Read መ/ቅዱስ ትግርኛ, Tigrigna Bible, 1997 መጽሓፍ መሣፍንት 7 Bible Online

መጽሓፍ መሣፍንት 7 - መ/ቅዱስ ትግርኛ, Tigrigna Bible, 1997 bible

መጽሓፍ መሣፍንት 7

¹የሩብበዓል ንሱ ጊደዎን፡ እቲ ምስኡ ዝነበረ ኹሉ ህዝቢ ድማ ንጽብሒቱ ኣንጊሆም ተንስኡ፡ ኣብ ዓይኒ ማይ ሓሮድ ከአ ሰፈሩ። ሰፈር ሚድያን ድማ ብወገን ሰሜኖም ኣብ ኩርባ ሞሬ፡ ኣብቲ ለሰ ነበረ።

²እግዚኣብሄር ንጊዴዎን፡ ኣነ ንሚድያን ኣብ ኢዶም ከይሀቦም፡ እስራኤል፡ ኢደይ ኣድሐነትኒ፡ ኢሉ ኸይዕበየለይ፡ እዚ ምሳኻ ዘሎ ህዝቢ እምብዛ በዚሑ፡ ፈራህን ተሸበርን ዘበለ ይመለስ፡ ካብ ከረን ጊልዓድ ይኺድ፡ ኢልካ ኣውጅ በሎ። ሽዑ ኻብቶም ህዝቢ ዕስራን ክልተን ሽሕ ተመልሱ፡ ዓሰርተ ሽሕ ከአ ተረፉ።

³እግዚኣብሄር ድማ ንጊዴዎን፡ እዚ ህብዚ ገና ብዙሕ እዩ፡ ናብ ማይ ኣውርዶም፡ ኣብኡ ንኣታቶም ክፍትነልካ ኣየ። ኪኸውን ድማ እዩ፡ እቲ ኣነ፡ እዚ ምሳኻ ይኺድ፡ ዝብለካ፡ ንሱ ምሳኻ ይኺድ፡ እቲ፡ ምሳኻ ኣይኺድ፡ ዝበለካ ዘበለ ኸአ፡ ንሱ ኣይኺድ በሎ።

⁴እግዚኣብሄር ድማ ንጊዴዎን፡ እዚ ህብዚ ገና ብዙሕ እዩ፡ ናብ ማይ ኣውርዶም፡ ኣብኡ ንኣታቶም ክፍትነልካ ኣየ። ኪኸውን ድማ እዩ፡ እቲ ኣነ፡ እዚ ምሳኻ ይኺድ፡ ዝብለካ፡ ንሱ ምሳኻ ይኺድ፡ እቲ፡ ምሳኻ ኣይኺድ፡ ዝበለካ ዘበለ ኸአ፡ ንሱ ኣይኺድ በሎ።

⁵ሽዑ ነቲ ህዝቢ ናብ ማይ ኣውረዶ፡ እግዚኣብሄር ድማ ንጊዴውን፡ ነቲ ኸም ኣሳትያ ኸልቢ ማይ ብልሳኑ ዚሰቲ ዘበለ፡ ንእኡ ንበይኑ፡ ነቲ ብብርኩ ተደቢሩ ዚሰቲውን ከምኡ ገብሮ፡ በሎ።

⁶ቁጽሪ እቶም ብኢዶም ንኣፎም ማይ ዝሰትዩ ኸአ ስለስተ ሚእቲ ሰብ ኮኑ። እቶም ዝተረፉ ኹሎም ህዝቢ ግና ማይ ኪሰትዩ፡ ብብርኮም ተምበርኪኾም ደነኑ።

⁷እግዚኣብሄር ድማ ንጊዴዎን፡ በዞም ብኢዶም ዝሰተዩ ሰለስተ ሚእቲ ሰብኣይ ከድሕነኩም እየ፡ ሚድያናውያን ከአ ኣብ ኢድካ ኽህበካ እየ። እቲ ህዝቢ ኹሉ ድማ ነፍሲ ወከፍ ነናብ ቦትኡ ይኺድ በሎ።

⁸ሽዑ እቶም ህዝቢ ብኢዶም ስንቆምን መለኸቶምን ወሰዱ፡ ንኹሎም ሰብ እስራኤል ከአ ነፍሲ ወከፍ ነናብ ድንኳኖም ሰደዶም፡ ነቶም ሰለስተ ሚእቲ ሰብ ግና ኣትረፎም። ሰፈር ሚድያን ድማ ኣብ ትሕቲኡ ኣብቲ ለሰ ነበረ።

⁹ኮነ ኸአ፡ በታ ለይቲ እቲኣ እግዚኣብሄር፡ ንእኡ ኣብ ኢድካ ሂበካ እየ እሞ፡ ተንሲእካ ናብቲ ሰፈር ውረድ።

¹⁰ንስኻ ምውራድ እንተፈራህካ ግና፡ ንስኻ ምስ ግልያኻ ጱራ ናብቲ ሰፈር ውረድ።

¹¹እቲ ዘዛረብዎ ኽትሰምዕ ኢኻ። ድሕሪኡ ናብቲ ሰፈር ንምውራድ ኣእዳውካ ኺጸንዓ እየን፡ በሎ። ሽዑ ንሱ ምስ ጱራ ግልያኡ፡ ናብ ወሰን እቶም ኣብ ሰፈር ተሰሊፎም ዝነበሩ ወረደ።

¹²ሚድያናውያንን ኣማሌቃውያንን ኩሎም ደቂ ምብራቕ ድማ ከም ኣንበጣ ዝምብዛሖም ኣብቲ ለሰ ሰፊሮም ነበሩ። ኣግማሎም ከአ ቁጽሪ ዜብለን፡ ኣብ ወሰን ባሕሪ ኸም ዘሎ ሑጻ ዝምብዛሔን ነበራ።

