Read Timugon Murut MAZMUR 109 Bible Online

MAZMUR 109 - Timugon Murut bible

MAZMUR 109

¹Ra tingganai ru santimungan maririmbai. Mazmur ri Daut. Iou i Aki Kapuuno' ondo' masalok kuno omporon, pai' pongkoror!

²Ulun malaat am mamparuung manimbaal raki', simbaalin nilo aku ra ragu kalo motopot.

³Bulunsaron nilo aku ra ragu-ragu makasisang, am manguu' raki' ra kolondo' kaayatan.

⁴Manguu' ilo raki', kabalu' pana tagamin ku ilo, am makiasi' aku ri Aki Kapuuno' ra koson risilo.

⁵Moonsoi aku risilo kaa' poboloson nilo kalaatan, am togom kuno ra kasisangan.

⁶Pasauko' noyo sangulun malaat koson mangakim ra pantula' kuno, am polosoon noyo pantula' no tagion ru pantula' nano galama'.

⁷Polosoon io akimin am ampos nano makasala io, am pakiasian nano pana karaan ra tula.

⁸Polosoon noyo bayag nano pupusin ra mataki', am kandoi nano sualion ru ulun bokon.

⁹Polosoon ngaangai' anak nano mailusan ra matuo, am andu' nano masauk ra mapuor.

¹⁰Polosoon noyo ngaangai' anak nano masauk ra makikitaak ondo' kolondo' ayanan, am inanjung intor ra[83] baloi nilo ra napuut no.

¹¹Polosoon noyo mansisika' ra utang no mangalap ra rapu' nano, am ampos ru kandoi nano gaawon ru ulun bokon.

¹²Polosoon noyo kolondo' ulun gumonsoi riso, kapoam motogom ra ngaangai' anak ondo' tinatang nano.

¹³Polosoon noyo ngaangai' papag nano mapuso, am inggalan nano lilianin ru anak-anak bagu.

¹⁴Polosoon noyo TUHAN mangkara' ra kalaatan ru kinamatuaan nilo, am kalo mangampun ra tula ru ina' nano.

¹⁵Polosoon noyo TUHAN masalok mangkara' ra tula nilo, am kolondo' sangulun pana ra ulun ru tana' ti mangkara' risilo.

¹⁶Pantula' kuno kalo igondo' mampaguang ra gumonsoi; mangimbolo' am mampatoi io ra ulun musikin, ondo' naimbolo', am kolondo' lulu'.

¹⁷Masaga' io magulas; polosoon io galama' masulungan! kalo masaga' io mambarakat ra ulun; polosoon kolondo' sangulun pana mambarakat riso!

¹⁸Pangkaraan nano magulas no koson ayuk rumalin ra bayang; polosoon ulas nano sumubol ra inan nano koson ra timug sumosop ra inan nano, am sumosop koson ra umau ra ralalom ru bungul-bungul nano.

¹⁹Polosoon noyo ulas no makataub riso koson ra konoon, am masalok rumilit riso koson ra abot.

²⁰Iou TUHAN, pantula' kuno ukumi' koson raginio, ilo ondo' mangilaat raki'.

²¹Kaa' indangano' aku, iou TUHAN Raja', sumugut ra bantu' Muno, am bayago' aku sabap ra togom am kinoonsoi Muno.

²²Musikin am naimbolo' aku; napilat kaga' guang kuno.

²³Itik aku no matatak koson ra babara' tampilon ra mamai'; koson ra gapu' ra aku kinabul.

²⁴Monontol atur kuno sabap ra nampali; kungkung am bungul ayuk soroi ra inan kuno.

²⁵Paat ra aku makito ru ulun, mangiis ilo raki'; sapipisik ilo saboi liliwa' magasab raki'.

²⁶Iou TUHAN, i Aki Kapuuno' Kuno, indangano' aku no; bayago' aku no sabap ra togom Muno.

²⁷Moonsoi makapandai pantula' kuno raginio binaal Muno, ra Okou noyo namayag raki'.

²⁸Kabalu' pana magulas ilo raki', kaa' barakaton Mu aku. Polosoon noyo ilo ondo' mangimbolo' raki' no kalaan,[84] am gama' ru bansukon aku ti, ulipon Mutu.

²⁹Polosoon asabin pantula' kuno, am guang mauyu' kumuluput risilo koson ra sukub.

³⁰Maringkuanang aku ra TUHAN ra bolos matangil; mongompor aku Riso ralalom pantimungan ru ulun,

³¹sabap ra Io noyo manaung ra ulun naimbolo' am mamayag risilo intor ra ulun ondo' nangukum risilo ra ukuman matoi.