Read Timugon Murut MAZMUR 19 Bible Online

MAZMUR 19 - Timugon Murut bible

MAZMUR 19

¹Ra tingganai ru santimungan maririmbai. Mazmur ri Daut.

²Limbowon pabulowo mapabala' ra katulayan ri Aki Kapuuno'! Butitin pana makito koson mapatalang Io ra binaal Nano!

³Sangarawan mapabala' ra orou sumunu' no, am sarandaman mapabala' ra rondom sumunu' no.

⁴Kolondo' ragu am sulabiton; bolos pana kalo maining;

⁵kaa' tanou[12] raginio morongog ra titikop ru tana' ti, am potonowon ra pompor ru tana' ti. I Aki Kapuuno' napabigor ra kim giu' ra limbowon koson pataakon no ra mato ru orou;

⁶ondo' sumalula' ra susuab ti koson ra ungkuyon naguot ondo' miningkual ra baloi nano, am niayuk koson ra sangulun masisimbul ondo' makimagilou.

⁷Mato ru orou minsir intor ra pompor am muli' ra pompor. Kolondo' rondo' pana makasindung intor ra lasu' nano.

⁸Ukum ru TUHAN no naukop toojo, mampaligag ra salibuor. Panusuban ru TUHAN no maintopot, manaak ra kapandayan ra ulun ondo' mompogogot no.

⁹Ukum ru TUHAN no motopot, mapabansuk ra guang. Panusuban ru TUHAN no matimpok, manaak ra pangaratian ra ulun.

¹⁰Mangandoi ayuk ra TUHAN no moonsoi, kolondo' pupus no. Nangaruan ru TUHAN no matimpok, kalo magimbas ra sapapa'.

¹¹Sonor ru pampaguangan ru TUHAN mologo poyo intor ra mas kopoyo, am matamis poyo intor ra ruu' ru maningot.

¹²Mangngandoi Muno pinakara' ru ngaangai' raginio; balos moonsoi atangon ra ulun ondo' gumagaya' riso.

¹³Kolondo' sangulun pana makakito ra sala nano galama'; iou TUHAN, palabuso' aku no intor ra kasalaan ondo' nasibuni.

¹⁴Palabuso' aku niayuk intor ra tula ondo' siningon; pai' polosoo' ra aku kuasaan ru ginio. Aku pana masauk boo ra ulun kolondo' ruruko, am niayuk makalabus intor ra kasalaan maagat.

¹⁵Gama' ru ragu am pangkaraan kuno apuon Mu, Iou TUHAN, manindung am mamuli' raki'!