Read Timugon Murut IJRA 10 Bible Online

IJRA 10 - Timugon Murut bible

IJRA 10

¹Liliwa' nantangi' igulatur i Ijra koson makiasi' am mangiou ra saang ru Baloi ru TUHAN. Liliwa' raginio masuang ulun ru Israil — ungkuyon, ruandu' am lalaing — minatong timinimung limpu riso; ilo niayuk sasisikok nantangi'.

²I Sikania anak ri Jiwil, sangulun intor ra bansa' ri Ilam pana mindagu boo ri Ijra, “Makatula akai noyo ra TUHAN sabap ra nanangandu' ra ruandu' ru bansa' ra bokon. Kabalu' pana koon raginio, lakat poyo mokoondo' ra kalansanan ra Israil.

³Ibok no pagibot takau ri Aki Kapuuno' ra pagiruon takau ngaangai' ruandu' no am anak-anak nilo. Bayaan mai pinson muno am pinson ru ulun ondo' siminugut ra susuban ri Aki Kapuuno'. Gagayaan mai Ukum ri Aki Kapuuno'.

⁴Guguang muno mambaal sabap ra ginio noyo pinalansan rirun. Maya' akai rirun ra sotopot no. Guguang muno mambaal ra malasang saboi baal raginio masalasai.”

⁵Ginio ra tumalimpuun i Ijra mingkuor ra manusub ra tingganai-tingganai ru imam, ulun-ulun ru Liwi am ulun ru Israil ra bokon magibot ra baalon nilo inatangan ri Sikania.

⁶Kopongo ilo nagibot, minongoi i Ijra intor ra tampilon ra saang ru Baloi ru TUHAN minongoi ra intok inayanan ri Joganan anak ri Ilyasib. Nombolong i Ijra[19] ra giu' no ra rondom am mangiluk guang sabap ra mangkara' ra kolondo' gagaya' ru ulun intor ra pamatiran no. Kalo nangakan kapoam nanginum io ra atan pana.

⁷Pinatanou boo giu' ra titikop ru Jirusalim am Jiuda ra ngaangai' ulun ondo' minuli' intor ra pamatiran, musiti' sumaang ra rondo' pantuuman giu' ra Jirusalim.

⁸Ginio noyo susuban ra tingganai-tingganai ru mamagun. Osoi ayuk ondo' kalo makasaang ralalom ru talu ngoorou, ngaangai' rapu' longgom nano talingaawon, am io kalo boo karaan koson ra ulun ru bansa' ru Israil.

⁹Ralalom ru buoi talu ngoorou, iono paat ra orou karuo ngoopor ra sila' kasiam, ngaangai' ungkuyon ondo' minayan giu' ra tampilon ru Jiuda am Binjamin minatong ra Jirusalim am natimung giu' ra liliut Baloi ru TUHAN. Paat ra orou raginio, riminasam ra maawas. Ngaangai' ulun nonontol sabap ra nasimuan am niayuk sabap ra maatang pantuuman raginio.

¹⁰Imam Ijra pana minigor boo am indagu ra ulun raginio, “Makatula kau noyo am rinuangan kasalaan ru Israil sabap ra nanangandu' ra ruandu' ru bansa' ra bokon.

¹¹Ginio boo sabap ra iowo' noyo tula mino ra saang ru TUHAN, i Aki Kapuuno' ru kinamatuaan min am baalo' noyo atan ondo' makabansuk ra guang Nano. Inggalur kau intor ra ulun ru bansa' ra bokon ondo' minayan ra pagun takau, am pagiruo' ngaangai' andu' min ondo' bansa' ra bokon no.”

¹²Ngaangai' ulun no timinaam ra matangil, “Baalon mai atan ayuk raguon muno tuan.”

¹³Kaa' konilo poyo, “Pantimungan ti maayo kaga', rasam ti pana maawas. Kalo boo tumaan akai migor ra intok ondo' malimparang ti. Inambai poyo ra baal ragitio sala' ka baal ondo' maalap kasalasai ralalom ru songorou kapoam ruo ngoorou, sabap no ra masuang kaga' ra gino ngai' mai ondo' nakalabit ra tula ti.

