Read Timugon Murut MAZMUR 43 Bible Online

MAZMUR 43 - Timugon Murut bible

MAZMUR 43

¹Iou Aki Kapuuno', paintalango' noyo ra aku kolondo' sala, sungkaa' aku tumingkuang ra bansa' ondo' nausung; painggaluro' aku intor ra ulun mangalaat am ulun maabau-abau.

²Okou noyo manindung raki'; kua kia panatang Kou raki'? Kua kia tanduusi' ku magiba' ra imbolo' kinibit ru kalaatan ru pantula' kuli?

³Taaki' noyo sinda Muno am ragu Muno ondo' motopot koson manampulau am mangila' raki', maa' raginio makasaguli' aku ra Sion, bulur Muno ondo' matulai,[28] am mongoi ra intok Muno.

⁴Aku pana mongoi ra altar Muno, iou Aki Kapuuno', sabap ra Okou noyo puun ru kaansukan kuno; marimbai aku am mangkayus ra jitor, koson mongompor Rirun, iou Aki Kapuuno', i Aki Kapuuno' kuno!

⁵Kua kia pangiluk guang kuno? Kua kia pagalabo aku? Malansan aku ri Aki Kapuuno', am igondo' poyo aku mongompor Riso, i Aki Kapuuno' kuno am mamamayag raki'.