Read መ/ቅዱስ ትግርኛ, Tigrigna Bible, 1997 መጽሓፍ መሣፍንት 9 Bible Online

መጽሓፍ መሣፍንት 9 - መ/ቅዱስ ትግርኛ, Tigrigna Bible, 1997 bible

መጽሓፍ መሣፍንት 9

¹ኣቢሜሌክ ወዲ የሩብበዓል ድማ ናብ ሴኬም ናብ ኣኮታቱ ኸደ እሞ፡ ንኣታቶም ንኹሎም ዓሌት ኣቦ ኣዲኡን ከምዚ ኢሉ ተዛረቦም፡

²በጃኹም ንኹሎም ሰብ፡ ኹሎም ደቂ የሩብበዓል ኪገዝኡኹምዶ ወይስ ሓደ ሰብኣይ ኪገዝኣኩም፡ ኣየናይ ይሔሸኩም፡ ኣነ ኸአ ዓጽሙኹምን ስጋኹምን ከም ዝኾንኩ ዘክሩ፡ በልዎም።

³እቶም ኣኮታቱ ኸአ እዚ ነገርዚ ኹሉ ንኹሎም ሰብ ሴኬም ኣብ ኣእዛኖም ተዛረቡሉ። ንሱ ሓውና እዩ ኢሎም ድማ፡ ልቦም ናብ ኣቢሜሌክ ዘንበለ።

⁴ካብ ቤት በዓልበሪት ድማ ሰብዓ ሲቃል ብሩር ሀብዎ፡ ብእኡ ገይሩ ኸአ ደድሕሪኡ ዚስዕቡ ከንቱታት ቀለልቲ ሰባት ተዋዓዐለ።

⁵ናብ ቤት ኣቦኡ ኣብ ዖፍራ መጺኡ ነሓዋቱ፡ እቶም ደቂ የሩብበዓል፡ ሰብዓ ሰብ ኣብ ልዕሊ ሓደ እምኒ ቐተሎም። ዮታም እቲ ንእሽቶ ወዲ የሩብበዓል ግና፡ ተሓቢኡ ነበረ እሞ፡ ተረፈ።

⁶ኩሎም ሰብ ሴኬም ብዘላ ቤት ሚሎን ተኣአከቡ፡ ከይዶም ከአ ንኣቢሜሌክ ኣብ ጥቓ እቲ ኣብ ሴኬም ዘሎ ድዋ ሓወልቲ ኣንገስዎ።

⁷ንዮታም እዚ ምስ ነገርዎ፡ ናብ ርእሲ ኽረን ጌሪዚም ከይዱ ኣብኡ ደው በለ፡ ቃሉ ዓው ኣቢሉ ጨደረ እሞ በሎም፡ ኣቱም ሰብ ሴኬም፡ ኣምላኽ ኪሰምዓኩምሲ ስምዑኒ።

⁸ኣእዋም ኣብ ልዕሊኦም ንጉስ ኪቐብኡ ኸደ እሞ፡ ነውልዕ፡ ኣብ ልዕሌና ንገስ፡ በልዎ።

⁹እቲ ኣውልዕ ግና፡ ከይደ ኣብ ልዕሊ ኣእዋም ሰሰው ክብል ኢለስ፡ ነቲ ኣምላኽን ሰባትን ኣባይ ዜኽብርዎ ዘይተይዶ ኽገድፍ እየ፡ በሎም።

¹⁰ሽዑ እቶም ኣእዋም ንበለስ፡ ንስኻ ንዓ እሞ፡ ኣብ ልዕሌና ንገስ በልዎ።

¹¹እቲ በለስ ግና፡ ከይደ ኣብ ልዕሊ ኣእዋም ሰሰው ክብል ኢለስ፡ ነቲ ጣዕመይን ጽቡቕ ፍረይንዶ ኽገድፍ እየ፡ በሎም።

¹²እቶም ኣእዋም ንወይኒ ድማ፡ ንስኻ ንዓ እሞ ኣብ ልዕሌና ንገስ በልዎ።

¹³እቲ ወይኒ ኸአ፡ ከይደ ኣብ ልዕሊ ኣእዋም ሰሰው ክብል ኢለስ፡ ነቲ ንኣምላኽን ንሰባትን ዜሕጉስ ወይነይዶ ኽገድፍ ኣእየ በሎም።

