Read Timugon Murut MAZMUR 28 Bible Online

MAZMUR 28 - Timugon Murut bible

MAZMUR 28

¹Mazmur ri Daut. Iou TUHAN, manungka' raki', mampiau aku Rirun. Rongogo' noyo golok kutu! Amon ru kalo iowon Mu pakiasian kutu, aku ti koson ayuk ra ulun ondo' sumubol ra luang ru lobong.

²Rongogo' aku no bulintok ra aku mampiau makiindangan, painsawaton ku longon kuno tumingkuang ra Baloi Muno ondo' matulai.

³Pai' aku ukumi' mababaya' ra ulun ondo' maanggal-anggal, mababaya' ra ulun ondo' mambaal ra kalaatan — ulun ra maamis kabang, kaa' guang no natikop ra sisang.

⁴Ukumo' ilo no sabap ra binaal nilono, sabap ra nansalinut kalaatan ondo' binaal nilono. Ukumo' ilo no sabap binaal nilono; imboloo' ilo no sumugut ra kasagaan Muno.

⁵Kalo lioon nilo binaal ru TUHAN no, am niayuk ondo' sinauk Nano; ginio ra TUHAN no mangukum risilo am mamuso risilo ra sabuoi-buoi no.

⁶Omporo' noyo TUHAN; rinongog No kitaakon kuno.

⁷TUHAN no manindung am manungka' raki'; mangintopot aku Riso. Mangindangan Io raki' am mapabansuk ra guang kuno; omporon ku Io ra rimbai paringkuanangan.

⁸TUHAN manindung ra ulun Nano; manungka' Io am mamayag ra raja' tinimpok Nano.

⁹Iou TUHAN, bayago' noyo ulun Muno, am barakati' ilo no ondo' masauk ra longgom Muno. Sauk no koson ra magagalung risilo, am alungi' ilo ra sabuoi-buoi no.