¹³ጊዴዎን ምስ መጸ፡ እንሆ፡ ሓደ ሰብ ንብጻዩ ሕልሙ ይነግሮ ይብሎውን ነበረ፡ እንሆ ሕልሚ ሐለምኩ፡ እንሆ ኸአ፡ ጎጎ ስገም ናብ ሰፈር ሚድያን ኣንከራረወ፡ ናብ ድንኳን መጺኡ ወቕዖ፡ ንሱ ድማ ወደቐ፡ ንላዕሊ ኣቢሉ ኸአ ገልበጦ፡ እቲ ድንኳን ድማ ወደቐ።

¹⁴እቲ ብጻዩ ድማ መሊሱ ፡ እዚ ሴፍ ጊዴዎን ወዲ ዮኣስ፡ ናይ እስራኤል ሰብ እዩ ኣምበር፡ ካልእ ኣይኮነን፡ ኣምላኽ ሚድያን ንኹሉ ሰፈርን ኣብ ኢዱ ኣሕሊፉ ሀቦ፡ በለ።

¹⁵ኮነ ኸአ፡ ጊዴዎን ነገር እዚ ሕልሚ እዝን ምፍታሑን ምስ ሰምዔ፡ ሰገደ። ድሕርዚ ናብ ሰፈር እስራኤል ተመሊሱ፡ ኣግዚኣብሄር ንሰፈር ሚድያን ኣብ ኢድኩም ሂብኩም እዩ እሞ፡ ተንስኡ በለ።

¹⁶ነዞም ስለስተ ሚእቲ ሰብ ድማ ኣብ ሰለስተ ጭፍራ መቐሎም፡ ኣብ ኢድ ኩሎም ከአ መለኸትን ጥራዩ ዳነሱን፡ ኣብ ውሽጢ እቲ ዳነሱውን ፋናታት ሀቦም።

¹⁷በሎም ድማ፡ ንኣይ ርአዩ፡ ከምኡ ኸኣ ግበሩ። እንሆ ኸአ ኣነ ናብ ወሰን ሰፈር ምስ በጻሕኩ፡ ኪኸውን እዩ፡ ከምቲ ኣነ ዝገበሮ ግበሩ።

¹⁸ኣነ ምስቶም ምሳይ ዘለው ኹሎም ኮይነ መለኸት ምስ ነፋሕኩ፡ ንስኻትኩምውን ኣብ ዙርያ ኹሉ እቲ ሰፈር ንፍሑ፡ ንእግዚኣብሄርን ንጊዴዎንን ድማ በሉ።

¹⁹ኣብ መጀምርታ ሐለዋ ፍርቂ ለይቲ፡ ብኡብኡ ዜብዓኛታት ምስ ተለወጡ፡ ጊዴዎን እቶም ምስኡ ዝነበሩ ሚእቲ ሰብኣይን፡ ናብቲ ወሰን ሰፈር መጹ። መለኸት ከአ ነፍሑ፡ ነቲ ኣብ ኣእዳዎም ዝነበረ ዳነሱውን ሰበርዎ።

²⁰ሰለስቲኦም ጭፍራ ድማ መለኸቶም ነፍሑ፡ ነቲ ዳነሱ ኸአ ሰበርዎ፡ ብዘጋመይቲ ኢዶም ፋናታት ብየማነይቲ ኢዶም ከአ፡ ኪነፍሑ፡ መለኸት ሐዙ፡ ሴፍ እግዚኣብሄርን ጊዴዎንን፡ ኢሎም ድማ ጨደሩ።

²¹ነፍሲወከፍ ኣብ ሰስፍራኡ ኣብ ዙርያ እቲ ሰፈር ቖሙ። ሽዑ ብዘሎ እቲ ሰራዊት ጎየየ፡ ጨርሑን ሀደሙን ከአ።

²²ነቲ ሰለስተ ሚእቲ መለኸት ድማ ነፍሑ፡ እግዚኣብሄር ከአ ሴፍ ነፍሲ ወከፍ ናብ ብጻዩን ናብ ብዘሎ እቲ ሰራዊትን ገበሮ። እቲ ሰራዊት ድማ ናብ ጸረራ ኣቢሉ ኽሳዕ ቤትሺጣ፡ ክሳዕ እታ ኣብ ገምገም ኣቤልመሖላ ዘላ ጣበት ሀደመ።

²³ሰብ እስራኤል ድማ ካብ ንፍታሌምን ካብ ኣሴርን ካብ ኩሉ ምናሴን ተአከቡ እሞ ንሚድያናውያን ስዒቦም ሰጎጉዎም።

²⁴ጊዴዎን ድማ፡ ንሚድያን ክትቃባበልዎም ውረዱ፡ ነቲ ማያት ክሳዕ ቤትባራን ዮርዳኖስን ድማ ሐዘሎም፡ ኢሉ ናብ ብዘሎ ኸረን ሰብ ኤፍሬም ተአኪቦም ነቲ ማያት ክሳዕ ቤትባራን ዮርዳኖስን ሓዝዎ።

²⁵ንኽልቲኦም ሽሙምቲ ሚድያን፡ ዖሬብ ቀተልዎ፡ ንዝኤብውን ኣብ መጽመቑ ወይኒ ዝኡብ ቀተልዎ፡ ንሚድያናውያን ከአ ሰጎጎዎም። ርእሲ ዖሬብን ዝኤብን ግና ናብ ስግር ዮርዳኖስ ናብ ጊዴዎን ኣምጽእዎ።