¹⁴ሽዑ ኹሎም ኣእዋም ንእሾኹ፡ ንስኻ ንዓ እሞ ኣብ ልዕሌና ንገስ በልዎ።

¹⁵እቲ እሾኹ ድማ፡ ብሓቂ ንኣይ ቀቢኣኩም ኣብ ልዕሌኹም ከተንግሱኒ እንተ ደሌኹምሲ፡ ኣብ ጽላለይ ኣጽልሉ፡ እንየ ዘይኮነስ ድማ፡ ካብቲ እሾኽ ሓዊ ይውጽእ እሞ ነቲ ጽሕድታት ሊባኖስ ይብልዓዮ፡ በሎም።

¹⁶ሕጂ ኸአ ንኣቢሜሌክ ብምንጋስኩምሲ ብሓቅን ብቕንዕናን እንተ ጌርኩምዎ፡ ንየሩብበዓልን ንቤቱን ድማ ጽቡቕ ኣንተ ጌርኩም፡ ከም ግብሪ ኢዱ ኸኣአ እንተ ጌርኩምሉ፡

¹⁷ኣቦይሲ ምእንታኹም ተዋግኤ፡ ነፍሱ ኣሕሊፉ ሂቡ ድማ ካብ ኢድ ሚድያን ኣድሐነኩም።

¹⁸ንስኻትኩም ግና ሎሚ ናብ ቤት ኣቦይ ተንሲእኩም ንደቁ፡ ሰብዓ ሰብ፡ ኣብ ልዕሊ ሓደ እምኒ ቐቲልኩምሲ ንኣቢሜሌክ ወዲ እታ ግዝእቱ፡ ሓውኩም ስለ ዝኾነ፡ ኣብ ልዕሊ ሰብ ሴኬም ኣንገስኩምዎ።

¹⁹እምበአርሲ በዛ መዓልቲ እዚኣ ንየሩብበዓልን ንቤቱን ብሓቅን ብቕንዕናን ጌርኩም እንተ ኾንኩም፡ ብአቢሜሌክ ተሐጎሱ፡ ንሱውን ብኣኻትኩም ይተሓጉስ።

²⁰እንተ ዘይኮነስ፡ ካብ ኣቢሜሌክ ሓቂ ይውጽእ እሞ ንሰብ ሴኬምን ንቤት ሚሎን ይብላዕ፡ ካብ ሰብ ሴኬምን ካብ ሚሎን ይብላዕ፡ ካብ ሰብ ሴኬምን ካብ ቤት ሚሎን ከአ ሓዊ ይውጻእ እሞ ንኣቢሜሌክ ይብልዓዮ።

