Read Timugon Murut 1 TUNUNG RU BANSA' ISRAIL 24 Bible Online

1 TUNUNG RU BANSA' ISRAIL 24 - Timugon Murut bible

1 TUNUNG RU BANSA' ISRAIL 24

¹I Arun mokoondo' apat anak ungkuyon: Nadab, Abigu, Iliajar am Itamar. I Nadab am i Abigu minatoi pagulu intor ra ama' nilo ra kolondo' anak. Ginio ra pabukat-pabukat nilo, i Iliajar am i Itamar, nasauk ra imam. Tinayar ru Raja' Daut papag ri Arun ra pulalai-pulalai sumugut ra kandoi nilo. Ralalom ru pantayaran no Raja' Daut inindangan ri Jadok papag ri Iliajar am i Agimilik papag ri Itamar.

⁴Papag ri Iliajar tinayar ra mopor am onom pulalai, am papag ri Itamar tinayar ra balu' pulalai, sabap ra ralalom ru papag ri Iliajar mokoondo' masuang ungkuyon ondo' nasauk ra tingganai ru sasambaloi.

⁵Sabap ra gino ngai' ru papag ri Iliajar am i Itamar mokoondo' ondo' nasauk ra pagawai-pagawai giu' ra Baloi ru TUHAN am tingganai-tingganai ru ugama, pantayaran ra kandoi pinaugar ra nagugundi'.

⁶Papag ri Iliajar am i Itamar nampapalit nagugundi'. Inggalan-inggalan nilo pana tinulisan ru sangulun mamamatik ondo' ininggalanan ri Simaya anak ri Nitaniil, ulun ru Liwi. Ngaangai' no paugaron giu' ra saang ru raja' mababaya' ra pagawai-pagawai nano, Imam Jadok, Agimilik anak ri Abiatar, am niayuk tingganai-tingganai ru sasambaloi ru nalili' imam, am tingganai-tingganai ru sasambaloi nalili' Liwi.

⁷Gitilo noyo numbur ra tinampos maya' ra kandoi sumugut ra kapatasan ru undi' ra tayar ruo ngoopor am apat pulalai no: 1. Joyarib — 13. Gupa 2. Jidaya — 14. Jisibiab 3. Garim — 15. Bilga 4. Siorim — 16. Imir 5. Malkia — 17. Gijir 6. Miyamin — 18. Gapijis 7. Gakos — 19. Pitaya 8. Abia — 20. Yehezkiel 9. Jisua — 21. Jakgin 10. Sikania — 22. Gamul 11. Ilyasib — 23. Dilaya 12. Jakim — 24. Maajia.

¹⁹Inggalan ru ngaangai' ulun no tinulisan minaya' ra paat nilo sumubol ra Baloi ru TUHAN am mampaugar ra kandoi ru sambayang ondo' inaru' ri Arun, kinamatuaan nilai, sumugut ra susuban ru TUHAN, i Aki Kapuuno' ru Israil.

²⁰Suai raginio, ralalom papag ri Liwi nakaaya' niayuk tingganai-tingganai ru sasambaloi ragitilo: Jigdiya, papag ri Amram intor ra suang ru papag ri Subail;

²¹Jisia, papag ri Rigabia;

²²Jagat, papag ri Jijgar intor ra suang ru papag ri Silomot;

²³Jiria, Amarya, Jagajiil am Jikamiam anak-anak ri Gibron sumugut ra umur nilo;

²⁴Samir, papag ri Ujiil intor ra suang ru papag ri Mika;

²⁵Jakaria, papag ri Ujiil intor ra suang ru papag ri Jisia pabukat ri Mika;

²⁶Magli, Musi am Jaajia, papag ri Mirari.

²⁷I Jaajia mokoondo' talu anak ungkuyon: Siogam, Jakur am Ibri.

²⁸I Magli mokoondo' ruo anak ungkuyon ininggalanan ri Iliajar am i Kis. I Iliajar kolondo' anak ungkuyon, kaa' i Kis mokoondo' sangulun anak ungkuyon ininggalanan ri Jiragmiil.

³⁰I Musi mokoondo' talu anak ungkuyon: Magli, Idir am Jirimot. Ginilo noyo sasambaloi ralalom ru bansa' ru Liwi.

³¹Koson mangaru' ra paat nilo mangandoi, moonong sasambaloi mababaya' ra sangulun boborok nano ra ungkuyon mangundi' koson ra binaal ru pabukat nilo, iono imam-imam ra papag ri Arun. Pangundian no inilayan ru Raja' Daut nababaya' ri Jadok, i Agimilik, am niayuk tingganai-tingganai ru sasambaloi intor ra nalili' imam am nalili' ulun ru Liwi.