Read Timugon Murut MAZMUR 101 Bible Online

MAZMUR 101 - Timugon Murut bible

MAZMUR 101

¹Mazmur ri Daut. Marimbai aku ra gagaya' am katimpakan, rimbayon ku rimbai ragitio Rirun, iou TUHAN.

²Kalo sabain ku paliso kuno makaruruko. Sanggilan poyo ratangan Muno raki'? Giu' ra baloi kuno kaayagan kuno matulai;

³kalo polosoon ku kalaatan no masauk. Masisang aku ra baalon ru ulun ondo' siminiang; kalo masaga' aku kumubayau risilo.

⁴Kalo lumapau aku;[71] kalo maya' aku mambaal ra kalaatan.[72]

⁵Ulun manimbaal ra kalinuos ayuk pusoon ku; ulun ondo' malilimbau am masawat guang kalo polosoon ku koson raginio.

⁶Apuon ku ulun ondo' gumagaya' ri Aki Kapuuno'; paayanon ku ilo ra baloi kuno; ulun totopot mabanis guang iowon ku mangandoi raki'.

⁷Ulun mamparuung kalo paayanon ku ra istana kuno; kolondo' ulun magabau ra saang kuno.

⁸Moonong orou pusoon ku ulun malaat ra pagun takau; ngaangai' ru ulun malaat inggalarin ku intor ra bandar ru TUHAN.