኽዳውንትናን ኣሳእናን ድማ ካብ ምንዋሕ መገዲ በልዩ።

¹⁴ሽዑ እቶም ሰባት ካብቲ ስንቆም ወሰዱ፡ ንኣፍ እግዚኣብሄር ከአ ኣይጠየቑን።

¹⁵እያሱ ድማ ምሳታቶም ሰላም ገበረ፡ ብህይወቶም ኪሓድጎም ከአ ኪዳን አተወሎም። ሹማምቲ እቲ ኣኼባውን መሐሉሎም።

¹⁶ኮነ ኸአ፡ ምሳታቶም ኪዳን ምስ ኣተው፡ ብድሕሪ ሰለስተ መዓልቲ ጎረቤቶም ምዃኖም፡ ኣብ ማእከሎም እኳ ደአ ኸም ዚነብሩ ሰምዑ።

¹⁷ደቂ እስራኤል ከአ ነቒሎም ብሳልሰይቲ መዓልቲ ናብ ከተማታቶም መጹ። እተን ከተማታቶም ከአ ጊብዖንን ከፊራን ቤኤሮትን ቂርያት የዓሪምን እየን።

¹⁸ግናኸ ደቂ እስራኤል ኣምላኽ እስራኤል ምሒሎሙሎም ስለ ዝነበሩ፡ ኣይቀተልዎምን። ብዘሎ እቲ ኣኼባ ኸአ ብስም እግዚኣብሄር ኣምላኽ እስራኤል ምሒሎምሎም ስለ ዝነበሩ፡ ኣይቀተልዎምን። ብዘሎ እቲ ኣኼባ ኸአ ኣብቶም ሹማምቲ ኣጉረምረሙ።

¹⁹እቶም ሹማምቲ ኹሎም ድማ ንብዘሎ እቲ ኣኼባ፡ ንሕና ብእግዚኣብሄር ኣምላኽ እስራኣኤል ምሒልናሎም ኢና፡ ሕጂ ኸአ ክንትንክዮም ኣይንኽእልን።

²⁰ብዛዕባ እቲ ዝመሓልናሎም ማሕላ መዓት ከይወርደናስ፡ ከምዚ ግዳ ንግበሮም፡ ብህይወት ንሕደጎም፡ በልዎ።

²¹እቶም ሹማምቲ፡ ብህይወት ይንበሩ በልዎም። ግናኸ፡ ከምቲ ሹማምቲ ዝበልዎም፡ ንብዘሎ ኣኼባ ቑረጽቲ ዕጨይትን ወረዲ ማይን ኮኑ።

²²እያሱ ድማ ናብኡ ጸዊዑ፡ ኣብ ማእከልና ኽነስኹምሲ፡ ንሕና ኻባኹም ኣዚና ርሑቓት ኢና፡ ብምባልኩም ስለምንታይ ጠበርኩምና፡

²³ሕጂ ድማ ንስኻትኩም ርጉማት ኢኹም፡ ባርነት ከአ ካባኻትኩም ኣይለቀቕን። ንቤት ኣምላኸይ ቖረጽቲ ዕጨይትን ወረዲ ማይን ክትኮኑ ኢኹም፡ ኢሉ ተዛረቦም።

²⁴ንሳቶም ድማ ንእያሱ፡ እቲ እግዚኣብሄር ኣምላኽ ንሙሴ ባርያኡ ብዘላ ምድሪ እዚኣ ኺህበኩም፡ ኣብዛ ሃገር እዚ ገበርና።

²⁵ሕጂ ድማ እንሆ፡ ኣብ ኢድካ ኢና፡ ንኣና ኽትገብሮ ጽቡቕን ቅኑዕን መሲሉ እተራእየካ ግበር፡ ኢሎም መለሱሉ።

²⁶ከምኡ ከአ ገበሮም፡ ካብ ኢድ ደቂ እስራኤል ድማ ኣናገፎም፡ ንሳቶምውን ኣይቀተልዎምን።

²⁷እያሱ ኸአ፡ በታ መዓልቲ እቲኣ ነቲ ኣኼባን ንመሰውኢ እግዚኣብሄርን ኣብታ ንሱ ዝሐረያ ቦታ ኽሳዕ እዛ መዓልቲ እዚኣ ቖረጽቲ ዕጨይትን ወረዲ ማይን ገብሮም።