²¹ዮታም ድማ ካብ ቅድሚ ሓው ኣቢሜሌክ ጎይዩ ሀዲሙ ናብ ብኤር ከደ፡ ኣብኣ ኸአ ተቐመጠ።

²²ኣቢሜሌክ ድማ ኣብ ልዕሊ እስራኤል ሰለስተ ዓመት ገዝኤ።

²³ኣምላክኽ ከአ ኣብ መንጎ ኣቢሜሌክን ሰብ ሴኬምን ሕሱም መንፈስ ሰደደ እሞ፡ ንኣቢሜሌክ ዐለውዎ።

²⁴እዚ እቲ ኣብቶም ሰብዓ ደቂ የሩብበዓል እተገብረ ግፍዒ ምእንቲ ኺፍደ፡ ደሞም ከአ ኣብ ልዕሊ እቲ ዝቐተሎም ሓዎም ኣቢሜሌክን ኣብ ልዕሊ እቶም ኣብ ምቕታል ኣሕዋቱ ኢዱ ዘጽንዑሉ ሰብ ሴኬምን ድማ ኣብ ርእሲ ኣኽራን ድብቕ ኣንበሩሉ፡ ንሳቶም ከአ ንኹሎም ብእኡ ዚሐልፉ ሰብ መገዲ ይኽትሩ ነበሩ። እዚ ድማ ንኣቢሜሌክ ነገርዎ።

²⁵ጋዓል ወዲ ዔበድን ኣሕዋቱን ድማ መጺኦም ናብ ሴኬም ኣተው፡ ሰብ ሰኬም ከአ ብእኡ ተአመኑ።

²⁶ናብ ግርሁ ድማ ወፈሩ፡ ወይኖም ቆሪጾም ከአ ጸመቑ፡ ናይ ሓጎስ በዓልውን ገበሩ፡ ናብ ቤት ኣምላኾም ኣትዮም ድማ በልዑን ሰተዩን ንኣቢሜሌክውን ረገምዎ።

²⁷ጋዓል ወዲ ዔበድ ድማ በለ፡ ንሕና እንግዛኦስ ኣቢሜሌክ መን እዩ፡ ሴኬም መን እዩ፡ ዜቡል ዝምስሌነኡ ወዲ የሩብበዓል ደይኮነን፡ ንስኽትኩምሲ ንሰብ ሓሞር ኣቦ ሴኬም ደአ ተገዝኡ፡ ንሕና ንእኡ እንታይ ኢልና ንግዛኦ፡

²⁸ጋዓል ወዲ ዔበድ ድማ በለ፡ ንሕና እንግዛኦስ ኣቢሜሌክ መን እዩ፡ ሴኬም መን እዩ፡ ዜቡል ዝምስሌነኡ ወዲ የሩብበዓል ደይኮነን፡ ንስኽትኩምሲ ንሰብ ሓሞር ኣቦ ሴኬም ደአ ተገዝኡ፡ ንሕና ንእኡ እንታይ ኢልና ንግዛኦ፡

²⁹እዚ ህዝቢ እዚ ኣብ ትሕቲ ኢደይ እንተ ዚኸውን መን ምሀበ፡ ንኣቢሜሌክ ምስጎጉክዎ ነይረ። ንኣቢሜሌክ ከአ፡ ሰራዊትካ ኣብዝሕ እሞ ውጻእ በሎ።

³⁰ዜቡል፡ ሹም እታ ኸተማ፡ ዘረባ ጋዓል ወዲ ዔበድ ምስ ሰምዔ፡ ኩራኡ ነደደ።

³¹ናብ ኣቢሜሌክ ከአ ብተንኮል ከምዚ ኢሉ ልኡኻት ሰደደ፡ ጋዓል ወዲ ዔበድን ኣሕዋቱን እንሆ፡ ናብ ሴኬም ኣትዮም፡ ነዛ ኸተማ ናባኻ የተንስኡልካ ኣለው።

³²ሕጂ ኸአ፡ ንስኻን እቲ ምሳኻ ዘሎ ህዝብን ብለይቲ ተንሲእካ፡ ኣብ መሮር ተደበቕ።

³³ኪኸውን ድማ እዩ፡ ጽባሕ ጸሓይ ክትበርቕ ከላ ኣንጊህካ ተንስእ ኣሞ፡ ነዛ ኸተማ ሓደጋ ውደቃ። እንሆ ኸአ፡ ንሱን ምስኡ ዘሎ ህዝብን ምስ ወጹኻ፡ ሽዑ ኢድካ ኸም ዝረኸበቶ ግበሮም።

