Read Timugon Murut MAZMUR 113 Bible Online

MAZMUR 113 - Timugon Murut bible

MAZMUR 113

¹Omporo' noyo TUHAN! Akau ngaangai' ulipon ru TUHAN, omporo' noyo inggalan Nano!

²Musiti' noyo inggalan Nano omporon, raino am ra sabuoi-buoi no.

³Intor ra sirangon suku' ra kalasaan, inggalan ru TUHAN musiti' omporon.

⁴Ngaangai' bansa' kinuasa' ru TUHAN, kinatulai Nano masawat poyo intor ra limbowon.

⁵Kolondo' osoi pana koson ra TUHAN, i Aki Kapuuno' takau; panturungan Nano giu' ra intok masawat,

⁶kaa' marikuung Io koson magilong ra limbowon am tana' ti.

⁷Ulun musikin kinayang No intor ra tana', am ulun kunsikang intor ra kaau.

⁸Pinaayan No ilo masimpung ra mangunguasa', masimpung ra ngaangai' tingganai ru ulun Nano.

⁹Ngaangai' anak pinataak no ra andu' ondo' tabanang am pasaukon io ra ina' ondo' makaansuk am urumaton ra baloi nano. Omporo' noyo TUHAN!