Read መ/ቅዱስ ትግርኛ, Tigrigna Bible, 1997 መጽሓፍ መሣፍንት 10 Bible Online

መጽሓፍ መሣፍንት 10 - መ/ቅዱስ ትግርኛ, Tigrigna Bible, 1997 bible

መጽሓፍ መሣፍንት 10

¹ድሕሪ ኣቢሜሌክ ከአ ቶላ ወዲ ጲኣ፡ ወዲዶዶ ካብ ሰብ ይሳኮር፡ ንምድሓን እስራኤል ተንስኤ፡ ንሱ ድማ ኣብ ከረን ኤፍሬም ካብ ሻሚር ይቕመጥ ነበረ።

²እስራኤል ከአ ዕስራን ሰለስተን ዓመት ፈረደ፡ ሞተ ድማ፡ ኣብ ሻሚር ከአ ተቐብረ።

³ድሕሪኡ ማ ያኢር ጊልዓዳዊ ተንስኤ፡ ንእስራኤል ከአ ዕስራን ክልተን ዓመት ፈረደ።

⁴ንሱ ሰላሳ ገልገል ኣድጊ ዚውጥሑ ዝነበሩ፡ ሰላሳ ደቂ ነበርዎ፡ ኣብ ምድሪ ጊልዓድ ዘለዋ ሰላሳ ኸተማ ኸአ ነበራኦም፡ ንሳተን ክሳዕ ሎሚ ዓድታት ያኢር ይብሀላ ኣለዋ።

⁵ያኢር ድማ ሞተ፡ ኣብ ቃሞን ከአ ተቕብረ።

⁶ደቂ እስራኤል ድማ መሊሶም ኣብ ቅድሚ እግዚኣብሄር ክፉእ ገበሩ፡ ንበዓላትን ንኣስታርቴታትን ንኣማልኽቲ ኣራምን ንኣማልኽቲ ሲዶንን ንኣማልኽቲ ሞኣብን ንኣማልኽቲ ዲ ዓሞንን ንኣማልኽቲ ፍልስጥኤማውያንን ኣገልግለሉ፡ ንእግዚኣብሄር ግና ሓደግዎ እምበር፡ ኣየገልገልዎን።

⁷ሽዑ ኹራ እግዚኣብሄር ኣብ እስራኤል ነደደ፡ ኣብ ኢድ ፍልስጥኤማውያንን ኣብ ኢድ ደቂ ዓሞንን ከአ ሸጦም።

⁸ንሳቶም ከአ በታ ዓመት እቲኣ ንደቂ እስራኤል ሳቐይዎምን ኣጥቅዕዎምን። ነቶም ኣብ ስግር ዮርዳኖስ፡ ኣብታ ኣብ ጊልዓድ ዘላ ምድሪ ኣሞራውያን ዚነብሩ ኹሎም ደቂ እስራኣኤል ድማ ዓሰርተው ሾሞንተ ዓመት ኣጥቅዕዎም።

⁹እቶም ደቂ ዓሞን ድማ ምስ ይሁዳን ምስ ቢንያምን ምስ ቤት ኢፍሬምን ኪዋግኡኡ ዮርዳኖስ ተሳገሩ እሞ፡ እስራኤል ኣዝዩ ጸበቦ።

¹⁰ሽዑ ደቂ እስራኤል፡ ንኣምላኽና ሓዲግና ንበዓላት ኣገልግሊና ኢና እሞ፡ በዲልናካ ኢና ኢሎም ናብ እግዚኣብሄር ተማህለሉ።

¹¹እግዚኣብሄር ድማ ንደቂ እስራኤል በሎም፡ ካብ ግብጻውያንን ካብ ኣሞራውያንን ካብ ደቂ ዓሞንን ካብ ፍልስጥኤማውያንንዶ ኣየድሐንኩኹምን፡

¹²እቶም ሲዶናውያንን ኣማሌቃውያንን ማኦናውያንን ምስ ጠቕዑኹም ከአ፡ ናባይ ተማህለልኩም እሞ ካብ ኣእድዎም ኣድሓንኩኹም።

¹³ንስኻትኩም ግና ንኣይ ሓዲግኩም ንኻልኦት ኣማልኽቲ ኣገልገልኩም፡ ስለዚ ድሕሪ ደጊም ኣየድሕነኩምን እየ።

¹⁴ብጊዜ ጸበባኹም ኬድሕኑኹምስ ናብቶም ዝሓሬኹምዎም ኣማልኽቲ ደአ ኼድኩም ተማህለሉ።

¹⁵ደቂ እስራኤል ድማ ንእግዚኣብሄር፡ በዲልና ኢና፡ ሓንትስ በዛ መዓልቲ እዚኣ ደኣ ኸተድሕነና ንልምነካ ኣሎና እምበር፡ ከምቲ ዚሓይሽ ኮይኑ እተራእየካ ኹሉ ግበረና፡ በልዎ።

¹⁶ሽዑ ነቶም ጓኖት ኣማልኽቲ ኻብ ማእከሎም ደርብዮም ንእግዚኣብሄር ኣገልግልዎ። ነፍሱ ኸአ ብመከራ እስራኤል ተጨነቐት።

¹⁷ደቂ ዓሞን ድማ ብኣውያት ተአኪቦም ኣብ ጊልዓድ ሰፈሩ፡ ደቂ እስራኤልውን ተአኪቦም ኣብ ሚጽዓ ሰፈሩ።

¹⁸እቶም ህዝቢ ድማ ዓሞን ኪዋጋእ ዚጅምር ኣየናይ ሰብኣይ እዩ፡ ንሱ ነቶም ኣብ ጊልዓ ዝነብሩ ኹሎም ሓላቕ ይኹን ተባሃሀሉ።