³⁴ኣቢሜሌክ እቲ ምስኡ ዝነበረ ኹሉ ህዝብን ብለይቲ ተንሲኦም ኣርባዕተ ኽፍሊ ኸዮኖም ኣብ ሴኬም ተደበቑ።

³⁵ጋዓል ወዲ ዔበድ ድማ ወጺኡ፡ ኣብ ኣፍ ደገ እታ ኸተማ ደው በለ፡ ኣቢሜሌክ ከአ ምስቲ ምስኡ ዝነበረ ህዝቢ ኻብቲ ምድባቑ ተንስኤ።

³⁶ጋዓል ድማ ነቲ ህዝቢ ምስ ረአየ፡ ንዜቡል፡ እንሆ፡ ህዝቢ ኻብ ርእሲ ኣኽራን ይወርድ ኣሎ፡ በሎ። ዜቡል ከአ፡ ንኣኻ ሰብ መሲሉ ዚርአየካ ዘሎ ጽላሎት ኣኽራን እዩ፡ በሎ።

³⁷ጋዓል ድማ መሊሱ፡ እንሆ፡ ካብ ማእከል እታ ሃገር ህዝቢ ይወርድ አሎ፡ ሓደ ጭፍራ ኸአ ብመገዲ ድዋ ጠንቆልቲ ኣቢሉ፡ ይመጽእ ኣሎ። ኢሉ ተዛረበ።

³⁸ሽዑ ዜቡል፡ እቲ ንሕና እንግዝኦስ ኣቢሜሌክ መን እዩ፡ ዝበልካዮ፡ ሕጂ ደአ ኣፍካ ኣበይ ኣሎ፡ እዚ እቲ ዝነዐቕካዮ ህዝብዶ ኣይኮነን፡ እምበአር ሕጂ ወጺእካ ተዋግኣዮ፡ በሎ።

³⁹ጋዓል ድማ ንሰብ ሴኬም መሪሕዎም ወጸ እሞ ምስ ኣቢሜሌክ ተዋግኤ።

⁴⁰ኣቢሜሌክ ግና ሰጎጎ እምሞ ካብ ቅድሚኡ ሀደመ፡ ክሳዕ ደገ እታ ኸተማ ኸአ ብዙሓት ተወጊኦም ወደቑ።

⁴¹ኣቢሜሌክ ድማ ኣብ ኣሩማ ተቐመጠ፡ ዜቡል ከአ ንጋዓልን ነሕዋቱን ኣብ ሴኬም ከይቕመጡ ሰጎጎም።

⁴²ኮነ ኸአ፡ ንጽብሒቱ እቲ ህዝቢ ናብ ግርሁ ወጸ፡ እዚ ድማ ንኣቢሜሌክ ነገርዎ።

⁴³ነቲ ህዝቢ ወሲዱ ኸአ ኣብ ሰለስተ ጭፍራ መቐሎ፡ ኣብ መሮር ከአ ድቡቕ ኣንበረ። እንሆ ድማ፡ እቲ ህዝቢ ኻብ ከተማ ኺወጽእ ምስ ረአየ፡ ተንስኦም ቀተሎም ድማ።

⁴⁴ኣቢሜሌክ እቶም ምስኡ ዝነበሩ ጭፍራታትን ጎይዮም ኣብ ኣፍ ደገ እታ ኸተማ ድማ በሉ። እቶም ክልተ ጭፍራ ኸአ ጎይዮም ነቶም ኣብ ግርሁ ዝነበረ ኹሎም ወድእዎም።

⁴⁵ኣቢሜሌክ ከአ በታ መዓልቲ እቲኣ ብመልኣ ነታ ኸተማ ተዋግኣ፡ ነታ ኸተማ ሒዙ ድማ ኣብኣ ንዝነበረ ህዝቢ ቀተለ። ነታ ኸተማ ኣፍሪሱ ኸአ ጨው ዘርኣላ።

