Read Timugon Murut 1 TUNUNG RU BANSA' ISRAIL 7 Bible Online

1 TUNUNG RU BANSA' ISRAIL 7 - Timugon Murut bible

1 TUNUNG RU BANSA' ISRAIL 7

¹I Isakar mokoondo' apat anak ungkuyon: Tola, Pua, Jasub am Simron.

²I Tola mokoondo' onom anak ungkuyon: Uji, Ripaya, Jiriil, Jagmai, Jibsam am Samuil. Ilo no tingganai ru sasambaloi ralalom ru bansa' Tola am nauligan kaga' koson ra saujor mapanggol. Paat ra pamarintaan ru Raja' Daut, papag nilo 22,600 ngaulun suang no.

³I Uji mokoondo' sangulun anak ungkuyon ininggalanan ri Jijragia. I Jijragia am apat anak ungkuyon nano, i Maikol, Obaja, Joil am i Jisia noyo tingganai ru sasambaloi.

⁴Andu' am anak nilo masuang kaga' saboi papag nilo nakapagakut ra 36,000 ngaulun ungkuyon koson masauk ra saujor.

⁵Sumugut ra suang ru inggalan ra motopot, ngaangai' sasambaloi ralalom bansa' ru Isakar mokoondo' 87,000 ngaulun ungkuyon ondo' maaya' masauk ra saujor.

⁶I Binjamin mokoondo' talu anak ungkuyon: Bila, Bikgir am Jidiail.

⁷I Bila mokoondo' limo anak ungkuyon: Ijbon, Uji, Ujiil, Jirimot am Iri. Ilo no tingganai ru sasambaloi am nauligan kaga' koson ra saujor mapanggol. Ralalom ru suang ru papag nilo mokoondo' tinulisan ra 22,034 ngaulun ungkuyon ondo' maaya' masauk ra saujor.

⁸I Bikgir mokoondo' siam anak ungkuyon: Jimira, Joas, Ilijir, Ilyoinai, Omri, Jirimot, Abia, Anatot am Alimit.

⁹Ilo no tingganai ru sasambaloi ralalom ru bansa' nilo. Sumugut ra suang ru papag nilo ondo' motopot, mokoondo' 20,200 ngaulun ungkuyon maaya' masauk ra saujor.

¹⁰I Jidiail mokoondo' sangulun anak ungkuyon ininggalanan ri Bilgan. I Bilgan mokoondo' tulu' anak ungkuyon; Jius, Binjamin, Igud, Kinaana, Jitan, Tarsis am Agisagar.

¹¹Ilo no sasambaloi ralalom ru bansa' nilo am nauligan kaga' koson ra saujor mapanggol. Ralalom ru papag nilo mokoondo' 17,200 ngaulun ungkuyon ondo' maaya' masauk ra saujor.

¹²I Supim am i Gupim noyo papag ri Ir. I Gusim noyo anak ri Dan.[11]

¹³I Naptali mokoondo' apat anak ungkuyon: Jagjiil, Guni, Jijir am Salum. Ilo no akupu ri Bilga.[12]

¹⁴I Manasi am ruandu' parulug nano, sangulun ruandu' ru Aram, mokoondo' ruo anak ungkuyon: Asriil am Makgir. I Makgir ama' ri Giliad.

¹⁵I Makgir nokoowot ra andu' ri Gupim am i Supim. Inggalan ru andu'[13] ri Makgir iono i Maakga. Anak ri Makgir ondo' karuo iono i Jilapiad. I Jilapiad kolondo' anak ra ungkuyon, anak ruandu' ayuk.

¹⁶I Maakga, andu' ri Makgir naganak ruo ngaulun anak ungkuyon ondo' ininggalanan ri Piris am i Siris. I Piris mokoondo' ruo anak ungkuyon: Ulam am Rikim.

¹⁷I Ulam mokoondo' sangulun anak ungkuyon ininggalanan ri Bidan. Ilo ngaangai' papag ri Giliad anak ri Makgir, akupu ri Manasi.

