Read Timugon Murut JUDIT 3 Bible Online

JUDIT 3 - Timugon Murut bible

JUDIT 3

¹Ngaangai' ru bansa' no pana nangator ra ulun-ulun sinusub mongoi ri Golopirnis ra bilin pabansayan ragitio,

²“Akai ngaangai' magulayun gumagaya' rirun, Raja' Matulai Nibukadnijar. Akai ngaangai' nakatampos ra makiulipon rirun, am sumugut ra atan ayuk susuban muno.

³Baloi-baloi, ngaangai' ru tana', ngaangai' umo ru gandum, ngaangai' ru bibiag tinambiag maayo am boborok, am ngaangai' ru nangkiman mai, natampos koson pakayon maya' ra kasagaan ru guang muno.

⁴Ngaangai' namagun ru bandar mai, masauk ra ulipon muno. Kasaga' kono raja' matong am mambaal ra atan ondo' karaan muno ra moonsoi.”

⁵Ulun-ulun sinusub napasuku' ra bilin no ri Golopirnis,

⁶am i Golopirnis pana nagibit ra saujor-saujor nano timinuun ra nagas ru Raat Tanga'. Giu' ra moonong bandar mokoondo' ra kubu pinaayan no pulalai pagagalung. Niayuk pinili' nano kukula' ngaulun namagun ra bandar sumuang ra saujor mangindangan.

⁷I Golopirnis inanggak ra busak sinusak, mansasayau am bolos ru gandang ru namagun ra bandar-bandar am libung paginggaar no.

⁸Kaa' i Golopirnis nomopol ra ngaangai' intok sumamba ra dewa[1] am nantagar ra puun-puun ra mangasi' risilo. Io noyo sinusub koson mamuso ra ngaangai' dewa ra titikop ru tana' ti, maa' raginio ngaangai' ulun am bansa' sumamba ra Raja' Nibukadnijar ayuk am mangurumat riso koson ra dewa.

⁹Kopongo raginio i Golopirnis nansail ra Limayak Isdrilon maar ra Dotaim ondo' nakatuma' ra talupak ru kabuluran maayo Judia,

¹⁰am nangkim ra lolot ru Gaibai am Skitopolis. Minayan ilo buoi sansila' ra giu' no koson manimung ra ula' tayar ru saujor-saujor nano.