Read Timugon Murut MAZMUR 136 Bible Online

MAZMUR 136 - Timugon Murut bible

MAZMUR 136

¹Paringkuanang no ra TUHAN sabap ra Io moonsoi; togom Nano mantilayun.

²Paringkuanang no ri Aki Kapuuno' Ondo' Masawat Kaga'; togom Nano mantilayun.

³Paringkuanang no ra TUHAN Ondo' Maayo Kaga'; togom Nano mantilayun.

⁴Io ayuk mambaal ra baal ra makaimuag toojo; togom Nano mantilayun.

⁵Ra pintar Nano binangun No limbowon; togom Nano mantilayun.

⁶Biningkal No tana' ti ra rasawat ru timug; togom Nano mantilayun.

⁷Sinauk No mato ru orou am bulan; togom Nano mantilayun.

⁸Sinauk No mato ru orou koson mamarinta ra matawang; togom Nano mantilayun.

⁹Sinauk No bulan am butitin koson mamarinta ra rondom; togom Nano mantilayun.

¹⁰Potoyon No anak ungkuyon ra katuaan ru ulun ru Misir; togom Nano mantilayun.

¹¹Tiningganai No ulun ru Israil mingkual intor ra Misir; togom Nano mantilayun.

¹²Ngaangai' no binaal ru kalindu' Nano ondo' maikang kaga'; togom Nano mantilayun.

¹³Raat Galaga linapak No;[98] togom Nano mantilayun.

¹⁴Tiningganai No ulun Nano maya' ra raat raginio; togom Nano mantilayun;

¹⁵kaa' raja' ru Misir am saujor nano linosor No; togom Nano mantilayun.

¹⁶Tiningganai No ulun Nano maya' ra tana' kaagisan; togom Nano mantilayun.

¹⁷Pinatoi No raja'-raja' ondo' makakuasa'; togom Nano mantilayun.

¹⁸Pinatoi No raja'-raja' ra nauligan kaga'; togom Nano mantilayun.

¹⁹Pinatoi No i Sigon, raja' ru ulun ru Amori; togom Nano mantilayun.

²⁰Pinatoi No i Og, raja' ru pagun Basan; togom Nano mantilayun.

²¹Pinataak No pagun nilono ra ulun Nano; togom Nano mantilayun.

²²Pinataak No ginio ra ulun ru Israil, ulipon Nano; togom Nano mantilayun.

²³Kalo mampalilian Io ritakau bulintok ra itakau kalaan; togom Nano mantilayun.

²⁴Pinalabus No itakau intor ra ngaangai' pantula' takau; togom Nano mantilayun.

²⁵Ngaangai' ru ondo' maayag inanian No ra akanon; togom Nano mantilayun.

²⁶Paringkuanang no ri Aki Kapuuno' mangunguasa' ra suruga'; togom Nano mantilayun.