⁴⁶እቶም ኣብ ግምቢ ሴኬም ዝነበሩ ኹሎም እዚ ምስ ሰምዑ፡ ናብ ዕርዲ ቤት ኤልበሪት ኣተው።

⁴⁷ኩሎም ሰብ ግምቢ ሴኬም ከም እተአከቡ፡ ንኣቢሜሌክ ነገርዎ።

⁴⁸ሽዑ ኣቢሜሌክን እቲ ምስኡ ዝነበረ ኹሉ ህዝብን ናብ ከረን ጻልሞን ደየበ። ኣቢሜሌክ ድማ ማሕጸ ኣብ ኢዱ ወሲዱ ሓደ ጨንፈር ኦም ቆረጸ፡ ኣልዒሉ ኸኣ ኣብ መንኩቡ ገበሮ ነቶም ምስኡ ዝነበሩ ህዝቢ፡ ከምዚ ኣነ ኽገብሮ ዝርኤኹምኒ ቐልጢፍኩም ከምኡ ኣነ ኽገብሮ ዝርኤኹምኒ ቐልጢፍኩም ከምኡ ግበሩ፡ በሎም።

⁴⁹ኩሉ እቲ ህዝቢ ኸአ ነፍሲ ወከፍከምኡ ጨጨንፈሩ ቖረጸ፡ ንኣቢሜሌክ ስዒቦም ድማ ናብቲ ዕርዲ ኣንበርዎ፡ ነቲ ዕርዲ ኸአ ኣብ ልዕሊኦም ኣንደድዎ። ኹሎም ኣብ ግምቢ ሴኬም ዝነበሩ ሰባት ድማ፡ ኣስታት ሽሕ ሰብኣይን ሰበይትን ሞቱ።

⁵⁰ኣቢሜሌክ ድማ ናብ ቴብጽ ከደ እሞ ንቴቤጽ ሰፈራ ሐዛ ኸአ።

⁵¹ኣብ ማእከል እታ ኸተማ ድማ ጽኑዕ ግምቢ ነበረ፡ ኩሎም ሰብኡትን ኣንስትን፡ ኩሎም ሰብ እታ ኸተማ ናብኡ ሀደሙ፡ ኣብ ውሽጡውን ተዐጽው፡ ናብ ናሕሲ እቲ ግምቢ ኸኣአ ደየቡ።

⁵²ኣቢሜሌክ ድማ ናብቲ ግምቢ መጺኡ ተዋግኦ፡ ብሓዊ ኼንድዶ ኸአ፡ ናብ ደገ እቲ ግምቢ ቐረበ።

⁵³ሓንቲ ሰበይቲ ድማ ኣብ ልዕሊ ርእሲ ኣቢሜሌክ መዲዳ ሰንዲዳ፡ ቀረንቀራኡ ጨፍለቐቶ።

⁵⁴ሽዑ ነቲ ጎበዝ ጋሻ ዛግሬኣ ቐልጢፉ ጸዊዑ፡ ሰበይቲ ቐቲላቶ ኸይብሉንስ፡ ሴፍካ መሲትካ ቕተለኒ፡ በሎ። እቲ ጎበዝውን ወግኦ ሞተ ኸአ።

⁵⁵እቶም ሰብ እስራኤል ኣቢሜሌክ ከም ዝሞተ ምስ ረአዩ፡ ነፍሲ ወከፍ ነናብ ስፍራኡ ኸደ።

⁵⁶ኣቢሜሌክ ነቶም ሰብዓ ኣሕዋቱ ብምቕታሉ እቲ ነቦኡ ኽፉእ ዝገበሮ፡ ኣምላኽ ከምኡ ናብኡ መለሰሉ።

⁵⁷ኩሉ እቲ ኽፍኣት ሰብ ሴኬም ድማ፡ ኣምላኽ ናብ ርእሶም መለሰሎም። እቲ መርገም ዮታም ወዲ የሩብበዓል ከኣ ኣብ ረርእሶም በጽሔ።