¹⁸Pabukat ri Giliad ra ruandu' ondo' ininggalanan ri Molikgit mokoondo' talu anak ungkuyon: Isyod, Abiijir am Mala.

¹⁹I Simida mokoondo' apat anak ungkuyon: Agian, Sikgim, Liki am Aniam.

²⁰I Ipraim mokoondo' talu ngaulun anak: Sutila, Ijir am Ilad. Gitilo noyo suang ru papag ri Ipraim: Sutila, Birid, Tagat, Ilada, Tagat, Jabad am Sutila. I Ijir am i Ilad pinatoi paat maguyum ra bibiag tinambiag ru mamagun toojo ru Gat.

²²Ama' nilo nangulir ra ororowon buoi no am pabukat-pabukat nano minatong koson nanimayo riso.

²³Kopongo raginio riminulug i Ipraim ra andu' nano poyo, am maapang andu' nano am naganak sangulun anak ungkuyon. Ininggalanan ri Ipraim anak no i Biria[14] sabap ra karaat ondo' nailian nilo.

²⁴I Ipraim mokoondo' sangulun anak ruandu' ininggalanan ri Siira. Io ti noyo nambaal ra bandar Bit-Oron Ralayo am Bit-Oron Rabugus, am niayuk bandar Ujin-Siira.

²⁵I Ipraim niayuk mokoondo' sangulun anak ungkuyon ininggalanan ri Ripa. Gitilo noyo suang ru papag ri Ripa: Risip, Tila, Tagan,

²⁶Ladan, Amigud, Ilisama,

²⁷Nun, Josua.

²⁸Wilayah ondo' linonggom am sinauk ra intok ayanan nilo nakaaya' Bitil am ngaangai' pekan giu' ra liliut no, saboi ra kinaalur ru Naaran giu' ra tampilon sirangon, am Gijir giu' ra tampilon kalasaan, am niayuk ngaangai' pekan giu' ra liliut ru bandar-bandar no. Bandar Sikgim am Aya, am niayuk ngaangai' pekan giu' ra liliut ru bandar nakaaya' wilayah raginio.

²⁹Papag ri Manasi nanguasa' ra bandar Bit-Sian, Taanak, Migido am Dor am niayuk pekan-pekan giu' ra liliut ru bandar. Ngaangai' ru intok raginio noyo intok inayanan ru papag ri Jusup anak ri Jakub.

³⁰I Asyir mokoondo' apat anak ungkuyon: Jimna, Jiswa, Jiswi am Biria; am niayuk sangulun anak ruandu' inggalan no i Sira.

³¹I Biria mokoondo' ruo anak ungkuyon: Gibir am Malkiil. I Malkiil noyo ondo' nambaal ra bandar Birjait.

³²I Gibir mokoondo' talu anak ungkuyon: Japlit, Somir am Gotam; am niayuk sangulun anak ruandu' inggalan no i Sua.

³³I Japlit niayuk mokoondo' talu anak ungkuyon: Pasak, Bimgal am Asywat.

³⁴I Somir, pabukat no ra ungkuyon mokoondo' apat anak ungkuyon: Agi, Roga, Jiguba am Aram.

³⁵I Gotam,[15] pabukat no ra ungkuyon mokoondo' apat anak ungkuyon: Jopa, Jimna, Silis am Amal.

³⁶Papag ri Jopa iono i Sua, i Garnipir, i Syual, i Biri, i Jimra,

³⁷i Bijir, i God, i Sama, i Silsa, i Jitran am i Biira.

³⁸Papag ri Jitir iono i Jipuni, i Pispa am i Ara.

³⁹Papag ri Ula iono i Ara, i Ganil am i Rijya.

⁴⁰Gini noyo papag ri Asyir. Ilo ngaangai' tingganai ru sasambaloi, am nauligan kaga' koson ra saujor mapanggol, am tingganai ondo' nauligan kaga'. Ralalom ru suang ru papag ri Asyir mokoondo' tinulisan 26,000 ngaulun ungkuyon ondo' maaya' masauk ra saujor.