Read Timugon Murut MAZMUR 142 Bible Online

MAZMUR 142 - Timugon Murut bible

MAZMUR 142

¹Sisindiron ri Daut, bulintok io soroi ra luang ru batu.

²Mampiau aku ra TUHAN, mikimasi' aku Riso ra makiindangan.

³Ngaangai' pakimasian kuno paraguon ku Riso; pabalaan ku ngaangai' kapaganan kuno Riso.

⁴Bulintok ra aku lumawo, mapandayan No atan baalon kuno. Ralan ra musiti' bayaan kuno, pantula' kuno napataan ra jajaling mamparakop raki'.

⁵Ilain ku pangkiing kuno, kolondo' sangulun pana makapangindangan raki'; kolondo' sangulun pana makapanindung raki'. Kolondo' sangulun pana mampalio raki'.

⁶Iou TUHAN, mampiau aku ra makiindangan Rirun, Okou noyo manindung raki', Okou ayuk gogoton kuno ralalom ru kaayagan ti.

⁷Rongogo' noyo pampiawan kuno ra makiindangan, sabap ra kolondo' lulu' kutu. Bayago' aku no intor ra pantula' kuno; pangkaraan kuno ilo ti maikang kaga'.

⁸Palabuso' aku intor ra kapaganan,[102] am ralalom pantitimungan ru ulun Muno, omporon Tokou, sabap ra moonsoi Kou raki'.