Read Timugon Murut MAZMUR 141 Bible Online

MAZMUR 141 - Timugon Murut bible

MAZMUR 141

¹Mazmur ri Daut. Mampiau aku Rirun, iou TUHAN; indangano' aku no raino! Rongogo' aku no bulintok ra aku mampiau Rirun.

²Apuo' noyo pakiasian kutu koson ra rondo' taak ra kaminyan, am apuo' noyo kalindu' ra patunuyon kutu koson ra taak ra rondom.

³Iou TUHAN, oroto' noyo kabang kutu, am alungi' bibil kutu.

⁴Painggaluro' aku no ra gogot ru guang mambaal ra malaat, am lumatok ra ulun masaga' mambaal ra tula. Pai' aku polosoo' maya' akan ra bunsagan nilo.

⁵Masaga' aku mangapu ra ukuman am sawai intor ra ulun moonsoi, kaa' kalo masaga' aku mangapu ra pangamparan intor ra ulun malaat sabap ra magail aku makiasi' manggal ra kalaatan nilono.

⁶Bulintok ra mangunguasa' nilo patirin intor ra tobo ru kabatuan, ilo pana mangiou boo ra atan rinagu kuno motopot.

⁷Koson ra tataun linapak am tinotok kalumoto', koon niayuk raginio bungul nilono pataukon ra kiing ru lobong.

⁸Kaa' kalo makulau pangintapatan kuno Rirun, iou TUHAN Raja' kuno; lumansan aku ra panindungan Muno; pai' aku polosoo' matoi!

⁹Ampini' aku maa' raginio kalo makasulung aku ra jajaling ondo' pinataan nilo koson raki', pinataan ru ulun malaat.

¹⁰Polosoo' ilo galama' makasulung ra jajaling ondo' pinataan nilono, kaa' aku mokoowos am maayag.