Read Timugon Murut KASAUKAN 36 Bible Online

KASAUKAN 36 - Timugon Murut bible

KASAUKAN 36

¹Gitio noyo papag ri Isau ondo' piawon niayuk i Idom.

²Nanangandu' i Isau ra talu ngaulun ruandu' Kanaan iono i Ada anak ri Ilon ulun ru Git, i Ogolibama anak ri Ana am akupu ri Jibion[87] ulun ru Giwi,

³i Basmat anak ri Ismail am boborok ri Nibayot.

⁴Inanak ri Ada i Ialipas, inanak ri Basmat i Riguil,

⁵am inanak ri Ogolibama i Jius, Jailam am i Kora. Ngaangai' anak no inanak ra pagun ru Kanaan.

⁶Tuliar boo i Isau intor ri Jakub am ongoi ra pagun ra bokon, inibit no ngaangai' andu' nano, anak-anak nano, ngaangai' ulun ru baloi nano, ngaangai' bibiag am ngaangai' rapu' ondo' naalap no ra pagun ru Kanaan.

⁷Minugar io sabap ra tana' inayanan nilo ri Jakub no kalo sumama', makabiniag ilo ra masuang kaga' am kalo boo makapasimpung ilo ra mabuoi.

⁸Ongoi boo i Isau pamagun ra libung ru gunung Idom.

⁹Gitio noyo papag ri Isau, kinamatuaan ru ulun ru Idom.

¹⁰Andu' ri Isau inggalan i Ada naganak sangulun anak ungkuyon, inggalan i Ialipas. Anak ungkuyon ri Ialipas limo ngaulun, iono i Timan, Omar, Jipo, Gaitam am i Kinas. Mokoondo' i Ialipas sangulun ruandu' parulug inggalan i Timna. Naganak io sangulun anak ungkuyon inggalan i Amalik. Andu' ri Isau i Basmat naganak sangulun anak ungkuyon inggalan i Riguil. Anak ungkuyon ri Riguil apat ngaulun, iono i Nagat, Jirag, Syama am i Mija.

¹⁴Andu' ri Isau i Ogolibama, anak ruandu' ri Ana am akupu ri Jibion,[88] naganak talu ngaulun anak ungkuyon iono i Jius, Jailam am i Kora.

¹⁵Gitio noyo tayar ru bansa' intor ra papag ri Isau. Anak katuaan ri Isau i Ialipas kinamatuaan ru bansa'-bansa' ragitio: Timan, Omar, Jipo, Kinas,

¹⁶Kora, Gaitam am Amalik. Ilo ngaangai' papag ri Ada andu' ri Isau.

¹⁷Anak ungkuyon ri Isau i Riguil kinamatuaan ru bansa'-bansa' ragitio: Nagat, Jirag, Syama am Mija. Ilo ngaangai' papag ri Basmat andu' ri Isau.

¹⁸Bansa' ragitio papag ri Isau intor ra andu' nano i Ogolibama anak ruandu' ri Ana, iono: Jius, Jailam am Kora.

¹⁹Ngaangai' bansa' raginio papag ri Isau.

²⁰Mamagun toojo ru tana' Idom tinayar intor ra bansa'-bansa' ru papag ri Siir, ulun ru Ori. Bansa'-bansa' raginio: Lotan, Siobal, Jibion, Ana, Dision, Ijir am Disian.

²²Kinamatuaan i Lotan ru ulun ru Ori am ulun ru Giman. (Makapabukat i Lotan ra ruandu' iono i Timna.)

²³Kinamatuaan i Siobal ru ulun ru Alwan, Managat, Ibal, Syipo am Onam.

²⁴Anak ungkuyon ri Jibion ruo ngaulun iono i Aya am i Ana. (I Ana noyo nakatuum ra taur ru timug mangalasu' giu' ra tana' kaagisan paat io magalung ra kaladai ru ama' nano.)

²⁵I Ana ama' ri Dision. Kinamatuaan i Dision ru ulun ru Gimdan, Isiban, Jitran am Kiran. I Ana niayuk makaanak ruandu' inggalan i Ogolibama.

²⁷Kinamatuaan i Ijir ru ulun ru Bilgan, Jaawan am Akan.

²⁸Kinamatuaan i Disian ru ulun ru Us am Aran.

²⁹Gitio noyo kukula' bansa' ru ulun ru Ori ra tana' ru Idom: Lotan, Siobal, Jibion, Ana, Dision, Ijir am Disian.

³¹Paat ra kolondo' poyo raja' namarinta ra Israil, raja'-raja' ragitio nansusuali namarinta ra tana' Idom: Raja' Bila anak ri Bior intor ra Dingaba. Raja' Jobab anak ri Jirag intor ra Bojra. Raja' Gusyam intor ra libung Timan. Raja' Gadad anak ri Bidad intor ra Awit. (Io ti noyo nangala ra ulun ru Midian paat ilo nangayou giu' ra pagun ru Moab.) Raja' Samla intor ra Masrika. Raja' Saul intor ra Rigobot giu' ra kiing ru sungoi. Raja' Baal-Ganan anak ri Akbor. Raja' Gadar intor ra Pau (andu' nano ininggalanan ri Migitabil, anak ruandu' ri Matrid am akupu ruandu' ri Mijagab.)

⁴⁰Kinamatuaan i Isau ru bansa'-bansa' ru Idom ragitio: Timna, Alwa, Jitit, Ogolibama, Ila, Pinon, Kinas, Timan, Mibjar, Magdiil am Iram. Libung inayanan ru moonong bansa' no nanginggalan ra inayanan ru sigagama' ra inggalan nilo.