¹⁴Iowo' noyo tingganai-tingganai maino mayan giu' ra Jirusalim koson manalingapu ra baal ragitio. Kopongo raginio moonong ulun ondo' makaandu' ra bansa' ra bokon musiti' matong ra giu' no ra paat inaru' noyo, am mongoi mababaya' ra tingganai am akim ru bandar ru sigagama'. Koon ra ralan raginio i Aki Kapuuno' kalo boo sumangit ritakau sabap ra baal raginio.”

¹⁵Kolondo' sangulun pana minansang ra inatangan raginio ondo' ak am i Jonatan anak ri Asail am i Jagjiya anak ri Tikwa. Sinaung ilo ri Misulam am i Sabitai, sangulun Liwi.

¹⁶Ilo ondo' minuli' intor ra pamatiran no masaga' noyo mangapu ra inatangan no. Ginio ra, Imam Ijra nampalantik[20] ra kukula' ngaulun tingganai ru bansa' ru Israil am nanulis ra inggalan nilo. Paat ra orou kasaa' ra sila' koopor, tinalimpuunan nilo nangimumui ra baal raginio.

¹⁷Ralalom ru buoi talu ngansila', nopongo ilo nangimumui ra ngaangai' ungkuyon ondo' makaandu' ra bansa' ra bokon.

¹⁸Gitio noyo suang ru ungkuyon ondo' makaandu' ra bansa' ra bokon: Imam-imam, nakatulis sumugut ra bansa' nano; Bansa' ri Jisua am pabukat-pabukat nano, iono anak-anak ri Jojadak: I Maasiya, Iliijir, Jarib am Gidalia.

¹⁹Nambantu' ilo mangali ra andu'-andu' nilo, am ilo pana nampataak ra sanginan domba gawayan koson ra taak simbalui koson mangampun ra tula.

²⁰Bansa' ru Imir: I Ganani am Jibaja.

²¹Bansa' ru Garim: I Maasiya, Ilia, Simaya, Jiwil am Ujia.

²²Bansa' ru Pasyur: I Ilyoinai, Maasiya, Ismail, Nitaniil, Jojabad am Ilasa.

²³Ulun ru Liwi: I Jojabad, Simii, Kilaya (sabiton niayuk ri Kilita), Pitaya, Juda am Iliijir.

²⁴Ulun-ulun maririmbai: I Ilyasib. Ulun-ulun magalung ra kulobon garabang ru Baloi ru T UHAN: I Salum, Talim am Uri.

²⁵Ulun ru Israil ra bokon: Bansa' ru Paros: I Ramia, Jijia, Malkia, Miyamin, Iliajar, Malkia am Binaya.

²⁶Bansa' ru Ilam: I Matanya, Jakaria, Jiwil, Abdi, Jirimot am Ilia.

²⁷Bansa' ru Jatu: I Ilyoinai, Ilyasib, Matanya, Jirimot, Jabad am Ajija.

²⁸Bansa' ru Bibai: I Joganan, Gananya, Jabai am Atlai.

²⁹Bansa' ru Bani: I Misulam, Maluk, Adaya, Jasub, Sial, Jiramot.

³⁰Bansa' ru Pagat Moab: I Adna, Kilal, Binaya, Maasiya, Matanya, Bijalil, Binui am Manasi.

³¹Bansa' ru Garim: I Iliijir, Jisia, Malkia, Simaya, Simion, Binjamin, Maluk am Simarya.

³³Bansa' ru Gasum: I Matnai, Matata, Jabad, Ilipilit, Jirimai, Manasi am Simii.

³⁴Bansa' ru Bani: I Maadai, Amram, Uil, Binaya, Bidiya, Kilugu, Wanya, Mirimot, Ilyasib, Matanya, Matnai am Jaasai.

³⁸Bansa' ru Binui: Simii, Silimia, Natan, Adaya, Maknadbai, Sasai, Sarai, Ajariil, Silimia, Simarya, Salum, Amarya am Jusup.

⁴³Bansa' ru Nibo: Jiyil, Matisa, Jabad, Jibina, Jadai, Joil am Binaya.

⁴⁴Ngaangai' ulun no nanangandu' ra ruandu' bansa' ra bokon. Andu'-andu' nilo pana inali am pinagiru' nababaya' ra anak-anak nilo.